ಆರೋಗ್ಯಕ್ಕೆ ಹಿತಕರ ʼನೆಲನೆಲ್ಲಿʼ ತಂಬುಳಿ

ಬೇಕಾಗುವ ಸಾಮಗ್ರಿ: ನೆಲದನೆಲ್ಲಿ ಸೊಪ್ಪು, ಜೀರಿಗೆ, ಎಳ್ಳು, ಕಾಳುಮೆಣಸು

ಮಾಡುವ ವಿಧಾನ: ಪಾತ್ರೆಗೆ ಎಣ್ಣೆ ಹಾಕಿ ಅದಕ್ಕೆ 3-4 ಕಾಳುಮೆಣಸು, ಕಾಲು ಚಮಚ ಎಳ್ಳು, ಅರ್ಧ ಚಮಚ ಜೀರಿಗೆ ಹಾಕಿ ಎಳ್ಳು ಸಿಡಿದ ನಂತರ ನೆಲದ ನೆಲ್ಲಿ ಸೊಪ್ಪನ್ನು ಹಾಕಿ ಹುರಿಯಿರಿ.

ಹುರಿದ ಮಿಶ್ರಣವನ್ನು ಕಾಯಿತುರಿಯೊಂದಿಗೆ ಮಿಕ್ಸಿ ಮಾಡಿ. ಮಿಕ್ಸಿ ಮಾಡಿದ ಮಿಶ್ರಣಕ್ಕೆ ಮಜ್ಜಿಗೆ/ಮೊಸರು ಬೆರೆಸಿ ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ. ಅನ್ನದ ಜೊತೆಗೆ ಅಥವಾ ಜೂಸ್ ರೀತಿಯಲ್ಲಿ ಇದನ್ನು ಬಳಸಬಹುದು.

ಪ್ರಯೋಜನ: ನೆಲದ ನೆಲ್ಲಿ ಸೊಪ್ಪನ್ನು ಸೇವಿಸುವುದರಿಂದ ಕಾಮಾಲೆ, ಉದರಶೂಲೆ, ಪಿತ್ತಜನಕಾಂಗದ ಸಮಸ್ಯೆಗಳು ದೂರವಾಗುತ್ತವೆ.