ಡೆಲಿವರಿ ಏಜೆಂಟ್ಗಳ ಕುರಿತಾದ ಸಾಕಷ್ಟು ಘಟನೆಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಲೇ ಇರುತ್ತದೆ. ಇದರಲ್ಲಿ ಕೆಲವು ಘಟನೆಗಳು ಒಳ್ಳೆಯ ವಿಚಾರಗಳನ್ನು ಒಳಗೊಂಡಿರುತ್ತದೆ. ಅಪರಿಚಿತರ ಜೀವವನ್ನು ಉಳಿಸುವುದರಿಂದ ಹಿಡಿದು ಗ್ರಾಹಕರ ಪ್ಯಾಕೇಜ್ಗಳನ್ನು ಕದ್ದು ತಿನ್ನುವವರೆಗೆ ನಿಮಗೆ ನಾನಾ ಮನಸ್ಥಿತಿಯ ಡೆಲಿವರಿ ಏಜೆಂಟ್ಗಳ ಸುದ್ದಿಗಳು ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಲೇ ಇರುತ್ತದೆ.
ಚಿನ್ನಾಭರಣ ಅಂಗಡಿಯಿಂದ ಮಹಿಳೆಯೊಬ್ಬರು ಆಭರಣವನ್ನು ಕದಿಯುತ್ತಿರುವ ದೃಶ್ಯಾವಳಿಯು ಸಿಸಿ ಟಿವಿಯಲ್ಲಿ ರೆಕಾರ್ಡ್ ಆಗಿದ್ದು ಈ ವಿಡಿಯೋ ವೈರಲ್ ಆದ ಬಳಿಕ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ. ಆನ್ಲೈನ್ನಲ್ಲಿ ವೈರಲ್ ಆಗಿರುವ ವಿಡಿಯೋದಲ್ಲಿ ಕ್ಯಾಲಿರ್ಫೋನಿಯಾದಲ್ಲಿ ಪಿಸ್ಮೋ ಬೀಚ್ನಲ್ಲಿರುವ ಬ್ಯೂಟಿ ಸಲೂನ್ ಕಡೆಗೆ ಡೆಲಿವರಿ ಏಜೆಂಟ್ ತೆರಳುತ್ತಿರೋದನ್ನು ಕಾಬಹುದಾಗಿದೆ.
ಆದರೆ ವಾಪಸ್ ಬರುವ ವೇಳೆಯಲ್ಲಿ ಮಹಿಳೆಯ ಕೈಯಲ್ಲಿ ಆಭರಣ ಇರುವುದನ್ನು ಕಾಣಬಹುದಾಗಿದೆ. ಬೂದು ಬಣ್ಣದ ಟೀ ಶರ್ಟ್ ಧರಿಸಿದ್ದ ಮಹಿಳಾ ಡ್ರೈವರ್ ಮುಖ್ಯ ದ್ವಾರದಿಂದ ಒಳಗೆ ಪ್ರವೇಶಿಸಿ ಪ್ಯಾಕೇಜ್ನ್ನು ಮತ್ತೊಬ್ಬ ಮಹಿಳೆಗೆ ನೀಡಿದ್ದಾಳೆ.
ಆ ಸ್ಥಳದಲ್ಲಿ ಮಹಿಳೆಯ ಸುತ್ತಮುತ್ತ ಇತರೆ ಯಾವುದೇ ವ್ಯಕ್ತಿ ಅಥವಾ ಸಿಬ್ಬಂದಿ ಇರಲಿಲ್ಲ. ಈ ಸಮಯದ ಲಾಭ ಪಡೆದುಕೊಂಡ ಮಹಿಳೆಯು ಆಭರಣದ ಸಣ್ಣ ತುಂಡನ್ನು ಪಾಕೆಟ್ನಲ್ಲಿ ಇಟ್ಟುಕೊಂಡಿದ್ದಾಳೆ. ವರದಿಗಳ ಪ್ರಕಾರ ಮಹಿಳೆಯು ಅಂಗಡಿಯಿಂದ ನೆಕ್ಲೇಸ್ ಕದ್ದಿದ್ದಳು ಎನ್ನಲಾಗಿದೆ.
ಈ ಘಟನೆ ಸಂಬಂಧ ಉದ್ಯಮಿ ಮೆಲಿಯಾನಾ ಸಿಸಿ ಟಿವಿ ದೃಶ್ಯಾವಳಿಯನ್ನು ಟ್ವಿಟರ್ನಲ್ಲಿ ಹಂಚಿಕೊಂಡಿದ್ದರು. ಈ ವಿಡಿಯೋ ಮಿಲಿಯನ್ಗೂ ಅಧಿಕ ವೀವ್ಸ್ ಸಂಪಾದಿಸಿದೆ.
Loading ...