ಬರಿಗೈಯಲ್ಲಿ ಹಾವನ್ನು ಹಿಡಿದ ಯುವತಿ ವಿಡಿಯೋ ವೈರಲ್

ನೀವೇನಾದರೂ ದುರ್ಬಲ ಹೃದಯದವರಾಗಿದ್ದಲ್ಲಿ, ಹಾವುಗಳನ್ನು ಕಂಡರೆ ಹೆದರುವ ಮಂದಿಯಾಗಿದ್ದಲ್ಲಿ ಈ ವಿಡಿಯೋ ನೋಡುವ ಮುನ್ನ ಎರಡು ಬಾರಿ ಯೋಚಿಸಬೇಕಾಗುತ್ತದೆ.

ವಿಯೆಟ್ನಾಂನ ಹನೋಯ್‌ನಿಂದ ವಾಯುವ್ಯಕ್ಕೆ 83 ಕಿಮೀ ದೂರದಲ್ಲಿರುವ ವಿಯೆಟ್ ಟ್ರಿ ಎಂಬಲ್ಲಿ ಮೇ 21ರಂದು ಸೆರೆ ಹಿಡಿಯಲಾದ ಈ ವಿಡಿಯೋದಲ್ಲಿ ಯುವತಿಯೊಬ್ಬರು ಭಾರೀ ಗಾತ್ರದ ಹಾವೊಂದನ್ನು ಬರಿಗೈಯಲ್ಲೇ ಸರಾಗವಾಗಿ ಹಿಡಿಯುತ್ತಿದ್ದಾರೆ. ವೈರಲ್ ಹಾಗ್ ಎಂಬ ವಾಹಿನಿಯೊಂದು ಈ ವಿಡಿಯೋ ಶೇರ್‌ ಮಾಡಿದೆ.

ಪಿಂಕ್ ಹೆಲ್ಮೆಟ್ ಒಂದನ್ನು ಧರಿಸಿದ ಈ ಯುವತಿ ರಸ್ತೆಯಲ್ಲಿದ್ದ ದೈತ್ಯ ಗಾತ್ರದ ಹಾವನ್ನು ಕೈಯಲ್ಲಿ ಹಿಡಿದು ಆಡಿಸುತ್ತಿರುವುದನ್ನು ವಿಡಿಯೋದಲ್ಲಿ ನೋಡಬಹುದಾಗಿದೆ.