ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಆನ್ಲೈನ್ ಮೂಲಕ ಟೋಲ್ ಶುಲ್ಕ ವಿಧಿಸುವ ಫಾಸ್ಟ್ಯಾಗ್ ಕಡ್ಡಾಯ ವ್ಯವಸ್ಥೆಯನ್ನ ವಿಸ್ತರಿಸಲು ಕೇಂದ್ರ ಸರ್ಕಾರ ಚಿಂತನೆ ನಡೆಸಿದೆ ಎನ್ನಲಾಗಿದೆ. ಈ ಹಿಂದೆ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ ಜನವರಿ 1 ರಿಂದ ಫಾಸ್ಟ್ಟ್ಯಾಗ್ಗಳನ್ನ ಕಡ್ಡಾಯ ಮಾಡೋದಾಗಿ ಹೇಳಿತ್ತು.
ಹೆದ್ದಾರಿಯಲ್ಲಿ ಪ್ರಯಾಣ ಮಾಡುವ ಹೆಚ್ಚಿನ ಸಂಖ್ಯೆಯ ವಾಹನ ಸವಾರರು ಇನ್ನೂ ಟೋಲ್ಗಳಲ್ಲಿ ಶುಲ್ಕ ಪಾವತಿ ಮಾಡುತ್ತಿದ್ದಾರೆ. ಹೀಗಾಗಿ ಪ್ರತಿಯೊಬ್ಬ ವಾಹನ ಸವಾರ ಫಾಸ್ಟ್ ಟ್ಯಾಗ್ ಅಳವಡಿಸಿಕೊಳ್ಳಲು ಇನ್ನೂ ಒಂದು ತಿಂಗಳ ಸಮಯ ಅಗತ್ಯವಿದೆ ಎಂದು ಕೇಂದ್ರ ಸರ್ಕಾರ ಭಾವಿಸಿದೆ ಎನ್ನಲಾಗಿದೆ.
ಟೋಲ್ ಪ್ಲಾಜಾಗಳಲ್ಲಿ ನಗದು ವಹಿವಾಟನ್ನ ಕಡಿಮೆ ಮಾಡಲಾಗಿದ್ದು ಪ್ರತಿ ಬದಿಯಲ್ಲಿ ಒಂದು ಲೇನ್ ಹೊರತುಪಡಿಸಿ ಮಿಕ್ಕೆಲ್ಲ ಲೇನ್ಗಳನ್ನ ಫಾಸ್ಟ್ಟ್ಯಾಗ್ ವಾಹನಗಳಿಗೆ ಮೀಸಲಿಡಲಾಗಿದೆ. ಫಾಸ್ಟ್ಟ್ಯಾಗ್ ಇಲ್ಲದೇ ಈ ಲೇನ್ಗಳನ್ನ ಪ್ರವೇಶಿಸುವ ಯಾವುದೇ ವಾಹನವು ಡಬಲ್ ಶುಲ್ಕ ಪಾವತಿ ಮಾಡಬೇಕಾಗುತ್ತೆ. ಈ ಮೂಲಕ ಜನರು ಆದಷ್ಟು ಬೇಗ ಡಿಜಿಟಲ್ ಪೇಮೆಂಟ್ ಕಡೆ ಮುಖ ಮಾಡಲಿ ಎಂದು ಕೇಂದ್ರ ಪ್ರಚೋದನೆ ನೀಡುತ್ತಿದೆ.
Loading ...