ಪ್ರೊ. ಹಾಕಿಯಲ್ಲಿ ಚೀನಾ ತಂಡವನ್ನು ಬಗ್ಗು ಬಡಿದ ಭಾರತೀಯ ವನಿತೆಯರು

ಮಸ್ಕತ್ : ಪ್ರೊ. ಲೀಗ್ ನಲ್ಲಿ ಭಾರತೀಯ ಮಹಿಳೆಯರ ಹಾಕಿ ತಂಡವು ಚೀನಾದ ವನಿತೆಯರ ವಿರುದ್ಧ ಭರ್ಜರಿ ಜಯ ಸಾಧಿಸಿದೆ.

ಓಮನ್ ನಲ್ಲಿ ನಡೆದ ಪಂದ್ಯದಲ್ಲಿ 7-1 ಗೋಲುಗಳಿಂದ ಭಾರತೀಯ ಮಹಿಳೆಯರು ಗೆಲುವು ಸಾಧಿಸಿದ್ದಾರೆ. ಭಾರತೀಯ ಮಹಿಳೆಯರ ಪ್ರದರ್ಶನದ ಮುಂದೆ ಚೀನಾದ ಮಹಿಳೆಯರು ಹೋರಾಟ ನಡೆಸಲು ಆಗಲೇ ಇಲ್ಲ. 5ನೇ ನಿಮಿಷದಲ್ಲಿ ನವನೀತ್ ಕೌರ್ ಗೋಲು ಬಾರಿಸುವುದರೊಂದಿಗೆ ಶುಭಾರಂಭ ಮಾಡಿದ್ದರು. ಆ ನಂತರ 12ನೇ ನಿಮಿಷದಲ್ಲಿ ನೇಹಾ, 40ನೇ ನಿಮಿಷಯದಲ್ಲಿ ವಂದನಾ ಕಟಾರಿಯಾ ಗೋಲುಗಳನ್ನು ಬಾರಿಸಿ ಅಂತರವನ್ನು ಮತ್ತಷ್ಟು ಹಿಗ್ಗಿಸಿದರು.

ಚೀನಾದ ಪರ 43ನೇ ನಿಮಿಷದಲ್ಲಿ ಏಕೈಕ ಗೋಲು ದಾಖಲಾಯಿತು. ಆ ನಂತರವೂ ಭಾರತೀಯ ವನಿತೆಯರು ತಮ್ಮ ಆರ್ಭಟ ಮುಂದುವರೆಸಿದರು. 47ನೇ ನಿಮಿಷದಲ್ಲಿ ಸುಶೀಲಾ ಚಾನು, 48ನೇ ನಿಮಿಷದಲ್ಲಿ ಶರ್ಮಿಳಾ ದೇವಿ, 50ನೇ ನಿಮಿಷದಲ್ಲಿ ಗುರ್ಜಿತ್ ಕೌರ್, 52ನೇ ನಿಮಿಷದಲ್ಲಿ ಸುಶೀಲಾ ಚಾನು ಮತ್ತೊಂದು ಗೋಲು ಗಳಿಸಿ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು.