ಚಿತ್ರ ಬಿಡುಗಡೆಗೂ ಮುನ್ನವೇ ಬಾಲ ನಟ ಕ್ಯಾನ್ಸರ್ ಗೆ ಬಲಿ

ತಮ್ಮ ಚೊಚ್ಚಲ ಚಿತ್ರದಲ್ಲಿ ಅಭಿನಯಿಸಿದ್ದ ಬಾಲ ನಟರೊಬ್ಬರು ಇದರ ಬಿಡುಗಡೆಗೂ ಮುನ್ನವೇ ಮಾರಣಾಂತಿಕ ಕ್ಯಾನ್ಸರ್ ಗೆ ಬಲಿಯಾಗಿರುವ ಘಟನೆ ನಡೆದಿದೆ.

ಭಾರತದಿಂದ ಆಸ್ಕರ್ ಗೆ ಪ್ರವೇಶ ಪಡೆದ ಗುಜರಾತಿ ಚಿತ್ರ ‘ಛೆಲ್ಲೊ ಶೋ’ನಲ್ಲಿ ಅಭಿನಯಿಸಿದ್ದ ಬಾಲ ನಟ 15 ವರ್ಷದ ರಾಹುಲ್ ಕೋಲಿ ಅಕ್ಟೋಬರ್ 2ರಂದು ರಕ್ತ ಕ್ಯಾನ್ಸರ್ ನಿಂದ ಸಾವನ್ನಪ್ಪಿದ್ದಾರೆ.

ಕಳೆದ ನಾಲ್ಕು ತಿಂಗಳಿನಿಂದ ಅವರು ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದು, ಫಲಕಾರಿಯಾಗದೆ ಅಹಮದಾಬಾದ್ ಆಸ್ಪತ್ರೆಯಲ್ಲಿ ವಿಧಿವಶರಾಗಿದ್ದಾರೆ. ಅವರ ಅಭಿನಯದ ‘ಛೆಲ್ಲೊ ಶೋ’ ಚಿತ್ರ ಅಕ್ಟೋಬರ್ 14ರಂದು ತೆರೆ ಕಾಣಲಿದೆ.