ಉಕ್ರೇನ್ ನಿನ್ನೆ ಬೆಳಗ್ಗೆಯಿಂದ ರಷ್ಯಾದ ಮಿಲಿಟರಿ ಕಾರ್ಯಾಚರಣೆಯನ್ನು ಎದುರಿಸುತ್ತಿದ್ದು, ಉಕ್ರೇನ್ ನಗರದ ವಿವಿಧ ಭಾಗಗಳಲ್ಲಿ ಸಾಕಷ್ಟು ಸಾವು ನೋವುಗಳನ್ನು ಕಂಡಿದೆ.
ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಉಕ್ರೇನ್ ಮೇಲೆ ಯುದ್ಧ ಘೋಷಿಸಿದ ಬಳಿಕ ಇವರೆಗೆ ಕನಿಷ್ಟ 40 ಮಂದಿ ಸಾವನ್ನಪ್ಪಿದ್ದಾರೆ ಎಂದು ಅಧಿಕೃತ ಮಾಹಿತಿ ಸಿಕ್ಕಿದೆ.
ರಷ್ಯಾದ ಆಕ್ರಮಣಕ್ಕೆ ಸಿಲುಕಿರುವ ಉಕ್ರೇನ್ನಲ್ಲಿ ಪರಿಸ್ಥಿತಿ ನಿಯಂತ್ರಣಕ್ಕೆ ಬರುತ್ತಿಲ್ಲ. ರಷ್ಯಾವನ್ನು ಎದುರಿಸಲು ಉಕ್ರೇನ್ ಸಾಕಷ್ಟು ಹರಸಾಹಸಗಳನ್ನು ಪಡುತ್ತಿರುವ ನಡುವೆಯೇ ಉಕ್ರೇನ್ ಸೈನಿಕನ ಭಾವನಾತ್ಮಕ ವಿಡಿಯೋವೊಂದು ವೈರಲ್ ಆಗಿದ್ದು ಮನ ಕಲಕುವಂತಿದೆ.
ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿರುವ ಈ ಸಣ್ಣ ವಿಡಿಯೋದಲ್ಲಿ ಉಕ್ರೇನ್ ಸೈನಿಕನು ತನ್ನ ತಂದೆ – ತಾಯಿಯ ಬಗ್ಗೆ ಮಾತನಾಡಿದ್ದಾನೆ. ರಷ್ಯಾದ ಆಕ್ರಮಣವನ್ನು ಎದುರಿಸಲು ಹೊರಡುವ ಮುನ್ನ ಸೈನಿಕನು ಮತ್ತೆ ತಾನು ವಾಪಸ್ ಬರುತ್ತೇನೋ ಅಥವಾ ಇಲ್ಲವೋ ಎಂಬ ಅನುಮಾನದಲ್ಲಿ ಈ ವಿಡಿಯೋ ಮಾಡಿರುವಂತೆ ಕಾಣುತ್ತಿದೆ, ಅಮ್ಮ ಹಾಗೂ ಅಪ್ಪ ನಿಮ್ಮಿಬ್ಬರನ್ನು ನಾನು ಪ್ರೀತಿಸುತ್ತೇನೆ ಎಂದು ಇನ್ನೂ ಹೆಸರಿಸಲಾಗದ ಸೈನಿಕ ವಿಡಿಯೋದಲ್ಲಿ ಹೇಳುತ್ತಿರೋದನ್ನು ಕೇಳಬಹುದಾಗಿದೆ.
Loading ...