ಅಯೋಗ್ಯ ಆಡಳಿತಕ್ಕಾಗಿ 17 ಶಾಸಕರ ಖರೀದಿ; ರಾಜ್ಯ ಸರ್ಕಾರದ ವಿರುದ್ಧ ಕಾಂಗ್ರೆಸ್ ಕಿಡಿ

ಬೆಂಗಳೂರು: ರಾಜ್ಯ ಬಿಜೆಪಿ ನಾಯಕರು ತಮ್ಮದು ಡಬಲ್ ಇಂಜಿನ್ ಸರ್ಕಾರ, ಅಭಿವೃದ್ಧಿ ಹೊಳೆಯೇ ಹರಿಯಲಿದೆ ಎಂದಿದ್ದರು. ಅಭಿವೃದ್ದಿ ಕೆಲಸ ಹಾಗಿರಲಿ ಜನಪರ ಚಿಂತನೆಯನ್ನೂ ಮಾಡದ ಬಿಜೆಪಿ ನಾಯಕರು ಅಧಿಕಾರಕ್ಕಾಗಿ ಕಿತ್ತಾಡುತ್ತಿದ್ದಾರೆ ಎಂದು ಕಾಂಗ್ರೆಸ್ ಕಿಡಿಕಾರಿದೆ.

ಆಪರೇಷನ್ ಕಮಲದ ಮೂಲಕ ಅಧಿಕಾರಕ್ಕೇರಿದಾಗ ರಾಜ್ಯದಲ್ಲಿ ಅಭಿವೃದ್ಧಿ ಹೊಳೆ ಹರಿಸುತ್ತೇವೆ ಎಂದಿದ್ದರು. ಈವರೆಗೂ ಯಾವುದೇ ಅಭಿವೃದ್ಧಿ ಕೆಲಸಗಳು ನಡೆದಿಲ್ಲ. ಜನಹಿತದ ಯೋಜನೆಯೂ ಜಾರಿಯಾಗಿಲ್ಲ ದಿನಬೆಳಗಾದರೆ ಕುರ್ಚಿಗಾಗಿ ಕಿತ್ತಾಟ ನಡೆಸುವುದೇ ಇವರ ಕೆಲಸವಾಗಿದೆ ಎಂದು ಟ್ವೀಟ್ ಮೂಲಕ ಆಕ್ರೋಶ ವ್ಯಕ್ತಪಡಿಸಿದೆ.

17 ಶಾಸಕರನ್ನು ಅಪಹರಿಸಿದ್ದು ಇಂತಹ ಅಯೋಗ್ಯ ಆಡಳಿತ ನಡೆಸಲೆಂದೇ? ಎಂದು ಪ್ರಶ್ನಿಸಿದೆ.