ಅಬ್ಬಬ್ಬಾ…! ಇಂಥಾ ಕ್ಯಾಮರಾಮ್ಯಾನ್ ಕೂಡ ಇರ್ತಾರಾ..?

ಇತ್ತೀಚೆಗೆ ವಿಭಿನ್ನ ಶೈಲಿಯಲ್ಲಿ ಫೋಟೋಶೂಟ್ ಮಾಡುವುದು ಫ್ಯಾಷನ್ ಆಗಿದೆ. ಸರಿಯಾದ ಬೆಳಕು, ಕೋನ ಮತ್ತು ದೃಷ್ಟಿಕೋನದ ಅಗತ್ಯವಿರುವುದರಿಂದ ಪರಿಪೂರ್ಣವಾದ ಶಾಟ್ ತೆಗೆದುಕೊಳ್ಳುವುದು ಸುಲಭವಲ್ಲ.

ಸಾಮಾನ್ಯವಾಗಿ ಮದುವೆಯಲ್ಲಿ ಹಲವಾರು ಛಾಯಾಗ್ರಾಹಕರು ಮತ್ತು ವಿಡಿಯೋಗ್ರಾಫರ್‌ಗಳನ್ನು ಕಾಣುತ್ತೇವೆ. ಅವರು ಅತ್ಯುತ್ತಮವಾದ ಶಾಟ್ ಅನ್ನು ಸೆರೆಹಿಡಿಯಲು ಪ್ರಯತ್ನಿಸುತ್ತಾರೆ. ರಸ್ತೆಯಲ್ಲಿ ಮಲಗುವುದಾಗಿರಲಿ, ನೀರಿನೊಳಗೆ ಇಳಿಯುವುದಾಗಿರಲಿ ಅಥವಾ ಮರವನ್ನು ಹತ್ತುವುದು ಮುಂತಾದ ಹುಚ್ಚುತನವನ್ನು ಕೆಲವು ಛಾಯಾಗ್ರಾಹಕರು ಮಾಡುತ್ತಾರೆ. ಇದೀಗ ಅಂತಹ ಒಂದು ಉಲ್ಲಾಸದ ವಿಡಿಯೊ ಇನ್ಸ್ಟಾಗ್ರಾಂನಲ್ಲಿ ವೈರಲ್ ಆಗಿದೆ.

ಬಾಲಕನೊಬ್ಬ ಪರಿಪೂರ್ಣ ವಿಡಿಯೋವನ್ನು ಸೆರೆಹಿಡಿಯಲು ತೀವ್ರವಾಗಿ ಪ್ರಯತ್ನಿಸುತ್ತಿರುವುದನ್ನು ವಿಡಿಯೋದಲ್ಲಿ ನೋಡಬಹುದು. ಅಂತಿಮ ಫಲಿತಾಂಶವನ್ನು ನೋಡಲಾಗದಿದ್ದರೂ, ಉದಯೋನ್ಮುಖ ಕ್ಯಾಮರಾಮನ್ ನಡೆ ಜನರನ್ನು ನಗುವಂತೆ ಮಾಡಿದೆ.

ಕಾರ್ಯಕ್ರಮವೊಂದರಲ್ಲಿ ಚಿತ್ರೀಕರಣಗೊಂಡಂತೆ ತೋರುವ ವಿಡಿಯೋದಲ್ಲಿ ಬಾಲಕ ನೆಲದ ಮೇಲೆ ಉರುಳುತ್ತಿರುವುದನ್ನು ತೋರಿಸುತ್ತದೆ. ವಿಡಿಯೋ ತೆಗೆದುಕೊಳ್ಳಲು ಪಕ್ಕಕ್ಕೆ ಮತ್ತು ವಿವಿಧ ದಿಕ್ಕುಗಳಲ್ಲಿ ಚಲಿಸುತ್ತಾನೆ. ಅಲ್ಲಿದ್ದ ಜನರು ನೃತ್ಯ ಮಾಡುತ್ತಾ ಆನಂದಿಸುತ್ತಿದ್ದರೆ, ಬಾಲಕನ ಕಣ್ಣುಗಳು ಮಾತ್ರ ಆತನ ಮೊಬೈಲ್ ಕ್ಯಾಮರಾದ ಮೇಲೆ ಅಂಟಿಕೊಂಡಿವೆ.  ವಿಡಿಯೋದ ಕೊನೆಯಲ್ಲಿ ಆತ ದೃಶ್ಯವನ್ನು ರೆಕಾರ್ಡ್ ಮಾಡುವುದರ ಜೊತೆಗೆ ಹಾಡಿಗೆ ಡಾನ್ಸ್ ಮಾಡಿದ್ದಾನೆ.

ಸದ್ಯ ಈ ವಿಡಿಯೋ ವೈರಲ್ ಆಗಿದ್ದು, ಬಾಲಕನ ವರ್ತನೆಗೆ ಜನರು ನಗುವುದನ್ನು ತಡೆಯಲು ಸಾಧ್ಯವಾಗಿಲ್ಲ. ಕೆಲವರು ಅವರ ಪ್ರತಿಭೆಯನ್ನು ಶ್ಲಾಘಿಸಿದರೆ, ಇತರರು ಹಾಸ್ಯ ಚಟಾಕಿ ಹಾರಿಸಿದ್ದಾರೆ. ಬಳಕೆದಾರರು ಕಾಮೆಂಟ್‌ ವಿಭಾಗವನ್ನು ನಗುವ ಎಮೋಜಿಗಳು ಮತ್ತು ಉಲ್ಲಾಸದ ಕಾಮೆಂಟ್‌ಗಳೊಂದಿಗೆ ತುಂಬಿದ್ದಾರೆ.