ಪಂಚರಾಜ್ಯ ಚುನಾವಣೆಗಳಲ್ಲಿ ನಾಲ್ಕು ರಾಜ್ಯಗಳಲ್ಲಿ ಅಧಿಕಾರವನ್ನು ಪಡೆದಂತೆಯೇ ಕರ್ನಾಟಕದಲ್ಲಿಯೂ ಕೂಡ ಬಿಜೆಪಿ ಮತ್ತೆ ಅಧಿಕಾರಕ್ಕೆ ಬರುವಲ್ಲಿ ಯಾವುದೇ ಸಂಶಯವಿಲ್ಲ ಎಂದು ಸಿ.ಟಿ. ರವಿ ವಿಧಾನಸೌಧದಲ್ಲಿ ಹೇಳಿದ್ದಾರೆ.
ನಮ್ಮದು ಸಬ್ ಕಾ ಸಾಥ್, ಸಬ್ ಕಾ ವಿಕಾಸ್ ಎಂಬ ನೀತಿಯಿದೆ. ಸಿದ್ದರಾಮಯ್ಯ ತರಹ ಸರ್ವನಾಶ್ ಎಂಬ ನೀತಿ ನಮ್ಮದಲ್ಲ. ಕಾಂಗ್ರೆಸ್ ಗೋವಾದಲ್ಲಿ ತಾನೇ ಅಧಿಕಾರಕ್ಕೆ ಬರುತ್ತೆ ಎಂದುಕೊಂಡಿತ್ತು. ಅಲ್ಲಿನ ಕಾಂಗ್ರೆಸ್ ನಾಯಕರು ಖಾತೆಯನ್ನೂ ಹಂಚಿಕೊಂಡಿದ್ದರು. ಆದರೆ ಚುನಾವಣೆ ಫಲಿತಾಂಶ ಕಾಂಗ್ರೆಸ್ ಲೆಕ್ಕಾಚಾರವನ್ನು ಬುಡಮೇಲು ಮಾಡಿದೆ ಎಂದು ಹೇಳಿದರು.
ನವೀನ್ ಸಾವು ವಿಚಾರದಲ್ಲಿ ಸಿದ್ದರಾಮಯ್ಯ ಹೇಳಿಕೆ ವಿಚಾರವಾಗಿಯೂ ಇದೇ ವೇಳೆ ಪ್ರತಿಕ್ರಿಯಿಸಿದ ಸಿ.ಟಿ. ರವಿ, ಸಿದ್ದರಾಮಯ್ಯ ಹೇಳಿಕೆಯನ್ನು ನಾನು ಗಮನಿಸಿದ್ದೇನೆ. ಉಕ್ರೇನ್ನಿಂದ ಅಷ್ಟು ದೊಡ್ಡ ಸಂಖ್ಯೆಯಲ್ಲಿ ಭಾರತೀಯರನ್ನು ಮರಳಿ ತಂದಿದ್ದು ಯಾರು..? ನವೀನ್ ಬಂಕರ್ನಲ್ಲಿಯೇ ಇರುತ್ತಿದ್ದರೆ ಅವರನ್ನೂ ನಾವು ಭಾರತಕ್ಕೆ ತರುತ್ತಿದ್ದೆವು ಎಂದು ಹೇಳಿದರು.
Loading ...