ಗ್ರಾಹಕರ ಖಾತೆಗೆ ತಪ್ಪಾಗಿ ಬರೋಬ್ಬರಿ 1,310 ಕೋಟಿ ರೂ. ವರ್ಗಾಯಿಸಿದ ಬ್ಯಾಂಕ್..!

ಕ್ರಿಸ್‌ಮಸ್ ಹಬ್ಬದಂದು ಯುಕೆ ಮೂಲದ ಬ್ಯಾಂಕ್ ವೊಂದು ತನ್ನ ಗ್ರಾಹಕರಿಗೆ ಭರ್ಜರಿ ಗಿಫ್ಟ್ ನೀಡಿದೆ. ಆದರೆ, ಇದು ಅಚಾತುರ್ಯದಿಂದ ಆಗಿರುವ ಪ್ರಮಾದ.

ಹೌದು, ಡಿಸೆಂಬರ್ 25ರಂದು ಸ್ಯಾಂಟ್ಯಾಂಡರ್ ಬ್ಯಾಂಕ್ ತಪ್ಪಾಗಿ 130 ಮಿಲಿಯನ್ ಪೌಂಡ್‌ (ಸುಮಾರು 1,310 ಕೋಟಿ ರೂ.) ಗಳನ್ನು ಗ್ರಾಹಕರ ಖಾತೆಗಳಿಗೆ ವರ್ಗಾಯಿಸಿದೆ. ತಾಂತ್ರಿಕ ಸಮಸ್ಯೆಯಿಂದಾಗಿ ಈ ಸಮಸ್ಯೆಯಾಗಿದೆ ಎಂದು ಬ್ಯಾಂಕ್ ಹೇಳಿದೆ.

2,000 ವ್ಯವಹಾರ ಖಾತೆಗಳಿಂದ ಪಾವತಿಗಳನ್ನು ಎರಡು ಬಾರಿ ಪ್ರಕ್ರಿಯೆಗೊಳಿಸಿದಾಗ ತಪ್ಪಾಗಿ ಗ್ರಾಹಕರಿಗೆ ಹಣ ವರ್ಗಾಯಿಸಲಾಗಿದೆ. ಅಂದರೆ, ಕೆಲವು ಉದ್ಯೋಗಿಗಳು ತಮ್ಮ ಸಂಬಳವನ್ನು ಡಬಲ್ (ದ್ವಿಗುಣ) ಆಗಿ ಪಡೆದಿದ್ದಾರೆ. ಆದರೆ, ಪೂರೈಕೆದಾರರು ಅವರು ನಿರೀಕ್ಷಿಸಿದ್ದಕ್ಕಿಂತ ಹೆಚ್ಚಿನದನ್ನು ಪಡೆದಿದ್ದಾರೆ.

ಶೆಡ್ಯೂಲಿಂಗ್ ಸಮಸ್ಯೆಯಿಂದಾಗಿ ಈ ತಪ್ಪಾಗಿದೆ ಎಂದು ಬ್ಯಾಂಕ್ ಹೇಳಿದೆ. ಅದನ್ನು ಈಗ ಸರಿಪಡಿಸಲಾಗಿದೆ. ಇದಕ್ಕಾಗಿ ಬ್ಯಾಂಕ್ ವಿಷಾದ ವ್ಯಕ್ತಪಡಿಸಿದೆ. ಇನ್ನು ಹಣ ವಸೂಲಾತಿ ಪ್ರಕ್ರಿಯೆಯು ಬ್ಯಾಂಕ್ ದೋಷ ಮರುಪಡೆಯುವಿಕೆ ಎಂದು ಕರೆಯಲ್ಪಡುವ ಉದ್ಯಮ ಪ್ರಕ್ರಿಯೆಯಾಗಿದೆ. ಈ ಕಾರ್ಯವಿಧಾನದ ಪ್ರಕಾರ ಸ್ಯಾಂಟ್ಯಾಂಡರ್ ಬ್ಯಾಂಕ್ ಇತರ ಬ್ಯಾಂಕ್‌ಗಳೊಂದಿಗೆ ಕೆಲಸ ಮಾಡಲು ಪ್ರಾರಂಭಿಸಿದೆ. ಈ ಬ್ಯಾಂಕ್‌ಗಳು ತಮ್ಮ ಗ್ರಾಹಕರ ಖಾತೆಗಳಿಂದ ಆಕಸ್ಮಿಕ ಪಾವತಿಗಳನ್ನು ಮರುಪಡೆಯಲು ಬಯಸುತ್ತವೆ. ಜನರ ಖಾತೆಯಿಂದ ನೇರವಾಗಿ ಹಣ ವಸೂಲಿ ಮಾಡುವ ಸಾಮರ್ಥ್ಯವೂ ಇದೆ ಎಂದು ಬ್ಯಾಂಕ್ ಹೇಳಿದೆ.