ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಸಂಸ್ಥೆಯಲ್ಲಿ ಗ್ರೇಡ್ ಬಿ ಅಧಿಕಾರಿಗಳ ನೇಮಕಾತಿಗೆ ಅಧಿಸೂಚನೆ ಹೊರಡಿಸಲಾಗಿದೆ. ಈ ಸಂಬಂಧ ಆರ್‌.ಬಿ.ಐ. ಅಧಿಕೃತ ಪ್ರಕಟಣೆಯನ್ನು ಬಿಡುಗಡೆ ಮಾಡಿದೆ. ಆಸಕ್ತ ಅರ್ಜಿದಾರರು ಆರ್‌.ಬಿ.ಐ.ನ ಅಧಿಕೃತ ವೆಬ್‌ಸೈಟ್ rbi.org.in ನಲ್ಲಿ ಅಧಿಸೂಚನೆಯನ್ನು ಪರಿಶೀಲಿಸಿ, ಪೋಸ್ಟ್‌ಗಳಿಗೆ ಅರ್ಜಿ ಸಲ್ಲಿಸಬಹುದು.
ಆರ್‌.ಬಿ.ಐ. ಅಧಿಕಾರಿಗಳ ಗ್ರೇಡ್ ಬಿ ಗೆ ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ ಏಪ್ರಿಲ್ 18 ರಿಂದ ಸಂಜೆ 6:00 ರವರೆಗೆ ಸಮಯವಿದೆ. ಈ ನೇಮಕಾತಿ ಮೂಲಕ ಆರ್‌.ಬಿ.ಐ. ಒಟ್ಟು 294 ಹುದ್ದೆಗಳನ್ನು ಭರ್ತಿ ಮಾಡಲು ಮುಂದಾಗಿದೆ. ಒಟ್ಟು ಖಾಲಿ ಹುದ್ದೆಗಳ ಸಂಖ್ಯೆಯು ಗ್ರೇಡ್ ಬಿ (ಡಿಆರ್)- ಡಿಎಸ್‌ಐಎಂನಲ್ಲಿ 25 ಹುದ್ದೆ, ಗ್ರೇಡ್ ಬಿ (ಡಿಆರ್)-ಡಿಇಪಿಆರ್‌ನಲ್ಲಿ 31 ಹುದ್ದೆ ಮತ್ತು ಗ್ರೇಡ್ ಬಿ (ಡಿಆರ್)- ಜನರಲ್‌ನಲ್ಲಿ 238 ಹುದ್ದೆಗಳು ಖಾಲಿ ಇವೆ.
ಆರ್‌.ಬಿ.ಐ. ಅಧಿಕಾರಿಗಳ ಗ್ರೇಡ್ ‘ಬಿ’ ನೇಮಕಾತಿಗೆ ಅರ್ಜಿ ಸಲ್ಲಿಸಲು ಕೆಲವು ಹಂತಗಳು ಇಲ್ಲಿವೆ:
ಆರ್‌.ಬಿ.ಐ.ನ ಅಧಿಕೃತ ವೆಬ್‌ಸೈಟ್ rbi.org.in ಗೆ ಕ್ಲಿಕ್ ಮಾಡಿ. ಮುಖಪುಟದಲ್ಲಿ ಲಭ್ಯವಿರುವ, ‘ಪ್ರಸ್ತುತ ಖಾಲಿ ಹುದ್ದೆಗಳು’ ವಿಭಾಗದ ಅಡಿಯಲ್ಲಿ ‘ಖಾಲಿ’ ಎಂಬ ಪದಕ್ಕೆ ಕ್ಲಿಕ್ ಮಾಡಿ. ನಂತರ, ಗ್ರೇಡ್ ಬಿ-2022 ರಲ್ಲಿ ಅಧಿಕಾರಿಗಳ ನೇಮಕಾತಿ ಎಂದಿರುವ ಲಿಂಕ್ ಅನ್ನು ಕ್ಲಿಕ್ ಮಾಡಿ.
ಹುದ್ದೆಗಳಿಗೆ ಆನ್‌ಲೈನ್ ಅರ್ಜಿ ನಮೂನೆಗಾಗಿ ಅಭ್ಯರ್ಥಿಗಳು ಲಿಂಕ್ ಅನ್ನು ಕ್ಲಿಕ್ ಮಾಡಬೇಕಾಗುತ್ತದೆ. ಐಬಿಪಿಎಸ್ ಪೋರ್ಟಲ್‌ನಲ್ಲಿ, ಅರ್ಜಿದಾರರು ತಮ್ಮನ್ನು ತಾವು ನೋಂದಾಯಿಸಿಕೊಳ್ಳಬೇಕು ಮತ್ತು ಗ್ರೇಡ್ ಬಿ ಪೋಸ್ಟ್‌ಗೆ ಅರ್ಜಿ ಸಲ್ಲಿಸಬೇಕು.
ಅರ್ಜಿದಾರರು ಎಲ್ಲಾ ಸರಿಯಾದ ದಾಖಲೆಗಳನ್ನು ಅಪ್‌ಲೋಡ್ ಮಾಡಬೇಕಾಗುತ್ತದೆ. ಅಗತ್ಯವಿರುವ ಆರ್‌.ಬಿ.ಐ. ಅರ್ಜಿ ಶುಲ್ಕವನ್ನು ಪಾವತಿಸಿ ಮತ್ತು ಸಲ್ಲಿಸು ಎಂಬ ಪದಕ್ಕೆ ಕ್ಲಿಕ್ ಮಾಡಿ. ನಂತರ ಅಪ್ಲಿಕೇಶನ್‌ನ ಪ್ರಿಂಟ್‌ಔಟ್ ಅನ್ನು ಡೌನ್‌ಲೋಡ್ ಮಾಡಿಕೊಳ್ಳಿ.
ಅರ್ಜಿ ಶುಲ್ಕ:
ಅರ್ಜಿ ಶುಲ್ಕಕ್ಕಾಗಿ ಸಾಮಾನ್ಯ ಅಭ್ಯರ್ಥಿಗಳು 850 ರೂ.ಗಳನ್ನು ಪಾವತಿಸಬೇಕಾಗುತ್ತದೆ. ಆದರೆ, ಎಸ್ ಸಿ/ಎಸ್ಟಿ/ಪಿಡಬ್ಲ್ಯೂಬಿಡಿ ವರ್ಗಗಳ ಅಭ್ಯರ್ಥಿಗಳು ಕೇವಲ 100 ರೂ. ಗಳನ್ನು ಅರ್ಜಿ ಶುಲ್ಕವಾಗಿ ಸಲ್ಲಿಸಬೇಕು.
ಆಯ್ಕೆ ಪ್ರಕ್ರಿಯೆ ಮತ್ತು ಅರ್ಹತಾ ಮಾನದಂಡಗಳ ವಿವರಗಳು:
ಅರ್ಹತಾ ಮಾನದಂಡಗಳು ಮತ್ತು ಇತರ ಸಾಮಾನ್ಯ ಸೂಚನೆಗಳ ಕುರಿತು ಹೆಚ್ಚಿನ ವಿವರಗಳಿಗಾಗಿ ಆಕಾಂಕ್ಷಿಗಳು ಒಮ್ಮೆ ಅಧಿಸೂಚನೆಯನ್ನು ಓದಲು ನಿರ್ದೇಶಿಸಲಾಗಿದೆ.
ಖಾಲಿ ಹುದ್ದೆಗಳಿಗೆ ಆಯ್ಕೆಯನ್ನು ಹಂತ – I ಮತ್ತು ಹಂತ – II ರಲ್ಲಿ ಆನ್‌ಲೈನ್ ಪರೀಕ್ಷೆಗಳ ಮೂಲಕ ಮಾಡಲಾಗುತ್ತದೆ. ನಂತರ ಸಂದರ್ಶನವನ್ನು ಮಾಡಲಾಗುತ್ತದೆ.
Loading ...