ಐಟಿಆರ್ ಫೈಲಿಂಗ್: ಜು. 31 ರ ಗಡುವು ಮಿಸ್ ಆದ್ರೆ ಚಿಂತೆ ಬೇಡ, ಇಲ್ಲಿದೆ ಗುಡ್ ನ್ಯೂಸ್

ನವದೆಹಲಿ: 2021-22 ಹಣಕಾಸು ವರ್ಷಕ್ಕೆ ಅಥವಾ 2022-23ರ ಮೌಲ್ಯಮಾಪನ ವರ್ಷಕ್ಕೆ ಆದಾಯ ತೆರಿಗೆ ರಿಟರ್ನ್(ITR) ಸಲ್ಲಿಕೆಗೆ ಅಂತಿಮ ದಿನಾಂಕ ಜುಲೈ 31, 2022 ಆಗಿದೆ.

ನೀವು ಈಗಾಗಲೇ ರಿಟರ್ನ್ ಸಲ್ಲಿಸಿದ್ದರೆ ಅಥವಾ ನಿಗದಿತ ದಿನಾಂಕದ ಮೊದಲು ಅದನ್ನು ಸಲ್ಲಿಸಲು ಸಾಧ್ಯವಾದಲ್ಲಿ ಒಳ್ಳೆಯದು. ಆದರೆ, ಜುಲೈ 31 ರ ಗಡುವಿನ ಮೊದಲು ನೀವು ITR ಅನ್ನು ಸಲ್ಲಿಸಲು ವಿಫಲವಾದರೆ ಏನಾಗುತ್ತದೆ?

ಜುಲೈ 31 ರ ಗಡುವನ್ನು ತಪ್ಪಿಸಿಕೊಂಡರೆ, ನೀವು ಇನ್ನೂ ಡಿಸೆಂಬರ್ 31, 2022 ರೊಳಗೆ ರಿಟರ್ನ್ ಸಲ್ಲಿಸಬಹುದು. ಆದಾಗ್ಯೂ, ನೀವು ತಡವಾಗಿದ್ದಕ್ಕೆ ಶುಲ್ಕ ಪಾವತಿಸಬೇಕಾಗುತ್ತದೆ. ಇದು ಇತರ ಕೆಲವು ಆರ್ಥಿಕ ಪರಿಣಾಮಗಳನ್ನು ಸಹ ಹೊಂದಿರುತ್ತದೆ.

ವಾರ್ಷಿಕ ಆದಾಯ 5 ಲಕ್ಷ ರೂ.ವರೆಗಿನ ತೆರಿಗೆದಾರರಿಗೆ ವಿಳಂಬ ಶುಲ್ಕ 1,000 ರೂ., ನಿಮ್ಮ ವಾರ್ಷಿಕ ಆದಾಯ 5 ಲಕ್ಷ ರೂ.ಗಿಂತ ಹೆಚ್ಚಿದ್ದರೆ 5,000 ರೂ. ದಂಡ ಪಾವತಿಸಬೇಕಿದೆ.

ಆದಾಗ್ಯೂ, ನಿಮ್ಮ ಒಟ್ಟು ಒಟ್ಟು ಆದಾಯವು ಮೂಲ ವಿನಾಯಿತಿ ಮಿತಿಯನ್ನು ಮೀರದಿದ್ದರೆ, ತಡವಾದ ಫೈಲಿಂಗ್‌ ಗಾಗಿ ನೀವು ದಂಡವನ್ನು ಪಾವತಿಸಬೇಕಿಲ್ಲ.

ಮೂಲ ವಿನಾಯಿತಿ ಮಿತಿಯು ನೀವು ಆಯ್ಕೆ ಮಾಡುವ ಆದಾಯ ತೆರಿಗೆ ಆಡಳಿತ ಅವಲಂಬಿಸಿರುತ್ತದೆ. ಹಳೆಯ ಆದಾಯ ತೆರಿಗೆ ಪದ್ಧತಿಯಲ್ಲಿ 60 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ತೆರಿಗೆದಾರರಿಗೆ ಮೂಲ ತೆರಿಗೆ ವಿನಾಯಿತಿ ಮಿತಿ 2.5 ಲಕ್ಷ ರೂ.ಆಗಿರುತ್ತದೆ. 60 ರಿಂದ 80 ವರ್ಷ ವಯಸ್ಸಿನವರಿಗೆ ಮೂಲ ವಿನಾಯಿತಿ ಮಿತಿಯನ್ನು 3 ಲಕ್ಷ ರೂ.ಗೆ ನಿಗದಿಪಡಿಸಲಾಗಿದೆ. 80 ವರ್ಷಕ್ಕಿಂತ ಮೇಲ್ಪಟ್ಟವರಿಗೆ, ವಿನಾಯಿತಿ ಮಿತಿಯು 5 ಲಕ್ಷ ರೂ. ಇದೆ.

ಹೊಸ ರಿಯಾಯಿತಿ ಆದಾಯ ತೆರಿಗೆ ಪದ್ಧತಿಯ ಅಡಿಯಲ್ಲಿ, ತೆರಿಗೆದಾರರ ವಯಸ್ಸಿನ ಹೊರತಾಗಿಯೂ ಮೂಲ ತೆರಿಗೆ ವಿನಾಯಿತಿ ಮಿತಿ 2.5 ಲಕ್ಷ ರೂ.ಆಗಿದೆ.

ಒಟ್ಟು ಆದಾಯವು ಆದಾಯ ತೆರಿಗೆ ಕಾಯಿದೆಯ 80C ನಿಂದ 80U ವರೆಗಿನ ಕಡಿತಗಳನ್ನು ಗಣನೆಗೆ ತೆಗೆದುಕೊಳ್ಳುವ ಮೊದಲು ಒಟ್ಟು ಆದಾಯವನ್ನು ಸೂಚಿಸುತ್ತದೆ.

ಗಡುವು ಮುಗಿದ ನಂತರ ವಿಳಂಬ ಶುಲ್ಕಗಳ ಹೊರತಾಗಿ ಇತರ ಪರಿಣಾಮ ಎದುರಿಸಬೇಕಾಗುತ್ತದೆ. ಗಡುವು ತಪ್ಪಿಸಿಕೊಂಡರೆ ತೆರಿಗೆಗಳ ವಿಳಂಬ ಪಾವತಿಗೆ ನೀವು ಬಡ್ಡಿ ಪಾವತಿಸಬೇಕಾಗುತ್ತದೆ.

ನೀವು ಜುಲೈ 31 ರ ಗಡುವನ್ನು ತಪ್ಪಿಸಿಕೊಂಡರೆ, 2021-22 ರ ಹಣಕಾಸು ವರ್ಷಕ್ಕೆ ತಡವಾಗಿ ಆದಾಯ ತೆರಿಗೆ ರಿಟರ್ನ್ ಅನ್ನು ಸಲ್ಲಿಸಲು ಕೊನೆಯ ದಿನಾಂಕ 31 ಡಿಸೆಂಬರ್ 2022 ಆಗಿದೆ.