ಇ ವಾಲೆಟ್​​ & ಯುಪಿಐ ವ್ಯವಹಾರ ಮಾಡುವ ಮುನ್ನ ನೆನಪಿಡಿ ಈ ಪ್ರಮುಖ ಅಂಶ

ದೇಶದಲ್ಲಿ ಇದೀಗ ಯುಪಿಐ ವಹಿವಾಟು ಹಾಗೂ ಇ ವಾಲೆಟ್​ಗಳ ಬಳಕೆ ಹೆಚ್ಚಾಗಿದೆ. ನಗದು ವ್ಯವಹಾರದ ಮಿತಿ, ಹಣ ಡ್ರಾ ಶುಲ್ಕ, ಎಟಿಎಂ ಸಮಸ್ಯೆಗಳಿಂದಾಗಿ ಬೇಸತ್ತ ಜನರು ಈಗೀಗ ಯುಪಿಐ ವ್ಯವಹಾರಕ್ಕೆ ಹೆಚ್ಚು ಮೊರೆ ಹೋಗ್ತಿದ್ದಾರೆ.

ಯುಪಿಐ ಹಾಗೂ ಇ ವ್ಯಾಲೆಟ್​ ವಹಿವಾಟು ನಡೆಸುವ ಮುನ್ನ ನೀವು ಕೆಲವು ಅಂಶಗಳನ್ನ ಗಮನದಲ್ಲಿ ಇಡಬೇಕು. ಆದಾಯ ತೆರಿಗೆ ನಿಯಮಗಳ ಪ್ರಕಾರ ಆದಾಯ ತೆರಿಗೆ ರಿಟರ್ನ್ಸ್​ ಸಲ್ಲಿಸುವ ವೇಳೆಯಲ್ಲಿ ಇತರ ಮೂಲಗಳಿಂದ ಬರುವ ಆದಾಯ, ಕ್ಯಾಪಿಟಲ್​ ಗೇನ್ಸ್ ಗಳನ್ನ ವರದಿ ಮಾಡುವಂತೆ ಯುಪಿಐ ಹಾಗೂ ಇ ವ್ಯಾಲೆಟ್​ ಮೂಲಕ ಹಣ ಪಡೆದ ಬಗ್ಗೆಯೂ ವಿವರಣೆ ಸಲ್ಲಿಸೋದು ಕಡ್ಡಾಯವಾಗಿರಲಿದೆ.

ರೈಲು ಹಳಿತಪ್ಪಿ ಭೀಕರ ಅಪಘಾತ: ಕನಿಷ್ಠ 11 ಮಂದಿ ಸಾವು, 100 ಜನರಿಗೆ ಗಾಯ –ಈಜಿಪ್ಟ್ ನಲ್ಲಿ ದುರಂತ

ಯುಪಿಐ ಹಾಗೂ ಇ ವ್ಯಾಲೆಟ್​ಗಳು ಸಹ ತೆರಿಗೆಯ ಅಡಿಯಲ್ಲೇ ಬರುತ್ತವೆ. ಯುಪಿಐ ಹಾಗೂ ಇ ವ್ಯಾಲೆಟ್​ಗಳ ಮೂಲಕ ನೀವು ವ್ಯವಹಾರ ನಡೆಸಿದ್ರೂ ಸಹ ನಿಮಗೆ ತೆರಿಗೆಯನ್ನ ವಿಧಿಸಲಾಗುತ್ತದೆ. ಇ ವ್ಯಾಲೆಟ್​ಗಳಲ್ಲಿ ವ್ಯವಹಾರ ನಡೆಸಲು ಗ್ರಾಹಕರನ್ನ ಸೆಳೆಯುವ ಸಲುವಾಗಿ ಕ್ಯಾಶ್​ಬ್ಯಾಕ್​ ಆಫರ್​ಗಳನ್ನ ನೀಡಲಾಗುತ್ತೆ. ಇದೇ ಕಾರಣಕ್ಕೆ ಜನರು ನಗದು ವ್ಯವಹಾರಕ್ಕಿಂತ ಇ ವಾಲೆಟ್​ಗಳತ್ತ ಹೆಚ್ಚು ಆಕರ್ಷಿತರಾಗ್ತಾರೆ. ಆದರೆ ಈ ಕ್ಯಾಶ್​ ಬ್ಯಾಕ್​ ಮೊತ್ತ 1 ಹಣಕಾಸು ವರ್ಷದಲ್ಲಿ 50 ಸಾವಿರ ರೂಪಾಯಿ ಮೀರಿದ್ರೆ ನಿಮಗೆ ತೆರಿಗೆ ಬೀಳಲಿದೆ.

ಹಣ ವರ್ಗಾವಣೆಗೆ 1 ಲಕ್ಷ ರೂಪಾಯಿಗಳನ್ನ ಗರಿಷ್ಟ ಮಿತಿ ಎಂದು ಪರಿಗಣಿಸಲಾಗಿದೆ. ಆದರೆ ಈ ಮಿತಿಯನ್ನ ಮೀರಿದ್ರೆ ಆ ಮೊತ್ತ ತೆರಿಗೆ ವ್ಯಾಪ್ತಿಗೆ ಒಳಪಡಲಿದೆ. ಯುಪಿಐ ಮೂಲಕ ನಿಮ್ಮ ಉದ್ಯೋಗದಾತರು ನಿಮಗೆ 5000 ರೂ.ಗಿಂತ ಹೆಚ್ಚಿನ ಹಣವನ್ನ ಉಡುಗೊರೆ ರೂಪದಲ್ಲಿ ನೀಡಿದ್ರೆ ಆದಾಯ ತೆರಿಗೆ ನಿಯಮ 3 (7) (iv) ಅಡಿಯಲ್ಲಿ ತೆರಿಗೆ ವಿಧಿಸಲಾಗುತ್ತೆ. ಇದು ಮಾತ್ರವಲ್ಲದೇ ಕುಟುಂಬಸ್ಥರು ಹಾಗೂ ಸ್ನೇಹಿತರಿಂದ ಒಂದು ವರ್ಷದಲ್ಲಿ 50000 ಕ್ಕಿಂತ ಹೆಚ್ಚಿನ ಮೊತ್ತದ ಹಣವನ್ನ ನೀವು ವೋಚರ್​ ರೂಪದಲ್ಲಿ ಪಡೆದಿದ್ದರೆ ಅದಕ್ಕೂ ತೆರಿಗೆ ಕಟ್ಟಬೇಕು.

ಯುಪಿಐನಿಂದ ನಡೆಸಿದ ಹಣದ ವ್ಯವಹಾರದ ಮೇಲೆ ಯಾರೂ ಕಣ್ಣಿಡೋದಿಲ್ಲ ಎಂದು ನೀವೆಂದುಕೊಂಡಿದ್ದರೆ ಅದು ತಪ್ಪು ಕಲ್ಪನೆಯಾಗಿದೆ. ಭಾರತೀಯ ಆದಾಯ ತೆರಿಗೆ ಇಲಾಖೆ ಪ್ರತಿಯೊಂದು ವ್ಯವಹಾರಗಳ ಮೇಲೂ ಕಣ್ಣಿಡುತ್ತದೆ ಎಂಬ ಅಂಶವನ್ನ ನೀವು ಮರೆಯುವ ಹಾಗಿಲ್ಲ.