ಮಾಸ್ಕ್ ಧರಿಸಿಯೇ ಕಿಸ್ ಮಾಡೋದು – ಸದ್ಯ ಚಾಲ್ತಿಯಲ್ಲಿರುವ ಟ್ರೆಂಡ್ಗಳಲ್ಲಿ ಒಂದಾಗಿದೆ. ಕೆಲ ದಿನಗಳ ಹಿಂದಷ್ಟೇ ಅಮೆರಿಕ ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್ ಹಾಗೂ ಅವರ ಪತಿ ಮಾಸ್ಕ್ ಧರಿಸಿಯೇ ಚುಂಬನ ಮಾಡಿಕೊಂಡಿದ್ದ ದೃಶ್ಯ ವೈರಲ್ ಆಗಿತ್ತು. ಅದೇ ರೀತಿ ನಟ ವರುಣ್ ಸೂದ್ ತನ್ನ ಗರ್ಲ್ಫ್ರೆಂಡ್ ದಿವ್ಯಾ ಅಗರ್ವಾಲ್ಗೆ ಮುಂಬೈ ವಿಮಾನ ನಿಲ್ದಾಣದಲ್ಲಿ ಮಾಸ್ಕ್ ಧರಿಸಿಯೇ ಮುತ್ತನ್ನಿಟ್ಟ ದೃಶ್ಯ ಎಲ್ಲರ ಹುಬ್ಬೇರುವಂತೆ ಮಾಡಿತ್ತು.
ಆದರೆ ಇದೀಗ ಎಲ್ಲರಲ್ಲೂ ಕಾಡುತ್ತಿರುವ ಪ್ರಶ್ನೆ ಏನೆಂದರೆ – ಈ ರೀತಿ ಮಾಸ್ಕ್ ಧರಿಸಿ ಕಿಸ್ ಮಾಡೋದು ಎಷ್ಟು ಸೇಫ್..? ಅನ್ನೋದಾಗಿದೆ. ವಿಶ್ವದಲ್ಲಿ ಕೊರೊನಾ ವಿರುದ್ಧ ಲಸಿಕೆ ಅಭಿಯಾನವೇನೋ ನಡೆಯುತ್ತಿದೆ. ಆದರೆ ಇನ್ನೂ ಎಲ್ಲರೂ ಲಸಿಕೆಯನ್ನ ಪಡೆದಿಲ್ಲ. ಕೊರೊನಾಗೆ ಇನ್ನೂ ಶಾಶ್ವತ ಪರಿಹಾರ ಸಿಗದ ಈ ಸಂದರ್ಭದಲ್ಲಿ ಈ ರೀತಿ ಮಾಸ್ಕ್ ಕಿಸ್ ಎಷ್ಟು ಸುರಕ್ಷಿತ ಅನ್ನೋದರ ಬಗ್ಗೆ ಡಾ. ಅನುಭಾ ಸಿಂಗ್ ಮಾಹಿತಿ ನೀಡಿದ್ದಾರೆ.
ಮಾಸ್ಕ್ ಧರಿಸಿದರೆ ಕೋವಿಡ್ 19ನಿಂದ ಬಚಾವಾಗಬಹುದಾಗಿದೆ. ಇದು ದೇಹಕ್ಕೆ ಪ್ರವೇಶಿಸುವ ವೈರಾಣುಗಳನ್ನ ತಡೆಗಟ್ಟುವ ಸಾಮರ್ಥ್ಯ ಹೊಂದಿರೋದ್ರಿಂದ ಈ ಸಮಯದಲ್ಲಿ ಮಾಸ್ಕ್ ಧರಿಸಲೇಬೇಕಿದೆ. ಹಾಗಂತ ಮಾಸ್ಕ್ ಧರಿಸಿದ ಮಾತ್ರಕ್ಕೆ ಕಾಯಿಲೆಯ ಅಪಾಯವಿಲ್ಲ ಅನ್ನೋದು ಎಲ್ಲಿಯೂ ಸಾಬೀತಾಗಿಲ್ಲ ಎಂದು ಅನುಭಾ ಹೇಳಿದ್ದಾರೆ.
ಮಾಸ್ಕ್ಗಳು ಒಂದು ರೀತಿ ಕಾಂಡೋಮ್ಗಳಂತೆ. ನೀವು ಸರಿಯಾದ ರೀತಿಯಲ್ಲಿ ಇದನ್ನ ಬಳಕೆ ಮಾಡಿದ್ರೆ ನಿಮಗೆ 100 ಪ್ರತಿಶತ ಸುರಕ್ಷತೆ ಸಿಗಲಿದೆ. ಹೀಗಾಗಿ ಮಾಸ್ಕ್ ಹಾಕಿ ಕಿಸ್ ಮಾಡುವ ವೇಳೆಯೂ ತುಂಬಾನೇ ಎಚ್ಚರದಿಂದಿರೋದು ಅಗತ್ಯ. ಮಾಸ್ಕ್ಗಳನ್ನ ಬಿಡುವುದು ಹಾಗೂ ಸಾರ್ವಜನಿಕ ಸ್ಥಳಗಳಲ್ಲಿ ಚುಂಬಿಸೋದ್ರಿಂದ ಕೋವಿಡ್ ಅಪಾಯವಿದೆ ಎಂದು ಹೇಳಿದ್ರು.
ನಾವು ಧರಿಸುವ ಮಾಸ್ಕ್ನ ಮೇಲ್ಮೈ ಮೇಲೆ ವೈರಾಣುಗಳು ಅಂಟಿಕೊಂಡಿರುತ್ತವೆ. ಹೀಗಾಗಿ ಇನ್ನೊಬ್ಬರ ಮಾಸ್ಕ್ನ್ನು ಹತ್ತಿರದಿಂದ ಸಂಪರ್ಕಿಸೋದು ಬಹಳ ಗಂಭೀರ ಪರಿಣಾಮಕ್ಕೆ ನಾಂದಿ ಹಾಡಬಹುದು. ಹೀಗಾಗಿ ಮಾಸ್ಕ್ ಕಿಸ್ನ್ನು ಬಿಡೋದೇ ಒಳ್ಳೆಯದು ಎಂದು ವೈದ್ಯೆ ಶೋಭಾ ಗುಪ್ತಾ ಸಲಹೆ ನೀಡಿದ್ದಾರೆ.
Loading ...