ಸಾಮುದಾಯಿಕ ಸ್ವಾಸ್ಥ್ಯಕ್ಕೆ ಧಕ್ಕೆ ತರಬಲ್ಲ ಕೆಲಸ ಮಾಡುವ ಬ್ರಾಂಡ್‌ಗಳು, ಚಿತ್ರಗಳು, ಉತ್ಪನ್ನಗಳಿಗೆ ಬಹಿಷ್ಕಾರ ಹಾಕುವಂತೆ ಅಭಿಯಾನ ಹಮ್ಮಿಕೊಳ್ಳುವುದು ಈಗಿನ ಸಾಮಾಜಿಕ ಜಾಲತಾಣದ ಯುಗದಲ್ಲಿ ಕಾಮನ್ ಆಗಿ ಹೋಗಿದೆ.
ಇ-ಕಾಮರ್ಸ್ ದಿಗ್ಗಜ ಅಮೆಜಾನ್ ಹಿಂದೂ ಧಾರ್ಮಿಕ ಸಂಕೇತವಾದ ’ಓಂ’ ಇರುವ ಡೋರ್ ಮ್ಯಾಟ್‌ಗಳನ್ನು ಮಾರಾಟ ಮಾಡುತ್ತಿದ್ದ ವಿಚಾರ ನೆಟ್ಟಿಗರ ಸಿಟ್ಟಿಗೆ ಕಾರಣವಾಗಿದೆ. ಇದರ ವಿರುದ್ಧ ಪ್ರತಿಕ್ರಿಯಿಸಿರುವ ನೆಟ್ಟಿಗರು #BoycottAmazon ಅಭಿಯಾನಕ್ಕೆ ಕರೆ ಕೊಟ್ಟಿದ್ದು ಟ್ವಿಟರ್‌ನಲ್ಲಿ ಮಂಗಳವಾರ ಇದೇ ವಿಚಾರ ಟ್ರೆಂಡ್ ಆಗುತ್ತಿತ್ತು.
ಅಮೆರಿಕದ ರೀಟೇಲರ್‌ ಒಂದು ಹೀಗೆ ಮಾಡಿದ್ದು, ಈ ಉತ್ಪನ್ನಗಳು ಅಮೆಜಾನ್‌ನ ಭಾರತದ ಜಾಲತಾಣದಲ್ಲಿ ಕಂಡುಬಂದಿಲ್ಲ. ಅಮೆಜಾನ್‌ನ ಅಮೆರಿಕದ ಜಾಲತಾಣದಲ್ಲಿ ಈ ಮ್ಯಾಟ್‌ಗಳ ಆಯ್ಕೆ ಕಂಡುಬಂದಿರುವ ವಿಚಾರವು ಹಿಂದೂಗಳ ಧಾರ್ಮಿಕ ಭಾವನೆಗಳಿಗೆ ಪೆಟ್ಟು ಕೊಟ್ಟಂತೆ ಆಗಿದೆ ಎಂಬುದು ನೆಟ್ಟಿಗರ ಆಪಾದನೆಯಾಗಿದೆ.
ಈ ಉತ್ಪನ್ನದ ಸ್ಕ್ರೀನ್‌ಶಾಟ್‌ ಫೇಸ್ಬುಕ್ ಹಾಗೂ ಟ್ವಿಟರ್‌ಗಳಲ್ಲಿ ವೈರಲ್ ಆಗಿದೆ.
Loading ...