ಪಾರ್ಟಿಯಲ್ಲಿ ಪಿಸ್ತೂಲ್‌ ಹಿಡಿದು ಹೆಜ್ಜೆ ಹಾಕಿದ ಯುವತಿ….! ವಿಡಿಯೋ ವೈರಲ್

ಉತ್ತರ ಭಾರತದ ರಾಜ್ಯಗಳಾದ ಉತ್ತರ ಪ್ರದೇಶ ಮತ್ತು ಬಿಹಾರದಲ್ಲಿ ಸಂಭ್ರಮಾಚರಣೆ ವೇಳೆ ಫೈರಿಂಗ್ ಪದ್ಧತಿ ಇನ್ನೂ ಸಾಮಾನ್ಯವಾಗಿದೆ.

ಅಂತಹ ಗುಂಡಿನ ದಾಳಿಗಳು ಕಾನೂನು ಬಾಹಿರವಾಗಿದ್ದರೂ, ಆಗಾಗ್ಗೆ ಆಕಸ್ಮಿಕ ಸಾವುಗಳಿಗೆ ಕಾರಣವಾಗಿದ್ದರೂ ಸಂಪ್ರದಾಯ ಮುಂದುವರಿದಿದೆ.

ಇದೀಗ ಬಿಹಾರದ ಸಿವಾನ್‌ನಲ್ಲಿ ನಡೆದ ಪಾರ್ಟಿಯೊಂದರಲ್ಲಿ ನರ್ತಕಿಯೊಬ್ಬರು ಗನ್ ಹಿಡಿದುಕೊಂಡು ಡ್ಯಾನ್ಸ್ ಮಾಡುತ್ತಿರುವುದನ್ನು ತೋರಿಸುವ ಆಘಾತಕಾರಿ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.

ಮೆಜೆಂಟಾ‌ ಬಣ್ಣದ ಲೆಹೆಂಗಾವನ್ನು ಧರಿಸಿರುವ ಯುವತಿ ವೇದಿಕೆಯಲ್ಲಿ ನೃತ್ಯ ಮಾಡುವಾಗ ಗನ್ ಹಿಡಿದಿರುವುದನ್ನು ಕಾಣಬಹುದು. ನರ್ತಕಿಗೆ ಪಾರ್ಟಿಯಲ್ಲಿ ಯಾರೋ ಪಿಸ್ತೂಲ್ ನೀಡಿದ್ದಾರೋ ಅಥವಾ ಆಕೆಯ ಸುರಕ್ಷತೆಗಾಗಿ ಆಕೆಯದೇ ಬಂದೂಕಾಗಿದೆಯೋ ಎಂಬುದು ಸ್ಪಷ್ಟವಾಗಿಲ್ಲ.

ಕೆಲವು ಯುವಕರು ಅವಳೊಂದಿಗೆ ನೃತ್ಯ ಮಾಡಲು ವೇದಿಕೆಯ ಮೇಲೆ ಅವಳನ್ನು ಸಂಪರ್ಕಿಸುತ್ತಾರೆ ಆದರೆ ಅವಳು ಅವರಿಗೆ ಪಿಸ್ತೂಲ್ ತೋರಿಸಿ ಪಕ್ಕಕ್ಕೆ ಸರಿಯಲು ಸೂಚಿಸುತ್ತಾಳೆ.

ನಂತರ ಅವಳು ವೇದಿಕೆಯಲ್ಲಿ ಒಬ್ಬ ವ್ಯಕ್ತಿಯೊಂದಿಗೆ ಸ್ಟೆಪ್ ಹಾಕುತ್ತಾ ಪ್ರದರ್ಶನ ಮುಂದುವರೆಸುತ್ತಾಳೆ. ಇಡೀ ಪ್ರದರ್ಶನದಲ್ಲಿ ಆಕೆಯ ಕೈಯಲ್ಲಿ ಪಿಸ್ತೂಲ್ ಇರುವುದು ಗಮನಾರ್ಹ.