ಭಾರತೀಯರಿಗೆ ಪ್ರಯಾಣ ನಿರ್ಬಂಧದಲ್ಲಿ ಕೊಂಚ ಸಡಿಲಿಕೆಯನ್ನು ಮಾಡಿರುವ ಬ್ರಿಟನ್ ಕೆಂಪು ಪಟ್ಟಿಯ ಸ್ಥಾನದಿಂದ ಭಾರತವನ್ನು ಆ್ಯಂಬರ್ ಪಟ್ಟಿಯ ಸ್ಥಾನಕ್ಕೇರಿಸಿದೆ. ಇನ್ಮುಂದೆ ಕೊರೊನಾ ಲಸಿಕೆಯ 2 ಡೋಸ್ ಪಡೆದ ಭಾರತೀಯರು ಹೋಟೆಲ್ನಲ್ಲಿ ಕಡ್ಡಾಯ ಕ್ವಾರಂಟೈನ್ಗೆ ಒಳಗಾಗುವ ಅವಶ್ಯಕತೆ ಇರೋದಿಲ್ಲ.
ದೆಹಲಿಯಲ್ಲಿರುವ ಬ್ರಿಟನ್ ಹೈ ಕಮಿಷನ್ ಕಚೇರಿಯು ಈ ಬಗ್ಗೆ ಅಧಿಕೃತ ಮಾಹಿತಿ ನೀಡಿದೆ. ಬ್ರಿಟನ್ ಅಂತಾರಾಷ್ಟ್ರೀಯ ಪ್ರಯಾಣದ ನಿಯಮಾವಳಿಯ ಅಡಿಯಲ್ಲಿ ಆ್ಯಂಬರ್ ಪಟ್ಟಿಯಲ್ಲಿ ಸ್ಥಾನ ಪಡೆದಿರುವ ದೇಶದಿಂದ ಬ್ರಿಟನ್ಗೆ ತೆರಳುವ ನಾಗರಿಕರು 10 ದಿನಗಳ ಕಾಲ ಮನೆಯಲ್ಲಿ ಅಥವಾ ಅವರು ಇಷ್ಟ ಪಡುವ ಯಾವುದೇ ಸೂಕ್ತ ಜಾಗದಲ್ಲಿ ಕ್ವಾರಂಟೈನ್ ಆಗಬಹುದು ಎಂದು ಹೇಳಿದೆ.
ಕೆಂಪು ಪಟ್ಟಿಯಿಂದ ಭಾರತವನ್ನು ಆ್ಯಂಬರ್ ಪಟ್ಟಿಯಲ್ಲಿ ಇರಿಸಿರೋದ್ರಿಂದ ಇದು ಬ್ರಿಟನ್ಗೆ ಪ್ರಯಾಣ ಬೆಳೆಸಬೇಕಾದ ಅನಿವಾರ್ಯತೆಯಲ್ಲಿರುವ ಸಾಕಷ್ಟು ಕುಟುಂಬ ಹಾಗೂ ವಿದ್ಯಾರ್ಥಿಗಳಿಗೆ ಅನುಕೂಲಕಾರಿಯಾಗಿದೆ. ಕೊರೊನಾ 2ನೆ ಅಲೆಯಿಂದ ಭಾರತವು ಭೀಕರವಾಗಿ ತತ್ತರಿಸಿದ್ದ ಸಮಯದಲ್ಲಿ ಬ್ರಿಟನ್ ಭಾರತವನ್ನು ಕೆಂಪು ಪಟ್ಟಿಯಲ್ಲಿ ಇರಿಸಿತ್ತು.
ಭಾರತದ ಜೊತೆಯಲ್ಲಿ ಅರಬ್ ರಾಷ್ಟ್ರ, ಕತಾರ್, ಬಹ್ರೇನ್ ಕೂಡ ಆ್ಯಂಬರ್ ಪಟ್ಟಿಗೆ ಸೇರಿಕೊಂಡಿದೆ. ಈ ಹೊಸ ಬದಲಾವಣೆಯು ಆಗಸ್ಟ್ 8ರ ಮುಂಜಾನೆ 4 ಗಂಟೆಯಿಂದ ಜಾರಿಗೆ ಬರಲಿದೆ.
Loading ...