ಏನಾದರೂ ಮನಸ್ಸಿನಲ್ಲಿ ಬೇಸರವಿದ್ದಾಗ ನೃತ್ಯ, ಹಾಡು ಮುಂತಾದ ವಿಡಿಯೋ ನೋಡಿದ್ರೆ ಮನಸ್ಸು ರಿಲ್ಯಾಕ್ಸ್ ಆಗುತ್ತದೆ. ಇದೀಗ ಬಸ್ ನಿಲ್ದಾಣದಲ್ಲಿ ವ್ಯಕ್ತಿಯೊಬ್ಬರು ಪಂಜಾಬಿ ಹಾಡುಗಳಿಗೆ ನೃತ್ಯ ಮಾಡುತ್ತಿರುವ ವಿಡಿಯೋ ವೈರಲ್ ಆಗಿದೆ,
ಹೌದು, ಈ ವ್ಯಕ್ತಿರು ಬಹುಶಃ ಬಸ್‌ಗಾಗಿ ಕಾಯುತ್ತಿರುವಾಗ ಅತ್ಯಂತ ಸಂತೋಷದಾಯಕ ಪ್ರಯಾಣಿಕರಾಗಿದ್ದಾರೆ ಎಂದೆನಿಸುತ್ತದೆ. ಹರಿಯಾಣದ ಸಿರ್ಸಾದ ಬಸ್ ನಿಲ್ದಾಣದಲ್ಲಿ ಈ ವಿಡಿಯೋವನ್ನು ಚಿತ್ರೀಕರಿಸಲಾಗಿದೆ. ಎಲ್ಲಾ ಜನರು ಹತಾಶೆಯ ಮುಖಗಳೊಂದಿಗೆ ಸುಡುವ ಬಿಸಿಲಿನಲ್ಲಿ ತಮ್ಮ ಬಸ್‌ಗಳಿಗಾಗಿ ಕಾಯುತ್ತಿರುವಾಗ, ವ್ಯಕ್ತಿಯೊಬ್ಬರು ನೃತ್ಯ ಮಾಡುತ್ತಾ ಎಂಜಾಯ್ ಮಾಡಿದ್ದಾರೆ.
ಗುರ್ ನಾಲೋ ಇಷ್ಕ್ ಮಿಥಾ ಎಂಬ ಪಂಜಾಬಿ ಗೀತೆಗೆ ವೃದ್ಧ ಕುಣಿದು ಕುಪ್ಪಳಿಸಿದ್ದಾರೆ. ಬಸ್ ನಿಲ್ದಾಣದಲ್ಲಿ ಈ ರೀತಿ ಡಾನ್ಸ್ ಮಾಡುತ್ತಿರುವ ವೃದ್ಧ ವ್ಯಕ್ತಿಯನ್ನು ಕಂಡು ಅಲ್ಲಿದ್ದ ಜನರು ಅಚ್ಚರಿಗೊಂಡಿದ್ದಾರೆ. ಬಿಳಿ ಧೋತಿ, ಕುರ್ತಾ ತೊಟ್ಟಿದ್ದ ವೃದ್ಧ ತನ್ನನ್ನು ತಾನೇ ಮರೆತು ಖುಷಿಯಿಂದ, ಬಹಳ ಸಂಭ್ರಮದಿಂದ ಭಲ್ಲೇ ಭಲ್ಲೇ ಸ್ಟೆಪ್ಸ್ ಹಾಕಿದ್ದಾರೆ.
ಈ ಮೂಲಕ ಜನರಿಗೆ ಮನರಂಜನೆ ನೀಡಲು ಮತ್ತು ಅವರು ಯಾವುದೇ ಕಾರಣವಿಲ್ಲದೆ ಸಂತೋಷವಾಗಿರಬಹುದು ಎಂಬುದನ್ನು ವೃದ್ಧ ವ್ಯಕ್ತಿ ತೋರಿಸಿದ್ದಾರೆ. ವೃದ್ಧನ ನೃತ್ಯ ಕೌಶಲ್ಯವನ್ನು ಹಲವಾರು ಮಂದಿ ತಮ್ಮ ಮೊಬೈಲ್ ಗಳಲ್ಲಿ ಸೆರೆಹಿಡಿದಿದ್ದಾರೆ. ಈ ವಿಡಿಯೋ ಇಂಟರ್ನೆಟ್ ನಲ್ಲಿ ವೈರಲ್ ಆಗಿದ್ದು, ನೆಟ್ಟಿಗರು ಕೂಡ ಇಷ್ಟಪಟ್ಟಿದ್ದಾರೆ.
Loading ...