ಈ ಕಾಯಿಲೆಗಳಿಗೆ ಅಲೋಪತಿಗಿಂತಲೂ ಹೆಚ್ಚು ಪರಿಣಾಮಕಾರಿ ಹೋಮಿಯೋಪತಿ ಔಷಧ…..!

ಧಾವಂತದ ಜೀವನಶೈಲಿ ಮತ್ತು ಕೆಟ್ಟ ಆಹಾರದಿಂದಾಗಿ ಈಗ ಕಾಯಿಲೆಗಳ ಅಪಾಯ ಹೆಚ್ಚು. ಬೇಗನೆ ಅವುಗಳಿಂದ ಗುಣಮುಖರಾಗಲು ನಾವು ಅಲೋಪತಿ ಔಷಧವನ್ನು ಆಯ್ಕೆ ಮಾಡಿಕೊಳ್ಳುತ್ತೇವೆ. ಅಲೋಪತಿ ಔಷಧದಿಂದ ತಕ್ಷಣ ಪರಿಹಾರ ಸಿಗುತ್ತದೆ ಎಂಬುದಂತೂ ಸತ್ಯ. ಆದರೆ ರೋಗವು ಮೂಲದಿಂದ ನಿರ್ಮೂಲನೆಯಾಗುವುದಿಲ್ಲ, ಸ್ವಲ್ಪ ಸಮಯದವರೆಗೆ ಅದು ನಿಗ್ರಹಿಸುತ್ತದೆ. ನಂತರ ಮತ್ತದೇ ಕಾಯಿಲೆ ಕಾಣಿಸಿಕೊಳ್ಳುವ ಸಾಧ್ಯತೆ ಹೆಚ್ಚಾಗಿರುತ್ತದೆ.

ಆದರೆ ಹೋಮಿಯೋಪತಿ ಔಷಧ ಇದಕ್ಕಿಂತ ಭಿನ್ನ. ರೋಗ ಗುಣವಾಗಲು ಸ್ವಲ್ಪ ಸಮಯ ತೆಗೆದುಕೊಳ್ಳಬಹುದು, ಆದರೆ ರೋಗವನ್ನು ಸಂಪೂರ್ಣವಾಗಿ ಮೂಲದಿಂದ ನಿರ್ಮೂಲನೆ ಮಾಡುತ್ತದೆ. ಕೆಲವು ನಿರ್ದಿಷ್ಟ ಕಾಯಿಲೆಗಳಿಗೆ ಅಲೋಪತಿಗಿಂತಲೂ ಹೋಮಿಯೋಪತಿ ಔಷಧವೇ ಹೆಚ್ಚು ಪರಿಣಾಮಕಾರಿ. ಹೋಮಿಯೋಪತಿ ಈ ಕಾಯಿಲೆಗಳಲ್ಲಿ ಊಹಿಸಲೂ ಸಾಧ್ಯವಾಗದಂತಹ ಪರಿಣಾಮವನ್ನು ತೋರಿಸುತ್ತದೆ.

ಹೋಮಿಯೋಪತಿಯ ಭಾಷೆಯಲ್ಲಿ ರೋಗಗಳನ್ನು ಎರಡು ಭಾಗಗಳಾಗಿ ವಿಂಗಡಿಸಲಾಗಿದೆ.ಮೊದಲನೆಯದು ತೀವ್ರ ಮತ್ತು ಎರಡನೆಯದು ದೀರ್ಘಕಾಲದ ಕಾಯಿಲೆ. ನೆಗಡಿ-ಕೆಮ್ಮು, ಜ್ವರ ಇವೆಲ್ಲ ತೀವ್ರತರವಾದ ಕಾಯಿಲೆಗಳಲ್ಲಿ ಬರುತ್ತವೆ. ಈ ಕಾಯಿಲೆಗಳಿಗೆ ಹೋಮಿಯೋಪತಿ ಔಷಧಿಯನ್ನು ಸೇವಿಸಿದರೆ, 1 ರಿಂದ 2 ದಿನಗಳಲ್ಲಿ ಅದರ ಪರಿಣಾಮವನ್ನು ನೀವು ನೋಡುತ್ತೀರಿ.ಮತ್ತೊಂದೆಡೆ ದೀರ್ಘಕಾಲದ ಕಾಯಿಲೆಗಳಾದ ಯಕೃತ್ತು, ಮೂತ್ರಪಿಂಡ, ಕರುಳು, ಸಂಧಿವಾತದಂತಹ ಸಮಸ್ಯೆಗಳಿಗೆ ಹೋಮಿಯೋಪತಿಯ ಪರಿಣಾಮವ ಗೋಚರಿಸಲು 8-10 ತಿಂಗಳುಗಳು ಬೇಕಾಗುತ್ತವೆ.

ಹಲವಾರು ದೀರ್ಘಕಾಲದ ಕಾಯಿಲೆಗಳಿ ಅಲೋಪತಿಯಲ್ಲಿ ಇಲ್ಲದ ನಿಖರವಾದ ಚಿಕಿತ್ಸೆ ಹೋಮಿಯೋಪತಿಯಲ್ಲಿದೆ.  ಹೋಮಿಯೋಪತಿಯಲ್ಲಿ ಚಿಕಿತ್ಸೆಯನ್ನು ಪ್ರಾರಂಭಿಸುವ ಮೊದಲು, ರೋಗವನ್ನು ಸಾಂಕ್ರಾಮಿಕ ಅಥವಾ ಸಾಂಕ್ರಾಮಿಕವಲ್ಲದ ಕಾಯಿಲೆ ಎಂದು ಗುರುತಿಸಲಾಗುತ್ತದೆ. ಯಾವುದೇ ಕಾಯಿಲೆಗೆ ಹೋಮಿಯೋಪತಿ ಮೂಲಕ ಚಿಕಿತ್ಸೆ ನೀಡುವ ಮುನ್ನ ರೋಗಿಯ ಬಳಿ ಕಾಯಿಲೆಯ ಸಾಂವಿಧಾನಿಕ ಲಕ್ಷಣಗಳ ಬಗ್ಗೆ ಕೇಳಲಾಗುತ್ತದೆ.

ಆತ ದಿನವಿಡೀ ಎಷ್ಟು ಬಾರಿ ಬಾಯಾರಿಕೆಯನ್ನು ಅನುಭವಿಸುತ್ತಾನೆ? ಎಷ್ಟು ಬೆವರುತ್ತಿದೆ? ರಾತ್ರಿ ಪದೇ ಪದೇ ಬೆವರುತ್ತಿದೆಯೇ? ಹೀಗೆ ಅನೇಕ ಪ್ರಶ್ನೆಗಳನ್ನು ಕೇಳಲಾಗುತ್ತದೆ. ಕಾಯಿಲೆ ಕುಟುಂಬದಲ್ಲಿ ಯಾರಿಗಾದರೂ ಇತ್ತೇ ಎಂಬುದನ್ನು ಖಚಿತಪಡಿಸಿಕೊಳ್ಳಲಾಗುತ್ತದೆ.  ಫ್ಯಾಟಿ ಲಿವರ್‌, ಸಿಯಾಟಿಕಾ, ಮೈಗ್ರೇನ್, ಕೀಲು ನೋವು – ಸಂಧಿವಾತ, ಪೈಲ್ಸ್-ಫಿಶರ್ ಎಲ್ಲಾ ಕಾಯಿಲೆಗಳನ್ನು ಅಲೋಪತಿಯಿಂದ ಬೇಗ ಗುಣಪಡಿಸುವುದು ಅಸಾಧ್ಯ. ಇವುಗಳಿಗೆ ಹೋಮಿಯೋಪತಿಯಲ್ಲಿ ಪರಿಣಾಮಕಾರಿ ಔಷಧಗಳಿವೆ.