ನಿಮ್ಮ ಚರ್ಮ ಯಾವ ವಿಧವಾದದ್ದು ಎಂಬುದನ್ನು ತಿಳಿದುಕೊಳ್ಳಬೇಕಾ…..?

ಚರ್ಮದಲ್ಲಿ ಹಲವು ವಿಧಗಳಿಗೆ. ನೀವು ಯಾವ ವಿಧದ ಚರ್ಮವನ್ನು ಹೊಂದಿದ್ದೀರಾ ಎಂದು ತಿಳಿದುಕೊಂಡು ಅದರಂತೆ ಮುಖಕ್ಕೆ ಕ್ರೀಂ, ಫೇಸ್ ಪ್ಯಾಕ್ ಗಳನ್ನು ಬಳಸಬೇಕು. ಇಲ್ಲವಾದರೆ ನಿಮ್ಮ ಮುಖದಲ್ಲಿ ಮೊಡವೆಗಳು, ಗುಳ್ಳೆಗಳು ಮೂಡುವುದರ ಮೂಲಕ ಮುಖದ ಚರ್ಮ ಕೆಡುತ್ತದೆ. ಹಾಗಾಗಿ ಈ ಮೂಲಕ ನಿಮ್ಮ ಚರ್ಮ ಯಾವ ವಿಧವಾಗಿದ್ದು ಎಂಬುದನ್ನು ತಿಳಿದುಕೊಳ್ಳಿ.

*ಸಾಮಾನ್ಯ ಚರ್ಮ : ಈ ಚರ್ಮದಲ್ಲಿ ಎಣ್ಣೆಯಂಶ ಕಾಣಿಸುಕೊಳ್ಳುವುದಿಲ್ಲ. ಇದು ಸ್ವಚ್ಚ ಹಾಗೂ ಮೃದುವಾಗಿ ಕಾಣುತ್ತದೆ. ಉತ್ತಮ ರಕ್ತಪರಿಚಲನೆ ಮತ್ತು ಆರೋಗ್ಯಕರವಾದ ಬಣ್ಣವನ್ನು ಹೊಂದಿರುತ್ತದೆ.

*ಒಣ ಚರ್ಮ : ನಿಮ್ಮ ಚರ್ಮವು ಒಣಗಿರುತ್ತದೆ, ಕ್ಲೀನ್ ಆಗಿರುತ್ತದೆ ಮತ್ತು ಬಿಗಿಯಾಗಿರುತ್ತದೆ. ಇದು ಅಕಾಲಿಕ ವಯಸ್ಸಾಗುವಿಕೆಗೆ ಒಳಗಾಗುತ್ತದೆ. ಚರ್ಮದಲ್ಲಿ ಬಿರುಕುಗಳು, ಗೆರೆಗಳು ಮೂಡಿರುತ್ತದೆ.

*ಎಣ್ಣೆಯುಕ್ತ ಚರ್ಮ : ಈ ಚರ್ಮವು ಯಾವಾಗಲೂ ಎಣ್ಣೆಯಂಶದಿಂದ ಕೂಡಿರುತ್ತದೆ. ಮುಖದ ಎಲ್ಲಾ ಭಾಗಗಳಲ್ಲಿ ಎಣ್ಣೆಯಂಶವಿರುತ್ತದೆ. ಇದು ಬಹಳಷ್ಟು ಸಮಸ್ಯೆಗಳನ್ನುಂಟು ಮಾಡುತ್ತದೆ. ಮೊಡವೆ, ಗುಳ್ಳೆಗಳು ಮೂಡಿರುತ್ತದೆ.

* ಒಣ ಮತ್ತು ಎಣ್ಣೆ ಮಿಶ್ರಿತ ಚರ್ಮ : ಈ ಚರ್ಮ ಹೊಂದಿರುವವರು ಮೂಗು, ಹಣೆ ಕೆಲವಡೆಯಲ್ಲಿ ಎಣ್ಣೆಯಂಶವಿದ್ದರೆ. ಇನ್ನೂ ಕೆಲವು ಕಡೆ ಒಣಗಿರುತ್ತದೆ.

*ಸೂಕ್ಷ್ಮ ತ್ವಚೆ : ಈ ತ್ವಚೆ ತುಂಬಾ ಕೋಮಲವಾಗಿರುತ್ತದೆ. ಮುಟ್ಟಿದ ಕಡೆಯಲ್ಲಿ ಕೆಂಪಾಗುತ್ತದೆ, ಸ್ಕಿನ್ ಅಲರ್ಜಿಗೆ ಒಳಗಾಗುತ್ತದೆ. ಇದಕ್ಕೆ ಸರಿಯಾದ ಆರೈಕೆ ಮಾಡಬೇಕು ಇಲ್ಲವಾದರೆ ಸಮಸ್ಯೆಗೆ ಒಳಗಾಗುತ್ತದೆ.