ಚೆನ್ನೈನ ಸತ್ಯಬಾಮಾ ವಿಶ್ವವಿದ್ಯಾಲಯದಲ್ಲಿ ಕಂಪ್ಯೂಟರ್ ವಿಜ್ಞಾನದ ಅಂತಿಮ ವರ್ಷದ ವಿದ್ಯಾರ್ಥಿನಿಯಾಗಿರುವ ದೀಕ್ಷಿತಾ ಬಸು ಎಂಬಾಕೆ ಫುಡ್ ಅಗ್ರಿಗೇಟರ್ ಅಪ್ಲಿಕೇಶನ್‌ನೊಂದಿಗೆ ಇಂಟರ್ನ್‌ಶಿಪ್‌ಗೆ ಅರ್ಜಿ ಸಲ್ಲಿಸಲು ಬಯಸಿದ್ದರು. ಆದರೆ, ತನ್ನ ಬಯೋಡಾಟಾವನ್ನು ಮೇಲ್ ಮಾಡುವ ಬದಲು, ಆಕೆ ತನ್ನ ಕೌಶಲ್ಯವನ್ನು ಬಳಸಿಕೊಂಡು ಪ್ರೇಮಿಗಳ ದಿನದಂದು ಒಂದು ವಿನೂತನ ಪ್ರಸ್ತಾಪವನ್ನು ಮಾಡಿದ್ದಾಳೆ. ಈ ಪೋಸ್ಟ್ ಸದ್ಯ ವೈರಲ್ ಆಗಿದೆ.
ಕೆಲವು ಆರಾಧ್ಯ ಚಿತ್ರಗಳು, ಆಹಾರ-ವಿಷಯದ ಜೋಕ್‌ಗಳನ್ನು ಬಳಸಿಕೊಂಡ ವಿದ್ಯಾರ್ಥಿನಿಯು ಎ ವ್ಯಾಲೆಂಟೈನ್ ಕನ್ಫೆಷನ್ ಎಂಬ ಶೀರ್ಷಿಕೆಯ 14-ಸ್ಲೈಡ್ ಅಪ್ಲಿಕೇಶನ್ ಅನ್ನು ಮಾಡಿದ್ದಾಳೆ. ಹಾಗೂ ಅದನ್ನು ಲಿಂಕ್ಡ್‌ಇನ್‌ನಲ್ಲಿ ಹಂಚಿಕೊಂಡಿದ್ದಾಳೆ. ಈ ಪ್ರೇಮಿಗಳ ದಿನದಂದು ತಾನು ಇಂಟರ್ನ್‌ಶಿಪ್‌ಗಾಗಿ ಝೊಮಾಟೊವನ್ನು ಕೇಳಲು ಬಯಸುತ್ತೇನೆ. ಆದ್ದರಿಂದ, ಅರ್ಜಿ ಸಲ್ಲಿಸಲು ತಾನು ಉಪಯುಕ್ತವಾದದ್ದನ್ನು ಕ್ಯೂರೇಟ್ ಮಾಡಲು ಯೋಚಿಸಿದೆ ಎಂದು ಅವರು ಬರೆದಿದ್ದಾರೆ. ಆದ್ದರಿಂದ, ಪ್ರಿಯ ಝೊಮಾಟೊ ನೀನು ನನ್ನ ವ್ಯಾಲೆಂಟೈನ್ ಆಗುವೆಯಾ. ಹಾಗೂ ತನ್ನೊಂದಿಗೆ ಸಂದರ್ಶನದ ದಿನಾಂಕಕ್ಕೆ ಹೋಗುವುದೇ? ಎಂದು ಕೇಳಿದ್ದಾಳೆ.
ಬಸು ತನ್ನ ಕೌಶಲ್ಯ ಮತ್ತು ಸಾಧನೆಗಳನ್ನು ಪಟ್ಟಿ ಮಾಡುವ ಬದಲು, ಕಂಪನಿಯ ಅಪ್ಲಿಕೇಶನ್‌ನೊಂದಿಗೆ ಗುರುತಿಸಿದ ಕೆಲವು ಸಮಸ್ಯೆಗಳನ್ನು ಗಮನಿಸಿದ್ದಾರೆ. ಜೊತೆಗೆ ಅವುಗಳನ್ನು ಪರಿಹರಿಸುವ ಮಾರ್ಗಗಳನ್ನು ಸಹ ನೀಡಿದ್ದಾರೆ. ತಾನು ಯಾವಾಗಲೂ ಬಳಕೆದಾರರ ಹರಿವನ್ನು ಸುಧಾರಿಸಲು ಪ್ರಯತ್ನಿಸುತ್ತೇನೆ. ಬಿರಿಯಾನಿಯು ತನ್ನ ಮನಸ್ಥಿತಿಯನ್ನು ಸುಧಾರಿಸುತ್ತದೆ ಎಂಬುದಾಗಿ ಹೇಳಿಕೊಂಡಿದ್ದಾರೆ.
ವಿದ್ಯಾರ್ಥಿನಿಯ ಇಂಟರ್ನ್‌ಶಿಪ್ ಅಪ್ಲಿಕೇಶನ್ ಲಿಂಕ್ಡ್‌ಇನ್‌ನಲ್ಲಿ 18,000 ಕ್ಕೂ ಹೆಚ್ಚು ಲೈಕ್‌ಗಳನ್ನು ಸ್ವೀಕರಿಸಿ ವೈರಲ್ ಆಗಿದೆ. ಹಾಗೂ ಇತರ ಕಂಪನಿಗಳಿಂದಲೂ ಗಮನ ಸೆಳೆಯುತ್ತಿದೆ.
ಝೊಮ್ಯಾಟೋ ಫುಡ್ ಡೆಲಿವರಿ ಸಿಇಒ ರಾಹುಲ್ ಗಂಜೂ ಆಕೆಯ ವ್ಯಾಲೆಂಟೈನ್ ಡೇ ಪ್ರಸ್ತಾವನೆಗೆ ಉತ್ತರಿಸಿದ್ದಾರೆ. ಬಸು ಮಾರ್ಚ್‌ನಿಂದ ಇಂಟರ್ನ್‌ಶಿಪ್‌ಗೆ ಲಭ್ಯವಿರುತ್ತಾರೆ ಎಂದು ತಿಳಿಸಿದ್ದಾರೆ.
Loading ...