ಜಿಯೋ ಗ್ರಾಹಕರಿಗೆ ಭರ್ಜರಿ ‘ಬಂಪರ್’

ಟೆಲಿಕಾಂ ಕಂಪನಿ ರಿಲಯನ್ಸ್ ಜಿಯೋ ತನ್ನ ಪ್ರಿಪೇಯ್ಡ್ ಗ್ರಾಹಕರಿಗಾಗಿ ಎರಡು ಹೊಸ ಡೇಟಾ ಯೋಜನೆಗಳನ್ನು ಬಿಡುಗಡೆ ಮಾಡಿದೆ.

ಮುಂದಿನ ತಿಂಗಳು ಪ್ರಾರಂಭವಾಗುವ ಐಪಿಎಲ್ 2020 ರ ದೃಷ್ಟಿಯಿಂದ ಈ ಎರಡೂ ಯೋಜನೆಗಳನ್ನು ವಿಶೇಷವಾಗಿ ಕ್ರಿಕೆಟ್ ಅಭಿಮಾನಿಗಳಿಗಾಗಿ ಶುರು ಮಾಡಲಾಗಿದೆ.

ಈ ಹೊಸ ಯೋಜನೆಗಳಲ್ಲಿ  ಪ್ರಿಪೇಯ್ಡ್ ಬಳಕೆದಾರರಿಗೆ ಜಿಯೋ ಒಂದು ವರ್ಷದ ಡಿಸ್ನಿ ಪ್ಲಸ್ ಹಾಟ್‌ಸ್ಟಾರ್ ಚಂದಾದಾರಿಕೆಯನ್ನು ನೀಡುತ್ತದೆ.

401 ರೂಪಾಯಿ ಪ್ರಿಪೇಯ್ಡ್ ಯೋಜನೆಯಾಗಿದ್ದು, ಇದರಲ್ಲಿ ಡಿಸ್ನಿ ಹಾಟ್‌ಸ್ಟಾರ್‌ಗೆ ಚಂದಾದಾರಿಕೆ ಸಿಗುತ್ತದೆ. ಇದು 28 ​​ದಿನಗಳ ಸಿಂಧುತ್ವ ಹೊಂದಿದೆ. ಗ್ರಾಹಕರಿಗೆ 3 ಜಿಬಿ ಡೇಟಾ ಪ್ರತಿದಿನ ಸಿಗಲಿದೆ. ಪ್ರತಿ ದಿನ 3ಜಿಬಿ ಡೇಟಾ ಪೂರ್ಣಗೊಳಿಸುವವರಿಗೆ ಕಂಪನಿ 6ಜಿಬಿ ಡೇಟಾವನ್ನು ಹೆಚ್ಚುವರಿಯಾಗಿ ನೀಡಲಿದೆ.

ಇನ್ನು 499 ರೂಪಾಯಿ ಪ್ಲಾನ್ ನಲ್ಲಿ ಕೂಡ ಒಂದು ವರ್ಷದ ಡಿಸ್ನಿ ಹಾಟ್‌ಸ್ಟಾರ್ ಚಂದಾದಾರಿಕೆ ಸಿಗಲಿದೆ. ಪ್ರತಿದಿನ 1.5 ಜಿಬಿ ಡೇಟಾ ಸಿಗಲಿದೆ.  ಈ ಯೋಜನೆಯ 56 ದಿನಗಳ ಸಿಂಧುತ್ವ ಹೊಂದಿದೆ. ಉಚಿತ ಧ್ವನಿ ಕರೆ ಅಥವಾ ಎಸ್ ಎಂಎಸ್ ಸೌಲಭ್ಯವಿಲ್ಲ.

ಜಿಯೋದ ಇನ್ನೊಂದು ಯೋಜನೆ ಬೆಲೆ 777 ರೂಪಾಯಿ. ಒಂದು ವರ್ಷದ ಡಿಸ್ನಿ ಹಾಟ್‌ಸ್ಟಾರ್ ಚಂದಾದಾರಿಕೆ ಜೊತೆಗೆ  ಧ್ವನಿ ಮತ್ತು ಡೇಟಾ ಪ್ರಯೋಜನಗಳನ್ನು ನೀಡಲಾಗುವುದು. ಇದು ತ್ರೈಮಾಸಿಕ ಯೋಜನೆಯಾಗಿದ್ದು, ಇದರಲ್ಲಿ 131 ಜಿಬಿ ಡೇಟಾ, ಅನಿಯಮಿತ ಕರೆ ಮತ್ತು ಜಿಯೋ ಅಪ್ಲಿಕೇಶನ್‌ಗಳಿಗೆ ಪ್ರವೇಶವನ್ನು ನೀಡಲಾಗುವುದು. ಈ ಯೋಜನೆಯ ಸಿಂಧುತ್ವ 84 ದಿನಗಳು.

2,599 ರೂಪಾಯಿ ರೀಚಾರ್ಜ್ ಯೋಜನೆ ಗರಿಷ್ಠ 365 ದಿನಗಳ ಮಾನ್ಯತೆಯೊಂದಿಗೆ ಸಿಗಲಿದೆ. ಪ್ರತಿ ದಿನ 2 ಜಿಬಿ ಡೇಟಾ ಲಭ್ಯವಿದ್ದು, 2 ಜಿಬಿ ಡೇಟಾ ಖಾಲಿಯಾದ ನಂತರ ಒಟ್ಟು 10 ಜಿಬಿ ಡೇಟಾವನ್ನು ನೀಡಲಾಗುವುದು.