ಆಸ್ಟ್ರೆಜೆನಿಕಾದ ಕೋವಿಶೀಲ್ಡ್ ಮೂರು ಡೋಸ್ ಕೋವಿಡ್ ಲಸಿಕೆಯು ಒಮಿಕ್ರಾನ್ ಕೊರೊನಾ ರೂಪಾಂತರಿಯ ವಿರುದ್ಧ ಪರಿಣಾಮಕಾರಿಯಾಗಿದೆ ಎಂದು ಆಕ್ಸ್ಫರ್ಡ್ ವಿಶ್ವವಿದ್ಯಾಲಯದ ಪ್ರಾಯೋಗಿಕ ಅಧ್ಯಯನ ಡೇಟಾಗಳನ್ನು ಉಲ್ಲೇಖಿಸಿ ಔಷಧ ತಯಾರಕ ಕಂಪನಿಯೊಂದು ಹೇಳಿಕೆ ನೀಡಿದೆ.
ಅಧ್ಯಯನದ ವರದಿಯು ಇನ್ನಷ್ಟೇ ಮೆಡಿಕಲ್ ಜರ್ನಲ್ನಲ್ಲಿ ಪ್ರಕಟವಾಗಬೇಕಿದೆ. ಕೋವಿಡ್ 19ನಿಂದ ಸೋಂಕಿಗೆ ಒಳಗಾಗಿ ಸ್ವಾಭಾವಿಕವಾಗಿ ಚೇತರಿಸಿಕೊಂಡ ವ್ಯಕ್ತಿಗಿಂತ ಹೆಚ್ಚಾಗಿ ಬೂಸ್ಟರ್ ಶಾಟ್ ಪಡೆದ ವ್ಯಕ್ತಿಯಲ್ಲಿಯೇ ಆ್ಯಂಟಿಬಾಡಿಗಳು ಇರುತ್ತವೆ ಎಂದು ಈ ಅಧ್ಯಯನವು ಹೇಳಿದೆ.
ಎರಡು ಡೋಸ್ ಕೊರೊನಾ ಲಸಿಕೆಯು ಹೇಗೆ ಡೆಲ್ಟಾ ರೂಪಾಂತರಿಯ ವಿರುದ್ಧ ಪರಿಣಾಮಕಾರಿಯಾಗಿತ್ತೋ ಅದೇ ರೀತಿಯಲ್ಲಿ ಮೂರು ಡೋಸ್ ಕೊರೊನಾ ಲಸಿಕೆಯು ಓಮಿಕ್ರಾನ್ ರೂಪಾಂತರಿಯನ್ನು ತಟಸ್ಥಗೊಳಿಸಲು ಸಹಕಾರಿ ಎಂದು ಹೇಳಲಾಗಿದೆ.
ಈ ವಿಚಾರವಾಗಿ ಮಾಹಿತಿ ನೀಡಿದ ಆಂಗ್ಲೋ- ಸ್ವೀಡಿಷ್ ಔಷಧಿ ತಯಾರಕರು, ಈ ಅಧ್ಯಯನವನ್ನು ನಡೆಸಿದ ಆಕ್ಸ್ಫರ್ಡ್ ವಿಶ್ವವಿದ್ಯಾಲಯದ ಸಂಶೋಧಕರು ಲಸಿಕೆಯ ತಯಾರಕರೊಂದಿಗೆ ಯಾವುದೇ ಸಂಬಂಧ ಹೊಂದಿಲ್ಲ ಎಂದು ಸ್ಪಷ್ಟನೆ ನೀಡಿದ್ದಾರೆ.
Loading ...