ನೀವು ನಂಬಲೇಬೇಕು…! ಅಫ್ಘಾನಿಸ್ಥಾನದಲ್ಲಿ ಚಿತ್ರೀಕರಣವಾಗಿತ್ತು ಬಾಲಿವುಡ್‌ ಚಿತ್ರ

ಅಫ್ಘಾನಿಸ್ತಾನವನ್ನು ಕ್ಷಿಪ್ರವಾಗಿ ತೆಕ್ಕೆಗೆ ತೆಗೆದುಕೊಂಡು ಅಟ್ಟಹಾಸ ಮೆರೆಯುತ್ತಿರುವ ತಾಲಿಬಾನ್‌ ಸುದ್ದಿಗಳು ಜಾಗತಿಕ ಸಮುದಾಯದ ಗಮನ ಹಿಡಿದಿಟ್ಟಿರುವ ಕಾಲಘಟ್ಟ ಇದು.

ಅಗ್ರ ನಾಯಕರು, ಸೆಲೆಬ್ರಿಟಿಗಳಾದಿಯಾಗಿ ಎಲ್ಲರೂ ಸಹ ಸಾಮಾಜಿಕ ಜಾಲತಾಣದಲ್ಲಿ ತಂತಮ್ಮ ಅಭಿಪ್ರಾಯಗಳನ್ನು ಈ ವಿಚಾರವಾಗಿ ಹಂಚಿಕೊಳ್ಳುತ್ತಿದ್ದು, ಅಫ್ಘನ್ ಜನರ ಪರವಾಗಿ ಕಾಳಜಿ ವ್ಯಕ್ತಪಡಿಸುತ್ತಿದ್ದಾರೆ.

ಇದೇ ವೇಳೆ, ಬಾಲಿವುಡ್ ನಟಿ ಹೇಮಾ ಮಾಲಿನಿ ಹಾಗೂ ಫಿರೋಜ಼್ ಖಾನ್ 1974ರ ’ಧರ್ಮಾತ್ಮಾ’ ಚಿತ್ರದ ಶೂಟಿಂಗ್‌ಗೆಂದು ಅಫ್ಘಾನಿಸ್ತಾನದಲ್ಲಿದ್ದ ವಿಡಿಯೋವೊಂದು ವೈರಲ್ ಆಗಿದೆ.

1974ರ ಆ ದಿನಗಳಲ್ಲಿ ಶಾಂತಿಯುತವಾಗಿದ್ದ ಕಾಬೂಲ್‌ ವಿಮಾನ ನಿಲ್ದಾಣಕ್ಕೆ ಬಂದಿಳಿದ ಧರ್ಮಾತ್ಮ ಚಿತ್ರತಂಡವನ್ನು ಅಲ್ಲಿನ ಗಣ್ಯರು ಬರಮಾಡಿಕೊಂಡಿರುವುದನ್ನು ವಿಡಿಯೋದಲ್ಲಿ ನೋಡಬಹುದಾಗಿದೆ.

ಇದಕ್ಕೂ ಮುನ್ನ 2013ರಲ್ಲಿ ʼಖುದಾ ಗವಾಹ್ʼ ಚಿತ್ರದ ಶೂಟಿಂಗ್‌ಗೆ ಅಫ್ಘಾನಿಸ್ತಾನಕ್ಕೆ ಹೋಗಿದ್ದ ಅಮಿತಾಭ್ ಬಚ್ಚನ್‌ ಆ ಸಂದರ್ಭದ ಚಿತ್ರವೊಂದನ್ನು ಶೇರ್‌ ಮಾಡಿದ್ದ ಪೋಸ್ಟ್‌ ಒಂದು ಈ ಸಂದರ್ಭದಲ್ಲಿ ಸದ್ದು ಮಾಡುತ್ತಿದೆ.

https://www.instagram.com/reel/CSqiiT_C-lU/?utm_source=ig_web_copy_link