ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿರುವ ಮಿಜೋರಾಂಗೆ ಸಂಬಂಧಿಸಿದ ಫೋಟೋವೊಂದು ಕೈಗಾರಿಕೋದ್ಯಮಿ ಆನಂದ್ ಮಹೀಂದ್ರಾ ಶೇರ್ ಮಾಡಿದ್ದಾರೆ.
ಈ ಫೋಟೊವನ್ನು ಮೊದಲು ಟ್ವಿಟರ್ನಲ್ಲಿ ಸಂದೀಪ್ ಅಹ್ಲಾವತ್ ಎಂಬವರು ಶೇರ್ ಮಾಡಿದ್ದರು. ಈ ಫೋಟೋ ಆನಂದ್ ಮಹೀಂದ್ರಾರ ಗಮನ ಸೆಳೆಯುವಲ್ಲಿ ಯಶಸ್ವಿಯಾಗಿದೆ. ಈ ಫೋಟೋದಲ್ಲಿ ಮಿಜೋರಾಂನ ವಾಹನ ಸವಾರರು ಎಷ್ಟು ಘನತೆಯಿಂದ ಟ್ರಾಫಿಕ್ ರೂಲ್ಸ್ ಫಾಲೋ ಮಾಡ್ತಿದ್ದಾರೆ ಎಂಬುದನ್ನು ತೋರಿಸುತ್ತಿದೆ.
ಮಹೀಂದ್ರಾ ಗ್ರೂಪ್ ಚೇರ್ಮನ್ ಟ್ವಿಟರ್ನಲ್ಲಿ ಹಂಚಿಕೊಂಡ ಫೊಟೋದಲ್ಲಿ ವಾಹನ ಸವಾರರು ಒಂದೇ ಒಂದು ವಾಹನವನ್ನೂ ಓವರ್ಟೇಕ್ ಮಾಡಲು ಯತ್ನಿಸದೆ ವಾಹನಗಳಿಗೆ ನಿಗದಿಯಾದ ಸ್ಥಳದಲ್ಲಿಯೇ ನಿಂತಿದ್ದಾರೆ.
ಈ ಫೋಟೋವನ್ನು ಶೇರ್ ಮಾಡಿರುವ ಆನಂದ್ ಮಹೀಂದ್ರಾ ಇದು ಎಂತಹ ಅದ್ಭುತ ಚಿತ್ರ..! ಒಂದೇ ಒಂದು ವಾಹನ ಕೂಡ ರೋಡ್ ಮಾರ್ಕರ್ನಿಂದ ಹೊರಬಂದಿಲ್ಲ. ಇದು ನಿಜಕ್ಕೂ ಸ್ಫೂರ್ತಿದಾಯಕವಾಗಿದೆ. ಅಲ್ಲದೇ ಈ ಫೋಟೋ ಮಹತ್ವದ ಸಂದೇಶವನ್ನು ಸಾರುತ್ತಿದೆ ಎಂದು ಶೀರ್ಷಿಕೆ ನೀಡಲಾಗಿದೆ.
Loading ...