ಅಮೆರಿಕಾ, ಆಸ್ಟ್ರೇಲಿಯಾದಂತಹ ದೇಶದಲ್ಲಿ ಜನಾಂಗೀಯ ಹಲ್ಲೆ, ನಿಂದನೆ ಮುಂತಾದ ಪ್ರಕರಣಗಳು ಆಗಾಗ್ಗೆ ಸಂಭವಿಸುತ್ತಿರುತ್ತವೆ. ಇದೀಗ, ಮಹಿಳೆಯೊಬ್ಬಳು ಜನಾಂಗೀಯ ವಿಚಾರವಾಗಿ ಮಾತನಾಡಿರುವ ವಿಚಾರಕ್ಕೆ ಸಂಬಂಧಪಟ್ಟಂತೆ ಪ್ರಯಾಣಿಕರನ್ನು ಕರೆದೊಯ್ಯಲು ಕ್ಯಾಬ್ ಚಾಲಕ ನಿರಾಕರಿಸುವ ಘಟನೆ ಅಮೆರಿಕಾದಲ್ಲಿ ನಡೆದಿದೆ.
ಕ್ಯಾಬ್ ಚಾಲಕ ಜೇಮ್ಸ್ ಡಬ್ಲ್ಯೂ ಬೋಡೆ ಎಂಬಾತ ಮೇ 13 ರಂದು ತನ್ನೊಂದಿಗೆ ರೈಡ್ ಬುಕ್ ಮಾಡಿದ್ದ ಇಬ್ಬರು ಜನಾಂಗೀಯ ವಿಚಾರ ಮಾತನಾಡಿದ ಪ್ರಯಾಣಿಕರನ್ನು ಎದುರಿಸಿದ್ದಾರೆ. ಈ ವಿಡಿಯೋ ಬೋಡೆಯ ಡ್ಯಾಶ್‌ಕ್ಯಾಮ್‌ನಲ್ಲಿ ಸೆರೆಯಾಗಿದೆ.
ಇದೀಗ ವೈರಲ್ ಆಗಿರುವ ವಿಡಿಯೋದಲ್ಲಿ, ಪೆನ್ಸಿಲ್ವೇನಿಯಾದಲ್ಲಿ ಜಾಕಿ ಎಂಬ ಮಹಿಳೆ ಕ್ಯಾಬ್ ಹತ್ತುವುದನ್ನು ವಿಡಿಯೋದಲ್ಲಿ ಕಾಣಬಹುದು. ಕ್ಯಾಬ್ ಡ್ರೈವರ್‌ನೊಂದಿಗೆ ಕೆಲವು ಸಂತಸವನ್ನು ವಿನಿಮಯ ಮಾಡಿಕೊಂಡ ನಂತರ ಆಕೆ, ಅಯ್ಯೋ…… ನೀವು ಬಿಳಿ ವ್ಯಕ್ತಿಯಾ ಎಂದು ಕೇಳಿದ್ದಾಳೆ. ಇದಕ್ಕೆ ಜೇಮ್ಸ್ ದಿಗ್ಭ್ರಮೆಯಾಗಿ ನೋಡಿದ್ದಾರೆ. ಇದರಿಂದ ಗೊಂದಲಕ್ಕೊಳಗಾದ ಮಹಿಳೆ, ತನ್ನನ್ನು ಕ್ಷಮಿಸುವಂತೆ ಕೋರಿದ್ದಾಳೆ. ನೀವು ಸಾಮಾನ್ಯ ವ್ಯಕ್ತಿಯಂತೆ ಇದ್ದೀರಾ ? ನೀವು ಇಂಗ್ಲಿಷ್ ಮಾತನಾಡುತ್ತೀರಾ ? ಎನ್ನುತ್ತಾ ಜೇಮ್ಸ್ ಹೆಗಲ ಮೇಲೆ ತಟ್ಟಿದ್ದಾಳೆ.
ಮಹಿಳೆಯ ಮಾತಿನಿಂದ ಜೇಮ್ಸ್ ಗೆ ಸಂತೋಷವಾದಂತೆ ಕಂಡಿಲ್ಲ. ಅಲ್ಲದೆ, ತಾನು ರೈಡ್ ಅನ್ನು ರದ್ದುಗೊಳಿಸಲಿದ್ದು, ಕ್ಯಾಬ್ ನಿಂದ ಕೆಳಗಿಳಿಯುವಂತೆ ಕೇಳಿಕೊಂಡಿದ್ದಾನೆ. ಬಿಳಿಯರಾಗಿದ್ದರೆ, ಈ ಆಸನದಲ್ಲಿ ಕುಳಿತಿದ್ದರೆ ಏನಾಗುತ್ತದೆ ? ಎಂದು ಕೇಳಿದ್ದಾನೆ. ಇದರಿಂದ ಆಕೆ ಗೊಂದಲಕ್ಕೊಳಗಾಗಿದ್ದಾಳೆ. ಇದರಿಂದ ಮಧ್ಯಪ್ರವೇಶಿಸಿದ ವ್ಯಕ್ತಿಯೊಬ್ಬ, ಜೇಮ್ಸ್ ನನ್ನು ಅವಾಚ್ಯವಾಗಿ ನಿಂದಿಸಲು ಶುರು ಮಾಡಿದ್ದಾನೆ. ಅಲ್ಲದೆ ದೈಹಿಕ ಹಲ್ಲೆಯ ಬೆದರಿಕೆಯನ್ನೂ ಕೂಡ ಹಾಕಿದ್ದಾನೆ.
ಜೇಮ್ಸ್ ಬೋಡೆ ಅವರು ಮೇ 14 ರಂದು ಫೇಸ್‌ಬುಕ್‌ನಲ್ಲಿ ಇದರ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಜಾತಿವಾದಿ ಪ್ರಯಾಣಿಕರ ವಿರುದ್ಧ ನಿಂತಿದ್ದಕ್ಕಾಗಿ ಇಂಟರ್ನೆಟ್ ಕ್ಯಾಬ್ ಚಾಲಕನನ್ನು ಶ್ಲಾಘಿಸಿದೆ.
Loading ...