ಸೋಶಿಯಲ್ ಮೀಡಿಯಾ ವೇದಿಕೆಗಳಲ್ಲಿ ಕಾಣ ಸಿಗುವ ಪ್ರಾಣಿಗಳ ವಿಡಿಯೋಗಳನ್ನು ನೋಡುತ್ತಾ ಕುಳಿತರೆ ಸಮಯ ಸಾಗಿದ್ದೇ ತಿಳಿಯೋದಿಲ್ಲ. ಇದೇ ರೀತಿ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆದ ವಿಡಿಯೋವೊಂದರಲ್ಲಿ ಜಿಂಕೆಯೊಂದು ಬರೋಬ್ಬರಿ 7 ಅಡಿ ಎತ್ತರದಲ್ಲಿ ಜಿಗಿದಿದ್ದು ಇದನ್ನು ನೋಡಿದ ನೆಟ್ಟಿಗರು ಬೆಕ್ಕಸ ಬೆರಗಾಗಿದ್ದಾರೆ.
ರಸ್ತೆಯನ್ನು ದಾಟಬೇಕೆಂದು ಜಿಂಕೆ ಈ ರೀತಿ ಒಂದು ತುದಿಯಿಂದ ಇನ್ನೊಂದು ತುದಿಗೆ ಹಾರಿದೆ. ಸ್ಲೋ ಮೋಷನ್ನಲ್ಲಿ ಶೂಟ್ ಮಾಡಲಾದ ವಿಡಿಯೋದಲ್ಲಿ ಜಿಂಕೆಯು ಹಾರುವಾಗ ಎಷ್ಟು ಎತ್ತರ ಹಾಗೂ ದೂರವನ್ನು ಕ್ರಮಿಸಿದೆ ಎಂಬುದು ಸ್ಪಷ್ಟವಾಗಿ ಗೋಚರವಾಗುತ್ತಿದೆ.
ಇದು ನೋಡೋದಕ್ಕೆ ಆಕಾಶದಲ್ಲಿ ಜಿಂಕೆ ಹಾರುತ್ತಿರುವಂತೆ ಭಾಸವಾಗುತ್ತಿದೆ. ಅಷ್ಟು ಎತ್ತರದಲ್ಲಿ ಹಾರಿದ್ದರೂ ಸಹ ಜಿಂಕೆಯು ಸುರಕ್ಷಿತವಾಗಿ ನೆಲದ ಮೇಲೆ ಕಾಲಿಟ್ಟಿದೆ. ಈ ವಿಡಿಯೋವನ್ನು ಟ್ವಿಟರ್ನಲ್ಲಿ ಶೇರ್ ಮಾಡಲಾಗಿದ್ದು ಉದ್ದ ಹಾಗೂ ಎತ್ತರ ಜಿಗಿತದಲ್ಲಿ ಚಿನ್ನದ ಪದಕ ಸಿಗುತ್ತಿದೆ……. ಎಂದು ಶೀರ್ಷಿಕೆ ನೀಡಲಾಗಿದೆ.
Loading ...