ಇಲ್ಲಿದೆ ಕ್ರಿಪ್ಟೋ ಕ್ರೆಡಿಟ್ ಕಾರ್ಡ್‌ ಗಳ ಬಗ್ಗೆ ನೀವು ತಿಳಿದುಕೊಳ್ಳಲೇಬೇಕಾದ ಮಾಹಿತಿ

ಕ್ರೆಡಿಟ್ ಕಾರ್ಡ್‌ ಗಳನ್ನು ವಿವೇಚನೆಯಿಂದ ಬಳಸಿದರೆ ಪಾವತಿ ಮತ್ತು ಶಾಪಿಂಗ್ ಮಾಡಲು ಅನುಕೂಲಕರ ಮಾರ್ಗವೆಂದು ಹೇಳಲಾಗುತ್ತದೆ.

ಆದರೆ, ಕ್ರಿಪ್ಟೋಕರೆನ್ಸಿ ಕ್ರೆಡಿಟ್ ಕಾರ್ಡ್‌ಗಳ ಬಗ್ಗೆ ಹೇಳುವುದಾದರೆ ಅವು ಕೂಡ ಸಾಂಪ್ರದಾಯಿಕ ಕಾರ್ಡ್ ಗಳಂತೆಯೇ ಬಳಕೆದಾರರಿಗೆ ರಿವಾರ್ಡ್ಸ್ ನೀಡುತ್ತವೆ. ಆದರೆ ಕ್ರಿಪ್ಟೋಕರೆನ್ಸಿಗಳು ಸ್ವಲ್ಪ ಹೆಚ್ಚು ಸಂಕೀರ್ಣವಾಗಿವೆ ಎನ್ನಬಹುದು.

ಕ್ರಿಪ್ಟೋ ಕ್ರೆಡಿಟ್ ಕಾರ್ಡ್ ಎಂದರೇನು?

ಕ್ರಿಪ್ಟೋ ಕ್ರೆಡಿಟ್ ಕಾರ್ಡ್ ಬಳಕೆದಾರರಿಗೆ ಕ್ರಿಪ್ಟೋಕರೆನ್ಸಿ ಖರ್ಚು ಮಾಡಲು ಅನುಮತಿಸುತ್ತದೆ. ಇದು ಕ್ರಿಪ್ಟೋಕರೆನ್ಸಿಗಳಲ್ಲಿ ರಿವಾರ್ಡ್ಸ್ ನೀಡುತ್ತದೆ. ಕ್ರಿಪ್ಟೋ ಜಗತ್ತಿನಲ್ಲಿ ಡೆಬಿಟ್ ಕಾರ್ಡ್‌ಗಳೂ ಇವೆ. ಕ್ರಿಪ್ಟೋ ಡೆಬಿಟ್ ಕಾರ್ಡ್‌ ಗಳಂತಲ್ಲದೆ, ಕ್ರಿಪ್ಟೋ ಕ್ರೆಡಿಟ್ ಕಾರ್ಡ್ ನಿಮಗೆ ಕಾರ್ಡ್ ನೀಡುವವರಿಂದ ಎರವಲು ಪಡೆಯಲು ಮತ್ತು ನಂತರ ಮರುಪಾವತಿ ಮಾಡಲು ಅನುಮತಿಸುತ್ತದೆ. ಸಾಂಪ್ರದಾಯಿಕ ಕ್ರೆಡಿಟ್ ಕಾರ್ಡ್ ಕಾರ್ಯಚಟುವಟಿಕೆಗಳಿಗಿಂತ ಹೆಚ್ಚು ಭಿನ್ನವಾಗಿಲ್ಲ. ದೊಡ್ಡ ವ್ಯತ್ಯಾಸವೆಂದರೆ ನೀವು ಕ್ರಿಪ್ಟೋದಲ್ಲಿ ಮರುಪಾವತಿಸುತ್ತೀರಿ. ಬಹುಮಾನಗಳು ಯಾವುದಾದರೂ ಇದ್ದರೆ ಬಿಟ್‌ಕಾಯಿನ್‌ನಂತಹ ಕ್ರಿಪ್ಟೋಕರೆನ್ಸಿಗಳಲ್ಲಿಯೂ ಬರುತ್ತವೆ.

ರಿವಾರ್ಡ್ಸ್

ವಿಭಿನ್ನ ಕ್ರಿಪ್ಟೋ ಕ್ರೆಡಿಟ್ ಕಾರ್ಡ್‌ಗಳು ಬಳಕೆದಾರರಿಗೆ ವಿಭಿನ್ನವಾಗಿ ರಿವಾರ್ಡ್ಸ್(ಬಹುಮಾನ) ನೀಡುತ್ತವೆ. ಜೆಮಿನಿ ಕ್ರೆಡಿಟ್ ಕಾರ್ಡ್ ಬಿಟ್‌ ಕಾಯಿನ್‌ನಲ್ಲಿ ಮರುಪಾವತಿಯಲ್ಲಿ ಶೇ. 3 ವರೆಗೆ ರಿವಾರ್ಡ್ಸ್ ನೀಡುತ್ತದೆ. ಇದನ್ನು ತಕ್ಷಣವೇ ಗ್ರಾಹಕರ ಜೆಮಿನಿ ಖಾತೆಗೆ ಜಮಾ ಮಾಡಲಾಗುತ್ತದೆ.

BlockFi ಕ್ರೆಡಿಟ್ ಕಾರ್ಡ್ ಬಳಕೆದಾರರು ಬಿಟ್‌ಕಾಯಿನ್ ಮತ್ತು Ethereum ಒಳಗೊಂಡಿರುವ 10 ಕ್ಕೂ ಹೆಚ್ಚು ರೀತಿಯ ಕ್ರಿಪ್ಟೋಕರೆನ್ಸಿಗಳಲ್ಲಿ ಶೇ. 1.5 ರಷ್ಟು ಕ್ಯಾಶ್‌ಬ್ಯಾಕ್ ಅನ್ನು ಬಹುಮಾನಗಳಲ್ಲಿ ಗಳಿಸಬಹುದು.

SoFi ಕ್ರೆಡಿಟ್ ಕಾರ್ಡ್‌ಗಳ ಸಂದರ್ಭದಲ್ಲಿ, ಬಿಟ್‌ಕಾಯಿನ್ ಅಥವಾ Ethereum ಗೆ ರಿವಾರ್ಡ್ ಪಾಯಿಂಟ್‌ ಗಳನ್ನು ರಿಡೀಮ್ ಮಾಡಬಹುದು. ವೆನ್ಮೋ ಕ್ರೆಡಿಟ್ ಕಾರ್ಡ್, ಮತ್ತೊಂದೆಡೆ ಖರೀದಿಗಳಿಂದ ಗಳಿಸಿದ ಕ್ಯಾಶ್‌ಬ್ಯಾಕ್‌ನೊಂದಿಗೆ ಬಿಟ್‌ಕಾಯಿನ್, ಎಥೆರಿಯಮ್, ಲಿಟ್‌ಕಾಯಿನ್ ಅಥವಾ ಬಿಟ್‌ಕಾಯಿನ್ ಕ್ಯಾಶ್ ಅನ್ನು ಖರೀದಿಸಲು ಬಳಕೆದಾರರನ್ನು ಅನುಮತಿಸುತ್ತದೆ.

ಬ್ರೆಕ್ಸ್ ಬಿಸಿನೆಸ್ ಕಾರ್ಡ್‌ನೊಂದಿಗೆ, ಬಳಕೆದಾರರು ಬಿಟ್‌ಕಾಯಿನ್ ಅಥವಾ ಎಥೆರಿಯಮ್‌ನಲ್ಲಿ ರಿವಾರ್ಡ್ ಪಾಯಿಂಟ್‌ಗಳನ್ನು ಖರ್ಚು ಮಾಡಬಹುದು.

ನಿಮ್ಮ ಖರ್ಚುಗಳನ್ನು ವೀಕ್ಷಿಸಿ

ನೆನಪಿನಲ್ಲಿಟ್ಟುಕೊಳ್ಳಬೇಕಾದ ಒಂದು ಪ್ರಮುಖ ಅಂಶವೆಂದರೆ ಕ್ರಿಪ್ಟೋ ಕಾರ್ಡ್‌ಗಳು ಸಾಂಪ್ರದಾಯಿಕ ಕ್ರೆಡಿಟ್ ಕಾರ್ಡ್‌ಗಳಂತೆಯೇ ಇರುತ್ತವೆ. ಮರುಪಾವತಿಯಲ್ಲಿ ವಿಫಲತೆ ಅಥವಾ ವಿಳಂಬವು ಹೆಚ್ಚಿನ ಬಡ್ಡಿ ಮತ್ತು ತಡವಾದ ಶುಲ್ಕ ಆಕರ್ಷಿಸುತ್ತದೆ. ಸಾಂಪ್ರದಾಯಿಕ ಕ್ರೆಡಿಟ್ ಕಾರ್ಡ್‌ಗಳಂತೆ ವಾರ್ಷಿಕ ಶುಲ್ಕಗಳು ಸಹ ಅನ್ವಯಿಸುತ್ತವೆ.

ಬಹುಮಾನಗಳು ಏನೇ ಇರಲಿ, ಕ್ರಿಪ್ಟೋ ಕ್ರೆಡಿಟ್ ಸಮಯಕ್ಕೆ ಹಿಂತಿರುಗಿಸದಿದ್ದರೆ, ನಿಮಗೆ ವೆಚ್ಚವಾಗಬಹುದು, ಕ್ರಿಪ್ಟೋ ಕ್ರೆಡಿಟ್ ಕಾರ್ಡ್‌ಗಳ ನಿಯಮಗಳು ಮತ್ತು ಷರತ್ತುಗಳನ್ನು ಅರ್ಥಮಾಡಿಕೊಳ್ಳುವುದು ನಿಮ್ಮ ಹಣಕಾಸುಗಳಿಗೆ ನಿರ್ಣಾಯಕವಾಗಿದೆ ಎಂದು ಹೇಳಲಾಗಿದೆ.