ಇಪಿಎಸ್ ಪಿಂಚಣಿದಾರರಿಗೆ ಒಳ್ಳೆಯ ಸುದ್ದಿ. ಹೆಚ್ಚಿನ ಪಿಂಚಣಿ ಪಡೆಯುವ ಅವಕಾಶ ಸಿಗ್ತಿದೆ. ನಿವೃತ್ತಿಯ 15 ವರ್ಷಗಳ ನಂತರ ಪೂರ್ಣ ಪಿಂಚಣಿ ನೀಡುವ ನಿರ್ಧಾರವನ್ನು ಸರ್ಕಾರ ಮತ್ತೆ ತೆಗೆದುಕೊಂಡಿದೆ.
ಮೇ ತಿಂಗಳಿನಿಂದ ಹೊಸ ನಿಯಮ ಜಾರಿಗೆ ಬರುವ ಸಾಧ್ಯತೆ ದಟ್ಟವಾಗಿದೆ. ಈ ನಿಯಮವನ್ನು 2009 ರಲ್ಲಿ ಹಿಂಪಡೆಯಲಾಗಿತ್ತು. 2020ರ ಫೆಬ್ರವರಿಯಲ್ಲಿ ಸಂಪೂರ್ಣ ಪಿಂಚಣಿಯನ್ನು ಮತ್ತೆ ಶುರು ಮಾಡಲು ಸರ್ಕಾರ ಅಧಿಸೂಚನೆ ಹೊರಡಿಸಿತ್ತು. ಅದನ್ನು ಜಾರಿಗೆ ತರಲು ಸ್ವಲ್ಪ ಸಮಯ ಹಿಡಿದಿದ್ದು, ಈಗ ಸರ್ಕಾರ ಸಂಪೂರ್ಣ ಸಿದ್ಧವಾಗಿದೆ. ಸರ್ಕಾರದ ಈ ತೀರ್ಮಾನದಿಂದ ಪ್ರತಿ ತಿಂಗಳು 630,000 ಪಿಂಚಣಿದಾರರಿಗೆ ಪ್ರಯೋಜನವಾಗಲಿದೆ.
ನೌಕರರ ಪಿಂಚಣಿ ಯೋಜನೆಯ ನಿಯಮಗಳ ಪ್ರಕಾರ, 26 ಸೆಪ್ಟೆಂಬರ್ 2008 ರ ಮೊದಲು ನಿವೃತ್ತರಾದ ಇಪಿಎಫ್ಒ ಸದಸ್ಯರು ತಮ್ಮ ಪಿಂಚಣಿಯ ಗರಿಷ್ಠ ಮೂರನೇ ಒಂದು ಭಾಗವನ್ನು ಒಟ್ಟು ಮೊತ್ತವಾಗಿ ಪಡೆಯಬಹುದು. ಉಳಿದ ಮೂರನೇ ಎರಡರಷ್ಟು ಪಿಂಚಣಿ ಮಾಸಿಕ ಪಿಂಚಣಿಯಾಗಿ ಸಿಗಲಿದೆ.