ನಂಬರ್ ಪ್ಲೇಟ್ ನೋಂದಣಿ ಸಂಖ್ಯೆ ಬದಲು `ಪಾಪಾ’ ಎಂದು ಬರೆದುಕೊಂಡಿದ್ದವನಿಗೆ ಬಿತ್ತು ದಂಡ…! 14-07-2022 2:33PM IST / No Comments / Posted In: Automobile News, Car News, Latest News, India, Live News ವಾಹನಗಳಿಗೆ ನಂಬರ್ ಪ್ಲೇಟ್ ನಲ್ಲಿ ನೋಂದಣಿ ಸಂಖ್ಯೆಯನ್ನು ಹೊರತುಪಡಿಸಿದರೆ ಬೇರೆ ಏನನ್ನೂ ಬರೆದುಕೊಳ್ಳಬಾರದು ಎಂಬ ಕಾನೂನಿದೆ. ಆದರೆ, ಪಡ್ಡೆ ಹುಡುಗರು ತಮ್ಮ ವಾಹನಗಳಿಗೆ ತಮಗಿಷ್ಟವಾದ ರೀತಿಯಲ್ಲಿ ಹೆಸರುಗಳನ್ನು ನೋಂದಣಿ ಸಂಖ್ಯೆ ಕಾಣದ ರೀತಿಯಲ್ಲಿ ಬರೆಯಿಸಿಕೊಳ್ಳುತ್ತಾರೆ. ಇಂತಹವರಿಗೆ ದಂಡಗಳನ್ನೂ ವಿಧಿಸಲಾಗುತ್ತಿದ್ದರೂ ಈ ಖಯಾಲಿ ನಿಂತಿಲ್ಲ. ಇಂತಹದ್ದೇ ಪ್ರಕರಣ ಉತ್ತರಖಂಡದಲ್ಲಿ ವರದಿಯಾಗಿದ್ದು, ಅಲ್ಲಿ ನಿಸಾನ್ ಕೈಗರ್ ಕಾರಿನ ನಂಬರ್ ಪ್ಲೇಟ್ ಮೇಲೆ ನೋಂದಣಿ ಸಂಖ್ಯೆಗೆ ಬದಲು `ಪಾಪಾ’ ಎಂದು ಹಿಂದಿಯಲ್ಲಿ ಬರೆದುಕೊಂಡಿದ್ದರು. ಈ ಬಗ್ಗೆ ಅನೇಕ ದೂರುಗಳು ಬಂದ ಹಿನ್ನೆಲೆಯಲ್ಲಿ ಪೊಲೀಸರು ವಾಹನದ ಮಾಲೀಕನಿಗೆ ದಂಡ ವಿಧಿಸಿ ಈ ರೀತಿ ಹಾಕಿಕೊಳ್ಳದಿರುವಂತೆ ಎಚ್ಚರಿಕೆ ನೀಡಿದ್ದಾರೆ. ಈ ವಾಹನದ ಮೇಲೆ ನೋಂದಣಿ ಸಂಖ್ಯೆಗೆ ಬದಲು `ಪಾಪಾ’ ಎಂದು ಬರೆದದ್ದರ ಬಗ್ಗೆ ಟ್ವಿಟರ್ ಸೇರಿದಂತೆ ಇನ್ನಿತರೆ ಸಾಮಾಜಿಕ ಮಾಧ್ಯಮಗಳಲ್ಲಿ ನೆಟ್ಟಿಗರು ಆಕ್ರೋಶ ವ್ಯಕ್ತಪಡಿಸಿದ್ದರು. ಅಲ್ಲದೇ, ಇಂತಹ ಕಾನೂನಿಗೆ ವಿರುದ್ಧವಾಗಿರುವ ಈ ಪ್ರಕರಣವನ್ನು ಕಂಡೂ ಕಾಣದಂತೆ ಪೊಲೀಸರು ಇದ್ದಾರೆ ಎಂದು ಕಿಡಿಕಾರಿದ್ದರು. ಈ ಬಗ್ಗೆ ಅನೇಕ ದೂರುಗಳೂ ಬಂದಿದ್ದವು. ಈ ಹಿನ್ನೆಲೆಯಲ್ಲಿ ಪೊಲೀಸರು ಕಾರನ್ನು ಮತ್ತು ಅದರ ಮಾಲೀಕರನ್ನು ಪತ್ತೆ ಮಾಡಿ ದಂಡ ವಿಧಿಸಿ ಎಚ್ಚರಿಕೆ ನೀಡಿದ್ದಾರೆ. ಕಾರಿನ ಮೇಲೆ `ಪಾಪಾ’ ಎಂದು ಬರೆದುಕೊಂಡಿದ್ದ ಚಿತ್ರವನ್ನು ತಮ್ಮ ಟ್ವಿಟರ್ ನಲ್ಲಿ ಹಂಚಿಕೊಂಡಿರುವ ಪೊಲೀಸರು, ʼಪಾಪ ಕೆಹತೇ ಬಡಾ ನಾಮ್ ಕರೇಗಾ’ ಎಂಬ ಹಿಂದಿ ಹಾಡಿನ ತುಣುಕನ್ನು ಹಾಕಿ, ಈ ರೀತಿ ಬರೆದರೆ ದಂಡ ಕಟ್ಟಬೇಕಾಗುತ್ತದೆ ಎಂಬ ಎಚ್ಚರಿಕೆಯನ್ನೂ ನೀಡಿದ್ದಾರೆ. पापा कहते हैं बड़ा नाम करेगा,गाड़ी के प्लेट पर पापा लिखेगा,मगर ये तो कोई न जाने,कि ऐसी प्लेट पर होता है चालान.. ट्वीट पर शिकायत प्राप्त करने के बाद #UttarakhandPolice ने गाड़ी मालिक को यातायात ऑफिस बुलाकर नम्बर प्लेट बदलवाई और चालान किया। pic.twitter.com/oL4E3jJFAV — Uttarakhand Police (@uttarakhandcops) July 12, 2022