ಏರ್​ಟೆಲ್​ ಡಿಜಿಟಲ್​ ಟಿವಿ ಪ್ಯಾಕೇಜ್​ ಬದಲಾಯಿಸಲು ಇಲ್ಲಿದೆ ಸಂಪೂರ್ಣ ಮಾಹಿತಿ

ಭಾರತದ ಪ್ರಮುಖ ಡಿಟಿಹೆಚ್​​ ಪ್ರೊವೈಡರ್​ಗಳಲ್ಲಿ ಏರ್​ಟೆಲ್​ ಡಿಜಿಟಲ್ ಟಿವಿ ಕೂಡ ಒಂದು. ಏರ್​ಟೆಲ್​ ಅಪ್ಲಿಕೇಶನ್​ ಇಲ್ಲವೇ ವೆಬ್​ಸೈಟ್​ಗಳ ಮೂಲಕ ಗ್ರಾಹಕರು ತಮ್ಮ ಚಾನೆಲ್​ ಪ್ಯಾಕೇಜ್​ಗಳನ್ನ ಬದಲಾಯಿಸಬಹುದಾಗಿದೆ. ಏರ್​ಟೆಲ್​ ಡಿಜಿಟಲ್​ ಟಿವಿ ಪ್ಯಾಕೇಜ್​ಗಳನ್ನ ಬದಲಾವಣೆ ಮಾಡೋಕೆ ಇಲ್ಲಿದೆ ಪ್ರಮುಖ ಮಾಹಿತಿ.

ಚಿನ್ನದ ಬಾಂಡ್ ಖರೀದಿದಾರರಿಗೆ ಗುಡ್ ನ್ಯೂಸ್: ಪ್ರತಿ ಗ್ರಾಂಗೆ 50 ರೂ. ವಿನಾಯಿತಿ

ಏರ್​ಟೆಲ್​ ಡಿಜಿಟಲ್​ ಟಿವಿ ಪ್ಯಾಕೇಜ್​ ಬದಲಾವಣೆಗೆ ಮೊದಲು ವೆಬ್​ಸೈಟ್​ಗೆ ಲಾಗಿನ್ ಆಗಿ. ನೀವು ಪಾಸ್​ವರ್ಡ್​ನ್ನು ಹಾಕಿದ ಬಳಿಕ ನಿಮ್ಮ ನೋಂದಾಯಿಸಿದ ಮೊಬೈಲ್​ಗೆ 4 ಸಂಖ್ಯೆಗಳ ಓಟಿಪಿ ಬರಲಿದೆ. ಈಗ ಡೆಸ್ಕ್​ಟಾಪ್​ ಪರದೆಯ ಎಡಭಾಗದಲ್ಲಿ ಡಿಜಿಟಲ್​ ಟಿವಿ ಸೆಕ್ಷನ್​ನ್ನು ಆಯ್ಕೆ ಮಾಡಿ. ಕೆಳಗಡೆ ಸ್ಕ್ರೋಲ್​ ಮಾಡಿದಾಗ ನಿಮಗೆ ಮ್ಯಾನೇಜ್​ ಟಿವಿ ಚಾನೆಲ್​ ಆಯ್ಕೆ ಸಿಗಲಿದೆ. ಇಲ್ಲಿ ನಿಮಗೆ ಏರ್​ಟೆಲ್​ ಡಿಜಿಟಲ್​ ಟಿವಿಯ ಎಲ್ಲಾ ಪ್ಯಾಕೇಜ್​ಗಳು ಕಾಣಲಿದೆ.

ಪ್ರಸ್ತುತ ಇರುವ ಚಾನೆಲ್​ ಪ್ಯಾಕೇಜ್​ನ ಕೆಳಗಡೆ ಇರುವ ಎಡಿಟ್​ ಕರೆಂಟ್ ಪ್ಲಾನ್​ ಆಯ್ಕೆ ಒತ್ತಿರಿ. ಈಗ ಏರ್​ಟೆಲ್​ ನಿಮಗೆ ಹೊಸ ಪ್ಯಾಕೇಜ್​ಗಳನ್ನ ತೋರಿಸಲಿದೆ. ಇಲ್ಲಿ ನಿಮಗೆ ಬೇಕಾದ ಪ್ಯಾಕೇಜ್​ನ್ನು ಆಯ್ಕೆ ಮಾಡಿ. ಹಾಗೂ ನೀವು ಆಯ್ಕೆ ಮಾಡಿದ ಪ್ಯಾಕೇಜ್​ಗೆ ಹಣ ಪಾವತಿ ಮಾಡಿ. ಅಲ್ಲದೇ ಪ್ಯಾಕೇಜ್​ ಬಗ್ಗೆ ಯಾರೊಂದಿಗಾದರೂ ಚರ್ಚೆ ಮಾಡಿ ಬಳಿಕ ಅದನ್ನ ಪಡೆಯುವ ಪ್ಲಾನ್​ನಲ್ಲಿ ನೀವಿದ್ದರೆ ನಿಮಗೆ ಪ್ಯಾಕೇಜ್​ಗಳನ್ನ ಸೇವ್​ ಕೂಡ ಮಾಡುವ ಆಯ್ಕೆ ಅಲ್ಲೇ ಇರಲಿದೆ.