ಮಾರ್ಚ್ ತ್ರೈಮಾಸಿಕದಲ್ಲಿ ದಾಖಲೆ ಮಟ್ಟದಲ್ಲಿ ಇಳಿಕೆ ಕಂಡ ಚಿನ್ನದ ಬೇಡಿಕೆ

ಈ ವರ್ಷದ ಜನವರಿ-ಮಾರ್ಚ್ ತ್ರೈಮಾಸಿಕದಲ್ಲಿ ಭಾರತದಲ್ಲಿ ಚಿನ್ನದ ಬೇಡಿಕೆಯಲ್ಲಿ ಶೇಕಡಾ 36 ರಷ್ಟು ಭಾರಿ ಕುಸಿತ ಕಂಡು ಬಂದಿದೆ. ಈ ಸಮಯದಲ್ಲಿ ಆಭರಣ ಮತ್ತು ಚಿನ್ನದ ಹೂಡಿಕೆ ಎರಡಕ್ಕೂ ಬೇಡಿಕೆ ಕಡಿಮೆಯಾಗಿದೆ.

ವರದಿಯ ಪ್ರಕಾರ,  ಆರ್ಥಿಕ ಅನಿಶ್ಚಿತತೆಗಳು ಮತ್ತು ಕೊರೊನಾ, ದೇಶಾದ್ಯಂತದ ಲಾಕ್‌ಡೌನ್ ಹೆಚ್ಚಳದಿಂದಾಗಿ, ಜನವರಿ-ಮಾರ್ಚ್ ತ್ರೈಮಾಸಿಕದಲ್ಲಿ ಚಿನ್ನದ ಬೇಡಿಕೆ 102 ಟನ್‌ಗಳಿಗೆ ಇಳಿದಿದೆ. ಜೂನ್ ತ್ರೈಮಾಸಿಕದಲ್ಲಿ ಪರಿಸ್ಥಿತಿ ಇನ್ನಷ್ಟು ಹದಗೆಡಬಹುದು ಎಂದು ತಜ್ಞರು ಹೇಳಿದ್ದಾರೆ.

ವಿಶ್ವ ಚಿನ್ನದ ಮಂಡಳಿಯ  ಮೊದಲ ತ್ರೈಮಾಸಿಕ ಗೋಲ್ಡ್ ಡಿಮ್ಯಾಂಡ್ ಟ್ರೆಂಡ್ಸ್ ವರದಿಯ ಪ್ರಕಾರ, ಜನವರಿಯಿಂದ ಮಾರ್ಚ್ ವರೆಗೆ ಆಭರಣಗಳ ಬೇಡಿಕೆ ಶೇಕಡಾ 41 ರಷ್ಟು ಕಡಿಮೆಯಾಗಿದೆ. ಇದು 11 ವರ್ಷಗಳ ಕನಿಷ್ಠ ಇಳಿಕೆ ಎನ್ನಲಾಗಿದೆ.  ಕಳೆದ ವರ್ಷದ ಇದೇ ಅವಧಿಯಲ್ಲಿ 159 ಟನ್ ಇತ್ತು.