ಅಪಾಯ ಮೊದಲೇ ಅರಿತು ಸ್ವಯಂ ಬ್ರೇಕ್‌ ಹಾಕುತ್ತೆ ಕಾರು…! ಭಾರತದಲ್ಲೂ ಇದೆ ಈ ವಿಶಿಷ್ಟ ಟೆಕ್ನಾಲಜಿ

ಇತ್ತೀಚಿನ ದಿನಗಳಲ್ಲಿ ಕಾರು ತಯಾರಿಕಾ ಕಂಪನಿಗಳು ಪ್ರಯಾಣಿಕರ ಸುರಕ್ಷತೆಯ ಬಗ್ಗೆ ವಿಶೇಷ ಕಾಳಜಿ ವಹಿಸುತ್ತಿವೆ. ಕಾರುಗಳಲ್ಲಿ ಅಪಘಾತ ತಪ್ಪಿಸಲು ನೆರವಾಗುವಂತಹ ಫೀಚರ್‌ಗಳನ್ನು ಅಳವಡಿಸುತ್ತವೆ. ಅಪಘಾತದ ಸಂದರ್ಭದಲ್ಲಿ ಚಾಲಕ ಮತ್ತು ಇತರ ಪ್ರಯಾಣಿಕರಿಗೆ ಹಾನಿಯಾಗದಂತೆ ತಡೆಯುವುದು ಇದರ ಉದ್ದೇಶ. ADAS ಕೂಡ ಇಂಥದ್ದೇ ಒಂದು ಸೇಫ್ಟಿ ಫೀಚರ್‌. ADAS ತಂತ್ರಜ್ಞಾನವನ್ನು ಬಳಸುವ ಅನೇಕ ವಾಹನಗಳು ಈಗ ಭಾರತದಲ್ಲಿವೆ. ಅಂತಹ 3 ಕಾರುಗಳು ಯಾವುವು ಅನ್ನೋದನ್ನು ನೋಡೋಣ.

ADAS ಎಂದರೆ ಅಡ್ವಾನ್ಸ್ಡ್‌ ಡ್ರೈವರ್ ಅಸಿಸ್ಟೆನ್ಸ್ ಸಿಸ್ಟಮ್ಸ್ ಎಂದರ್ಥ. ಇದರ ಅಡಿಯಲ್ಲಿ ಕ್ಯಾಮೆರಾಗಳು, ಸಂವೇದಕಗಳು ಮತ್ತು ರಾಡಾರ್‌ಗಳನ್ನು ವಾಹನದಲ್ಲಿ ಅಳವಡಿಸಲಾಗುತ್ತದೆ.  ಇದು ಚಾಲನೆಯ ಸಮಯದಲ್ಲಿ ಬಹಳ ಸಹಕಾರಿಯಾಗಿದೆ. ಈ ವೈಶಿಷ್ಟ್ಯವನ್ನು ಹೊಂದಿರುವ ವಾಹನಗಳು ಅಪಘಾತ ಅಥವಾ ಇತರ ತೊಂದರೆಗಳು ಎದುರಾದಾಗ ತಾವಾಗಿಯೇ ಬ್ರೇಕ್ ಹಾಕುವ ಸಾಮರ್ಥ್ಯವನ್ನು ಹೊಂದಿವೆ.

ಮಹೀಂದ್ರಾ XUV 700: ಇದು ದೇಶದಲ್ಲಿ ಹೆಚ್ಚು ಮಾರಾಟವಾಗುವ ವಾಹನಗಳಲ್ಲಿ ಒಂದು. ADAS ವೈಶಿಷ್ಟ್ಯವನ್ನು ಹೊಂದಿರುವ ಮಹೀಂದ್ರಾದ ಏಕೈಕ ಕಾರು. ADAS ಅಡಿಯಲ್ಲಿ ಈ ಕಾರು ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್, ಲೇನ್ ಡಿಪಾರ್ಚರ್ ವಾರ್ನಿಂಗ್, ಲೇನ್ ಕೀಪ್ ಅಸಿಸ್ಟ್, ಫಾರ್ವರ್ಡ್ ಡಿಕ್ಕಿಷನ್ ವಾರ್ನಿಂಗ್, ಆಟೋಮ್ಯಾಟಿಕ್ ಎಮರ್ಜೆನ್ಸಿ ಬ್ರೇಕಿಂಗ್, ಹೈ-ಬೀಮ್ ಅಸಿಸ್ಟ್ ಮುಂತಾದ ವೈಶಿಷ್ಟ್ಯಗಳನ್ನು ಪಡೆದಿದೆ.

MG ಆಸ್ಟರ್: ಇದು ಈ ಪಟ್ಟಿಯಲ್ಲಿರುವ ಅಗ್ಗದ ಕಾರು. MG Aster ಬೆಲೆ 10.32 ಲಕ್ಷ ರೂಪಾಯಿಯಿಂದ ಪ್ರಾರಂಭವಾಗುತ್ತದೆ. ಕಂಪನಿಯು ವಾಹನದ ಉನ್ನತ ರೂಪಾಂತರದಲ್ಲಿ ADAS ತಂತ್ರಜ್ಞಾನವನ್ನು ನೀಡುತ್ತದೆ. ADAS ಅಡಿಯಲ್ಲಿ ಸ್ವಯಂಚಾಲಿತ ತುರ್ತು ಬ್ರೇಕ್‌ ಅಪ್ಲೈಯಿಂಗ್‌, ಹೈ-ಬೀಮ್ ಅಸಿಸ್ಟ್, ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್, ಲೇನ್ ಡಿಪಾರ್ಚರ್ ವಾರ್ನಿಂಗ್, ಲೇನ್ ಕೀಪ್ ಅಸಿಸ್ಟ್, ಫಾರ್ವರ್ಡ್ ಡಿಕ್ಕಿಯ ಎಚ್ಚರಿಕೆಯಂತಹ ವೈಶಿಷ್ಟ್ಯಗಳನ್ನು ಅಳವಡಿಸಲಾಗಿದೆ.

ಹೋಂಡಾ ಸಿಟಿ ಇಹೆಚ್‌ಇವಿ: ಇದು ಭಾರತದಲ್ಲಿರುವ ಏಕೈಕ ಮಧ್ಯಮ ಗಾತ್ರದ ಸೆಡಾನ್ ಕಾರು. ಇದರಲ್ಲೂ ADAS ಟೆಕ್ನಾಲಜಿ ಇದೆ. ಕಂಪನಿಯು ಇದಕ್ಕೆ ಹೋಂಡಾ ಸೆನ್ಸಿಂಗ್ ಟೆಕ್ನಾಲಜಿ ಎಂದು ಹೆಸರಿಸಿದೆ. ಇದರ ಬೆಲೆ 19.89 ಲಕ್ಷ ರೂಪಾಯಿ. ಲೇನ್ ಕೀಪ್ ಅಸಿಸ್ಟ್, ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್, ರೋಡ್ ಡಿಪಾರ್ಚರ್ ಮಿಟಿಗೇಶನ್, ಆಟೋ ಹೆಡ್‌ಲ್ಯಾಂಪ್ ಬೀಮ್ ಮತ್ತು ಡಿಕ್ಕಿ ಮಿಟಿಗೇಶನ್ ಬ್ರೇಕಿಂಗ್‌ನಂತಹ ವೈಶಿಷ್ಟ್ಯಗಳನ್ನು ಈ ಕಾರಿನಲ್ಲಿ ನೀಡಲಾಗಿದೆ.