ಉದ್ಯಮಿ ಆನಂದ್ ಮಹೀಂದ್ರಾ ಅವರು ಆಗಾಗ್ಗೆ ಅತ್ಯಾಸಕ್ತಿಯ ವಿಷಯಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡುತ್ತಲೇ ಇರುತ್ತಾರೆ. ಅವರು ಏನೇ ಶೇರ್ ಮಾಡಿದರೂ ಅದು ವೈರಲ್ ಆಗುತ್ತದೆ ಹಾಗೂ ಅನೇಕ ಮಂದಿ ಅವರ ಟ್ವೀಟ್ಗಳಿಗೆ ಕಮೆಂಟ್ ಮಾಡುತ್ತಾರೆ. ಇದಕ್ಕೆ ಕಾರಣ ಅವರು ಶೇರ್ ಮಾಡುವ ಪ್ರತಿಯೊಂದು ವಿಷಯದಲ್ಲಿಯೂ ಏನಾದರೂ ಆಸಕ್ತಿಕರವಾಗಿ ಇರುತ್ತವೆ.
ಅಂಥದ್ದೇ ಒಂದು ಹಕ್ಕಿಗಳ ವಿಡಿಯೋ ಇದೀಗ ವೈರಲ್ ಆಗಿದ್ದು, ಇದರ ವಿಶೇಷತೆ ಎಂದರೆ ಈ ಹಕ್ಕಿಗಳು ಜನರಿಗೆ ಸಂದೇಶವನ್ನು ನೀಡುತ್ತಿವೆ. ಟೀಮ್ ವರ್ಕ್ನ ಮಹತ್ವದ ಕುರಿತು ಈ ವಿಡಿಯೋ ಅವರು ಶೇರ್ ಮಾಡಿದ್ದಾರೆ.
ಈ ವಿಡಿಯೋದಲ್ಲಿ ಎರಡು ಪಕ್ಷಿಗಳನ್ನು ನೋಡಬಹುದು. ಒಂದು ಪಕ್ಷಿ ಹಳ್ಳದಿಂದ ಮಣ್ಣನ್ನು ಒದೆಯುತ್ತಿರುವುದು ಕಂಡುಬಂದರೆ, ಮತ್ತೊಂದು ಪಕ್ಷಿ ಮತ್ತೆ ಒಳಗೆ ಒದೆಯುತ್ತಿರುವುದು ಕಂಡುಬಂದಿದೆ. ಟೀಮ್ ವರ್ಕ್ ಪರಿಕಲ್ಪನೆ ಮತ್ತು ಅದು ಹೇಗೆ ಮಹತ್ವದ್ದಾಗಿದೆ ಎಂಬುದು ಇದರಿಂದ ತಿಳಿಯುತ್ತದೆ, ಇಲ್ಲದಿದ್ದರೆ ಏನಾಗುತ್ತದೆ ಎನ್ನುವುದನ್ನು ಇದರಿಂದ ಕಲಿಯಿರಿ ಎಂದು ಮಹೀಂದ್ರಾ ಹೇಳಿದ್ದಾರೆ.
“ವಾರದ ಮಧ್ಯದಲ್ಲಿ, ನೀವು ಪ್ರಾಜೆಕ್ಟ್ ತಂಡದಲ್ಲಿ ಮಾಡುತ್ತಿರುವಂತೆ ಈ ವಿಡಿಯೋ ಭಾಸವಾಗುತ್ತದೆ. ನೀವೆಲ್ಲರೂ ಒಂದೇ ಉದ್ದೇಶಕ್ಕಾಗಿ ಕೆಲಸ ಮಾಡುತ್ತಿದ್ದೀರಿ ಎಂದು ಖಚಿತಪಡಿಸಿಕೊಳ್ಳಿ” ಎಂದು ಮಹೀಂದ್ರಾ ಪೋಸ್ಟ್ಗೆ ಶೀರ್ಷಿಕೆ ನೀಡಿದ್ದಾರೆ.