ಚಾಕ್​ಪೀಸ್​ನಿಂದ ಬೋರ್ಡ್​ ಮೇಲೆ ಮೂಡಿ ಬಂದ ಅದ್ಭುತ ಕಲಾಕೃತಿ: ವೈರಲ್​ ವಿಡಿಯೋಗೆ ನೆಟ್ಟಿಗರ ಶ್ಲಾಘನೆ

ಸಾಮಾಜಿಕ ಜಾಲತಾಣಗಳಲ್ಲಿ ನಾವು ಆಗಾಗ ವಿವಿಧ ಕಲಾಕೃತಿಗಳನ್ನು ಕಾಣುತ್ತೇವೆ. ಪೇಂಟ್‌ಬ್ರಷ್‌ಗಳಿಂದ ಪೆನ್ಸಿಲ್‌ಗಳವರೆಗೆ, ಕಲಾವಿದರು ತಮ್ಮ ಮೇರುಕೃತಿಗಳನ್ನು ರಚಿಸುತ್ತಾರೆ. ಭಿನ್ನ ಭಿನ್ನ ಎನ್ನುವಂಥ, ಅಚ್ಚರಿ ಮೂಡಿಸುವ ಕಲಾಕೃತಿಗಳನ್ನು ರಚಿಸುತ್ತಾರೆ. ಅಂಥವುಗಳಲ್ಲಿ ಕೆಲವು ಕಲಾವಿದರ ಕೃತಿಗಳು ವೈರಲ್​ ಆಗುತ್ತವೆ. ಅಂಥದ್ದೇ ಒಂದು ಕುತೂಹಲದ ಕೃತಿಯೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.

ಚಾಕ್​ಪೀಸ್​ ಬಳಸಿ ಉತ್ತಮ ಕಲಾಕೃತಿ ರಚಿಸಿರುವುದು ಇದಾಗಿದೆ. ಯುವತಿಯೊಬ್ಬರು ಚಾಕ್​ಪೀಸ್​ನಿಂದ ಕಲಾಕೃತಿ ರಚಿಸಿದ್ದು, ಇದನ್ನು ನೋಡಿದರೆ ನಂಬಲು ಅಸಾಧ್ಯ ಎನಿಸುತ್ತದೆ. ಚಾಕ್​ಪೀಸ್​ನ ಸೈಡ್​ ಬಳಸಿ ಬೋರ್ಡ್​ ಮೇಲೆ ಮಹಿಳೆ ಹಾಗೂ ಪುರುಷನ ಕಲಾಕೃತಿಯನ್ನು ರಚಿಸಲಾಗಿದೆ. ಮಳೆಗಾಲದ ಚಿತ್ರಣ ನೀಡುವ ಕೊಡೆ ಹಿಡಿದ ಮಹಿಳೆ ಮತ್ತು ಪುರುಷನ ಚಿತ್ರ ಮೂಡಿಬಂದಿದೆ.

ರೇಖೆಗಳ ಮೂಲಕ ಈ ಕಲಾಕೃತಿ ರಚಿಸಿದ್ದು, ಅದು ಸಂಪೂರ್ಣಗೊಂಡ ನಂತರ ಚಾಕ್​ಪೀಸ್​ನಿಂದ ಮಾಡಿದ್ದು ಎಂದು ಹೇಳಲು ಸಾಧ್ಯವೇ ಇಲ್ಲದಷ್ಟು ಅಂದವಾಗಿ ಮೂಡಿಬಂದಿದೆ. ನವೆಂಬರ್ 4 ರಂದು ಪೋಸ್ಟ್ ಮಾಡಲಾದ ವೈರಲ್ ವಿಡಿಯೋ ಟ್ವಿಟರ್‌ನಲ್ಲಿ ಇದುವರೆಗೆ 15 ಲಕ್ಷಕ್ಕೂ ಹೆಚ್ಚು ವೀಕ್ಷಣೆಗಳು ಮತ್ತು 42,000 ಕ್ಕೂ ಹೆಚ್ಚು ಲೈಕ್‌ಗಳನ್ನು ಪಡೆದುಕೊಂಡಿದೆ.