ಹವಾಮಾನ ಬದಲಾದಂತೆ ಅಲರ್ಜಿ ಸಮಸ್ಯೆ ಕಾಡಲು ಶುರುವಾಗುತ್ತದೆ. ಈ ಅಲರ್ಜಿ ಬೆಂಬಿಡದ ಭೂತ. ಒಮ್ಮೆ ಬೆನ್ನು ಬಿದ್ರೆ ಹೋಗೋದು ಕಷ್ಟ. ಎಷ್ಟು ಔಷಧಿ ಮಾಡಿದ್ರೂ ಅಲರ್ಜಿಯಿಂದ ಮುಕ್ತಿ ಸಿಗೋದಿಲ್ಲ. ವಾತಾವರಣ ಬದಲಾದಂತೆ ಕಾಡುವ ಅಲರ್ಜಿಗಳಲ್ಲಿ ಸ್ಕಿನ್ ಅಲರ್ಜಿ ಕೂಡ ಒಂದು.
ಅಲರ್ಜಿಗೆ ಕಾರಣ :
ಹವಾಮಾನ ಬದಲಾವಣೆ, ಮಣ್ಣು-ಧೂಳಿನ ಕಣ, ಪ್ರಾಣಿಗಳನ್ನು ಮುಟ್ಟುವುದ್ರಿಂದ, ನೋವು ನಿರೋಧಕ ಔಷಧಿ ಸೇವನೆ, ಆಹಾರದ ಕಾರಣ, ಒಣ ಚರ್ಮದಿಂದ, ಕೀಟಗಳು ಕಚ್ಚುವುದ್ರಿಂದ ಅಲರ್ಜಿ ಕಾಡುತ್ತದೆ.
ಅಲರ್ಜಿ ಲಕ್ಷಣ : ಚರ್ಮದ ಮೇಲೆ ಕೆಂಪು ಚುಕ್ಕೆ, ತುರಿಕೆ, ಉರಿ, ಚರ್ಮ ಬಿರುಕು ಬಿಟ್ಟಂತೆ ಕಾಣುವುದು.
ಸ್ಕಿನ್ ಅಲರ್ಜಿಗೆ ಮನೆ ಮದ್ದು :
ಅಲೋವೆರಾ : ಅಲೋವೆರಾ ರಸದ ಜೊತೆ ಮಾವಿನಕಾಯಿ ತಿರುಳನ್ನು ಮಿಕ್ಸ್ ಮಾಡಿ ಚರ್ಮಕ್ಕೆ ಹಚ್ಚಿ. ಈ ಲೇಪವನ್ನು ಚರ್ಮಕ್ಕೆ ಹಚ್ಚುವುದ್ರಿಂದ ಉರಿ, ತುರಿಕೆ ಮಾಯವಾಗುತ್ತದೆ.
ನೀರು : ಸ್ಕಿನ್ ಅಲರ್ಜಿಯಿಂದ ಬಳಲುವವರು ಹೆಚ್ಚಿನ ನೀರು ಸೇವನೆ ಮಾಡಬೇಕು. ದೇಹದಲ್ಲಿ ಕಡಿಮೆ ನೀರಿದ್ದರೆ ಚರ್ಮದ ಅಲರ್ಜಿ ಹೆಚ್ಚಾಗುತ್ತದೆ. ಪ್ರತಿ ದಿನ ಕನಿಷ್ಠ 10 ಗ್ಲಾಸ್ ನೀರು ಕುಡಿಯಿರಿ.
ಕರ್ಪೂರ ಮತ್ತು ತೆಂಗಿನ ಎಣ್ಣೆ: ಕರ್ಪೂರವನ್ನು ಪುಡಿ ಮಾಡಿ ತೆಂಗಿನ ಎಣ್ಣೆ ಜೊತೆ ಮಿಕ್ಸ್ ಮಾಡಿ ಹಚ್ಚಿ. ಇದು ಉರಿಯನ್ನು ಕಡಿಮೆ ಮಾಡುತ್ತದೆ.
ಕಹಿ ಬೇವು : ಚರ್ಮದ ಉರಿಯೂತಕ್ಕೆ ಇದು ಬೆಸ್ಟ್. ರಾತ್ರಿ ಕಹಿ ಬೇವಿನ ಎಲೆಗಳನ್ನು ನೀರಿನಲ್ಲಿ ನೆನೆಸಿಡಿ. ಬೆಳಿಗ್ಗೆ ಅದನ್ನು ರುಬ್ಬಿ ಹಚ್ಚಿಕೊಳ್ಳಿ. ಇದು ಚರ್ಮದ ಅಲರ್ಜಿಯನ್ನು ಕಡಿಮೆ ಮಾಡುತ್ತದೆ.
ಅಲರ್ಜಿಯಾದಾಗ ಯಾವುದೇ ಸೋಪನ್ನು ಬಳಸಬೇಡಿ. ಚರ್ಮವನ್ನು ತುರಿಸಿಕೊಳ್ಳಬೇಡಿ.
Loading ...