ಉಳಿತಾಯ ಮಾಡಿದ ಹಣದಲ್ಲಿ ಬಾಲಕನಿಂದ ದೇಗುಲಕ್ಕೆ ಬೆಳ್ಳಿ ಅರ್ಪಣೆ…!

ಎಂಟು ವರ್ಷದ ಬಾಲಕನೊಬ್ಬ ತಾನು ಕಳೆದ ಮೂರು ವರ್ಷಗಳಿಂದ ಉಳಿತಾಯ ಮಾಡಿದ ಹಣದಲ್ಲಿ ದೇಗುಲಕ್ಕೆ ಬೆಳ್ಳಿ ಸಮರ್ಪಿಸಿದ್ದಾನೆ.

ವಿಜಯನಗರ ಜಿಲ್ಲೆ ಕೊಟ್ಟೂರು ತಾಲೂಕಿನ ಗಾಣಗಟ್ಟೆ ಮಾಯಮ್ಮ ದೇವಿಗೆ ಮನು ಕುಮಾರ್ ಎಂಬ ಈ ಬಾಲಕ 68,500 ರೂಪಾಯಿಯಲ್ಲಿ ಒಂದು ಕೆಜಿ ಬೆಳ್ಳಿ ಸಾಮಗ್ರಿ ಖರೀದಿಸಿ ಅರ್ಪಿಸಿದ್ದಾನೆ.

ಸಂಡೂರಿನಲ್ಲಿ ಪೇದೆಯಾಗಿರುವ ಹೊಸೂರಪ್ಪ ಎಂಬವರ ಪುತ್ರನಾಗಿರುವ ಮನುಕುಮಾರ್, ತನ್ನ ಪೋಷಕರೊಂದಿಗೆ ಬಂದು ದೇವಿಗೆ ಬೆಳ್ಳಿ ಸಾಮಗ್ರಿ ಸಮರ್ಪಿಸಿದ್ದಾನೆ.