PNB ಗ್ರಾಹಕರಿಗೆ ಸಿಹಿ ಸುದ್ದಿ: ಬ್ಯಾಂಕ್ ನೀಡ್ತಿದೆ ಪ್ರತಿ ತಿಂಗಳು 30 ಸಾವಿರ ಗಳಿಸುವ ಅವಕಾಶ

ದೇಶದ ಎರಡನೇ ಅತಿದೊಡ್ಡ ಸರ್ಕಾರಿ ಬ್ಯಾಂಕ್ ಪಿಎನ್‌ಬಿ ಗ್ರಾಹಕರಿಗೆ ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆಯಡಿ ಖಾತೆ ತೆರೆಯುವ ಅವಕಾಶ ನೀಡುತ್ತಿದೆ. ಎನ್‌ಪಿಎಸ್‌ನಲ್ಲಿ ಹೂಡಿಕೆ ಮಾಡುವ ಮೂಲಕ ನಿವೃತ್ತಿ ದಿನಗಳ ಚಿಂತೆ ಬಿಡಬಹುದು. ಎನ್‌ಪಿಎಸ್ ವೃದ್ಧಾಪ್ಯಕ್ಕೆ ಹಣಕಾಸಿನ ವ್ಯವಸ್ಥೆ ನೀಡುವ ಯೋಜನೆಯಾಗಿದೆ. ಸರ್ಕಾರಿ ನೌಕರರಿಗಾಗಿ ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆಯನ್ನು ಜನವರಿ 2004 ರಲ್ಲಿ ಪ್ರಾರಂಭಿಸಲಾಗಿತ್ತು. ಇದನ್ನು 2009 ರಲ್ಲಿ ಎಲ್ಲಾ ವರ್ಗದ ಜನರಿಗೆ ನೀಡಲಾಗಿದೆ.

ಪಿಎನ್‌ಬಿ ವೆಬ್‌ಸೈಟ್‌ನ ಪ್ರಕಾರ, ಬ್ಯಾಂಕ್ ತನ್ನ ಎಲ್ಲಾ ಶಾಖೆಗಳ ಮೂಲಕ ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆಯನ್ನು ಪ್ರಾರಂಭಿಸಿದೆ. ಎನ್‌ಪಿಎಸ್‌ನಲ್ಲಿ ಎರಡು ರೀತಿಯ ಖಾತೆಗಳಿವೆ. ಮೊದಲ ಹಂತ- I ಮತ್ತು ಎರಡನೇ ಹಂತದ- II. ಶ್ರೇಣಿ ಒಂದು ನಿವೃತ್ತಿ ಖಾತೆಯಾಗಿದ್ದು, ಪ್ರತಿಯೊಬ್ಬ ಸರ್ಕಾರಿ ನೌಕರ ತೆರೆಯಬಹುದು. ಶ್ರೇಣಿ -2 ಸ್ವಯಂ ಪ್ರೇರಿತ ಖಾತೆಯಾಗಿದೆ. ಇದರಲ್ಲಿ ಯಾವುದೇ ಸಂಬಳ ಪಡೆಯುವ ವ್ಯಕ್ತಿ ತನ್ನ ಪರವಾಗಿ ಹೂಡಿಕೆ ಮಾಡಬಹುದು. ಯಾವುದೇ ಸಮಯದಲ್ಲಿ ಆತ ಹಣವನ್ನು ಹಿಂಪಡೆಯಬಹುದು. ಎನ್‌ಪಿಎಸ್‌ನಲ್ಲಿ ಹೂಡಿಕೆ ಮಾಡಲು ಕನಿಷ್ಠ ವಯಸ್ಸಿನ ಮಿತಿ 18 ವರ್ಷಗಳು. ಗರಿಷ್ಠ ವಯಸ್ಸು 60 ವರ್ಷಗಳು.

ಉದ್ಯೋಗಾಕಾಂಕ್ಷಿಗಳಿಗೆ ಗುಡ್ ನ್ಯೂಸ್: ಅಂಚೆ ಇಲಾಖೆಯ 3369 ಹುದ್ದೆಗಳಿಗೆ ನೇಮಕಾತಿ

ಈ ಯೋಜನೆಯಲ್ಲಿ ಪ್ರತಿ ತಿಂಗಳು 30 ಸಾವಿರ ರೂಪಾಯಿ ಸಿಗುತ್ತದೆ. ಎನ್‌ಪಿಎಸ್‌ನಲ್ಲಿ ಮಾಸಿಕ ಹೂಡಿಕೆ 5,000 ರೂಪಾಯಿ. 30 ವರ್ಷಗಳಲ್ಲಿ ಒಟ್ಟು ಕೊಡುಗೆ 18 ಲಕ್ಷ ರೂಪಾಯಿ. ಹೂಡಿಕೆಯ ಮೇಲಿನ ಆದಾಯ ಶೇಕಡಾ 10. ಮುಕ್ತಾಯದ ಒಟ್ಟು ಮೊತ್ತ 1.13 ಕೋಟಿ ರೂಪಾಯಿ. ವರ್ಷಾಶನ ಖರೀದಿ ಶೇಕಡಾ 40. ಅಂದಾಜು ವರ್ಷಾಶನ ದರ ಶೇಕಡಾ 8. 60 ನೇ ವಯಸ್ಸಿನಲ್ಲಿ ಪಿಂಚಣಿ  ತಿಂಗಳಿಗೆ 30,391 ರೂಪಾಯಿ ಸಿಗುತ್ತದೆ. ಒಟ್ಟು ನಗದು ಮೊತ್ತ 68.37 ಲಕ್ಷ ರೂಪಾಯಿಯಾಗಿರುತ್ತದೆ.

ಎನ್‌ಪಿಎಸ್ ಖಾತೆ ತೆರೆಯಲು, ಮೊದಲು ಪಿಎನ್‌ಬಿಯ ಅಧಿಕೃತ ವೆಬ್‌ಸೈಟ್‌ಗೆ ಲಾಗ್ ಇನ್ ಮಾಡಿ. ಆನ್‌ಲೈನ್ ಚಂದಾದಾರರ ನೋಂದಣಿ ಪುಟದಲ್ಲಿರುವ ಹೊಸ ನೋಂದಣಿ ಲಿಂಕ್  ಕ್ಲಿಕ್ ಮಾಡಿ. ನಿಮ್ಮ ವರ್ಚುವಲ್ ಐಡಿ ಸಂಖ್ಯೆಯನ್ನು ನಮೂದಿಸಿ ಮತ್ತು ನೋಂದಾಯಿತ ಸಂಖ್ಯೆಯಲ್ಲಿ ಒಟಿಪಿ ಪಡೆಯಿರಿ. ಸ್ವೀಕಾರ ಸಂಖ್ಯೆಯನ್ನು ರಚಿಸಿ ಮತ್ತು ವೈಯಕ್ತಿಕ ಮಾಹಿತಿಯನ್ನು ಭರ್ತಿ ಮಾಡಿ. ಮಾಹಿತಿಯನ್ನು ಭರ್ತಿ ಮಾಡಿದ ನಂತರ, PRAN ಸಂಖ್ಯೆಯನ್ನು ಪಡೆದುಕೊಳ್ಳಿ ಮತ್ತು ಲಾಗ್ ಇನ್ ಮಾಡಿ.