ಗಾನಕೋಗಿಲೆ ಲತಾ ಮಂಗೇಶ್ಕರ್ಗೆ ವಿಶೇಷವಾಗಿ ಶ್ರದ್ಧಾಂಜಲಿ ಸಲ್ಲಿಸಿದ ಪಾಕ್ ಗಾಯಕ 19-02-2022 9:14PM IST / No Comments / Posted In: Featured News, Live News, Entertainment ಭಾರತದ ಗಾನಕೋಗಿಲೆ ಲತಾ ಮಂಗೇಶ್ಕರ್ ಫೆಬ್ರವರಿ 6ರಂದು ತಮ್ಮ ಅಭಿಮಾನಿಗಳನ್ನು ತೊರೆದು ಬಾರದ ಲೋಕಕ್ಕೆ ತೆರಳಿದರು. ಲತಾ ಮಂಗೇಶ್ಕರ್ರ ಸಾವಿನ ಸುದ್ದಿ ಹೊರ ಬೀಳುತ್ತಿದ್ದಂತೆಯೇ ಕೇವಲ ಭಾರತ ಮಾತ್ರವಲ್ಲದೇ ವಿದೇಶಗಳಲ್ಲೂ ಕೂಡ ಅಭಿಮಾನಿಗಳು ಸಂತಾಪ ಸೂಚಿಸಿದ್ದರು. ಲತಾ ಮಂಗೇಶ್ಕರ್ ನಿಧನದ ಶೋಕ ಕೇವಲ ಭಾರತ ಮಾತ್ರವಲ್ಲದೇ ಗಡಿಯಾಚೆಗೂ ದಾಟಿದ್ದು ಪಾಕಿಸ್ತಾನ ಗಾಯಕ ಅತೀಫ್ ಅಸ್ಲಾಂ ಕೂಡ ಭಾವಪೂರ್ಣ ಶ್ರದ್ಧಾಂಜಲಿಯನ್ನು ಸಲ್ಲಿಸಲಾಗಿದೆ. ದುಬೈನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಅತೀಫ್ ಲತಾ ಮಂಗೇಶ್ಕರ್ ಫೋಟೋದ ಹಿನ್ನೆಲೆಯಲ್ಲಿ ಏಕ್ ಪ್ಯಾರ್ ಕಾ ನಗ್ಮಾ ಹೈ ಹಾಡನ್ನು ಹಾಡಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಈ ವಿಡಿಯೋ ವೈರಲ್ ಆಗಿದೆ. ಹಾಗೂ ನೆಟ್ಟಿಗರು ಅತಿಫ್ ಅಸ್ಲಾಂರ ಈ ಹಾಡಿಗೆ ಫಿದಾ ಆಗಿದ್ದಾರೆ. ಈ ವಿಡಿಯೋ ಕಮೆಂಟ್ ಮಾಡಿದ ನೆಟ್ಟಿಗರೊಬ್ಬರು ಸಂಗೀತಕ್ಕೆ ಯಾವುದೇ ಎಲ್ಲೆಯಿಲ್ಲ ಎಂದು ಹೇಳಿದ್ದಾರೆ. ಇನ್ನೊಬ್ಬರು ಅತಿಫ್ ಅಸ್ಲಾಂರಿಂದ ಅತ್ಯದ್ಭುತವಾದ ಅರ್ಪಣೆ ಎಂದಿದ್ದಾರೆ. ಇದೇ ರೀತಿ ಸಾಕಷ್ಟು ಮಂದಿ ಅತೀಫ್ ಅಸ್ಲಾಂ ಲತಾ ಮಂಗೇಶ್ಕರ್ರಿಗೆ ಸಲ್ಲಿಸಿದ ಶ್ರದ್ಧಾಂಜಲಿಯನ್ನು ಹೊಗಳಿದ್ದಾರೆ. #AtifAslam beautiful tribute to #LataMangeshkar ❤️ pic.twitter.com/Oe9eKlppZx — S_shah (@shah1_sj) February 13, 2022