ಪ್ರೀತಿಯ ಶ್ವಾನಗಳನ್ನು ಕಾಪಾಡಲು ತಾವು ಮಾಡಿದ ಸಾಹಸವನ್ನು ವರ್ಣಿಸಿದ ಆಸ್ಕರ್​ ವಿಜೇತ ನಟ ಲಿಯೋನಾರ್ಡೋ ಡಿಕಾಪ್ರಿಯೋ

ಆಸ್ಕರ್​ ಪ್ರಶಸ್ತಿ ವಿಜೇತ ಲಿಯೊನಾರ್ಡೋ ಡಿಕಾಪ್ರಿಯೋ ತಮ್ಮ ವಾಸ್ತವದ ಜೀವನದಲ್ಲಿ ಭಯಾನಕ ಸಾಹಸವನ್ನು ಒತ್ತಾಯಪೂರ್ವಕವಾಗಿ ಮಾಡಿದಂತಹ ಘಟನೆಯೊಂದನ್ನು ಮೆಲುಕು ಹಾಕಿದ್ದಾರೆ.

ಸಂದರ್ಶನವೊಂದರಲ್ಲಿ ಈ ವಿಚಾರವಾಗಿ ಮಾತನಾಡಿದ ನಟ ಲಿಯೊನಾರ್ಡೋ ಡಿಕಾಪ್ರಿಯಾ ಡೋಂಟ್​ ಲುಕ್​ ಅಪ್​​ ಚಿತ್ರೀಕರಣದ ಸಂದರ್ಭದಲ್ಲಿ ತಮ್ಮ ಶ್ವಾನಗಳನ್ನು ಕಾಪಾಡಲು ತಾವು ಸಂಪೂರ್ಣ ಹೆಪ್ಪುಗಟ್ಟಿದ್ದ ಸರೋವರಕ್ಕೆ ಹಾರಿದ್ದೆ ಎಂದು ಹೇಳಿದ್ದಾರೆ.

ವೀಕ್ಲಿ ಅರೌಂಡ್​ ದಿ ಟೇಬಲ್​ ಸಂದರ್ಶನದ ವೇಳೆಯಲ್ಲಿ ಟೈಟಾನಿಕ್​ ಸ್ಟಾರ್​​ ಲಿಯೋನಾರ್ಡೋ ತಮ್ಮ ನಿಜ ಜೀವನದಲ್ಲಿ ನಡೆದ ಈ ಅತೀ ಸಾಹಸಿ ಪ್ರದರ್ಶನವನ್ನು ಬಹಿರಂಗಪಡಿಸಿದ್ದಾರೆ.

ಒಂದು ಸೈಬಿರೀಯನ್ ಹಸ್ಕಿ ತಳಿಯ ಶ್ವಾನವನ್ನು ಸರೋವರದಿಂದ ಹೊರಗೆ ತಳ್ಳುತ್ತಿದ್ದಂತೆಯೇ ಇನ್ನೊಂದು ಶ್ವಾನವು ಒಳಗೆ ಹಾರಿತು. ಕೊನೆಗೂ ತಮ್ಮ ಶ್ವಾನಗಳನ್ನು ಕಾಪಾಡುವಲ್ಲಿ ಯಶಸ್ವಿಯಾಗಿದ್ದಾಗಿ ಲಿಯೋನಾರ್ಡೋ ಹೇಳಿದ್ದಾರೆ.