ಕೊರಿಯನ್ ಖಾದ್ಯಗಳೆಂದರೆ ಈಗ ಎಲ್ಲರಿಗೂ ಪಂಚಪ್ರಾಣ. ಅದರಲ್ಲೂ ಚಿಕನ್ ಜೊತೆಗೆ ನೂಡಲ್ಸ್ ಮತ್ತು ರೈಸ್ ಎರಡನ್ನೂ ಬೆರೆಸಿ ಮಾಡುವ ಈ ಟ್ರಿಪಲ್ ಫ್ರೈಡ್ ರೈಸ್ ಊಟ ಅಥವಾ ರಾತ್ರಿಯ ಭೋಜನಕ್ಕೆ ಅತ್ಯುತ್ತಮ ಆಯ್ಕೆ. ಕೊರಿಯನ್ ಸಾಸ್ಗಳ ಖಾರ ಮತ್ತು ಫ್ರೈಡ್ ರೈಸ್ನ ರುಚಿ ನಿಮ್ಮ ನಾಲಿಗೆಗೆ ಹೊಸ ಅನುಭವ ನೀಡಲಿದೆ.
ಅಗತ್ಯವಿರುವ ಪದಾರ್ಥಗಳು
ರೈಸ್ ಮತ್ತು ನೂಡಲ್ಸ್: 200 ಗ್ರಾಂ ಬೆಂದ ಅನ್ನ (Steam rice), 100 ಗ್ರಾಂ ಬೆಂದ ನೂಡಲ್ಸ್.
ತರಕಾರಿಗಳು: ಬ್ರೊಕೋಲಿ, ಕ್ಯಾರೆಟ್, ಕ್ಯಾಬೇಜ್, ಮತ್ತು ಬಣ್ಣದ ಬೆಲ್ ಪೆಪ್ಪರ್ಸ್ (ದಪ್ಪ ಮೆಣಸಿನಕಾಯಿ).
ರೈಸ್ ಮಸಾಲಾ: ಷೆಜ್ವಾನ್ ಸಾಸ್, ಕಾಳುಮೆಣಸಿನ ಪುಡಿ, ವೈಟ್ ಪೆಪ್ಪರ್ ಪುಡಿ, ವೆಜ್ ಆರೋಮ್ಯಾಟ್ ಪೌಡರ್ ಮತ್ತು ಹಸಿರು ಈರುಳ್ಳಿ (Spring Onion).
ಚಿಕನ್ ಗ್ರೇವಿಗಾಗಿ: 150 ಗ್ರಾಂ ಬೋನ್ಲೆಸ್ ಚಿಕನ್ ತುಂಡುಗಳು, ಬೆಳ್ಳುಳ್ಳಿ, ಈರುಳ್ಳಿ, ಸೆಲರಿ ಮತ್ತು ಥಾಯ್ ಚಿಲ್ಲಿ.
ಕೊರಿಯನ್ ಸಾಸ್ ಮಿಕ್ಸ್: ಗೋಚುಜಾಂಗ್ (Gochujang) ಸಾಸ್, ರೆಡ್ ಚಿಲ್ಲಿ ಸಾಸ್, ಕ್ರಿಸ್ಪಿ ಚಿಲ್ಲಿ ಆಯಿಲ್, ಸೋಯಾ ಸಾಸ್ ಮತ್ತು ಸ್ವಲ್ಪ ಸಕ್ಕರೆ.
ತಯಾರಿಸುವ ವಿಧಾನ
- ಮೊದಲಿಗೆ ಒಂದು ಪ್ಯಾನ್ನಲ್ಲಿ ಎಣ್ಣೆ ಬಿಸಿ ಮಾಡಿ ಹೆಚ್ಚಿದ ಬ್ರೊಕೋಲಿ, ಕ್ಯಾರೆಟ್, ಕ್ಯಾಬೇಜ್ ಮತ್ತು ಬೆಲ್ ಪೆಪ್ಪರ್ಗಳನ್ನು ಲಘುವಾಗಿ ಹುರಿಯಿರಿ. ಇದಕ್ಕೆ ಬೆಂದ ಅನ್ನ ಮತ್ತು ನೂಡಲ್ಸ್ ಸೇರಿಸಿ. ನಂತರ ಷೆಜ್ವಾನ್ ಸಾಸ್, ಕಾಳುಮೆಣಸಿನ ಪುಡಿ ಮತ್ತು ಹಸಿರು ಈರುಳ್ಳಿ ಹಾಕಿ ಚೆನ್ನಾಗಿ ಫ್ರೈ ಮಾಡಿ ಪಕ್ಕಕ್ಕೆ ಇರಿಸಿ.
- ಇನ್ನೊಂದು ಪಾತ್ರೆಯಲ್ಲಿ ಎಣ್ಣೆ ಬಿಸಿ ಮಾಡಿ ಸಣ್ಣದಾಗಿ ಹೆಚ್ಚಿದ ಈರುಳ್ಳಿ, ಬೆಳ್ಳುಳ್ಳಿ, ಸೆಲರಿ ಮತ್ತು ಥಾಯ್ ಚಿಲ್ಲಿಯನ್ನು ಬಾಡಿಸಿ.
- ಈಗ ಇದಕ್ಕೆ ಗೋಚುಜಾಂಗ್ ಸಾಸ್, ರೆಡ್ ಚಿಲ್ಲಿ ಸಾಸ್, ಕ್ರಿಸ್ಪಿ ಚಿಲ್ಲಿ ಆಯಿಲ್ ಮತ್ತು ಸೋಯಾ ಸಾಸ್ ಸೇರಿಸಿ. ರುಚಿಗೆ ತಕ್ಕಷ್ಟು ಉಪ್ಪು, ಸಕ್ಕರೆ ಮತ್ತು ವೈಟ್ ಪೆಪ್ಪರ್ ಪುಡಿ ಹಾಕಿ ಮಿಶ್ರಣ ಮಾಡಿ.
- ಈ ಗ್ರೇವಿಗೆ ಸ್ವಲ್ಪ ನೀರು ಸೇರಿಸಿ, ಮೊದಲೇ ಫ್ರೈ ಮಾಡಿಟ್ಟುಕೊಂಡ ಚಿಕನ್ ತುಂಡುಗಳನ್ನು ಹಾಕಿ. ಗ್ರೇವಿ ಸ್ವಲ್ಪ ದಪ್ಪವಾಗಲು ಕಾರ್ನ್ ಫ್ಲೋರ್ ನೀರನ್ನು (Cornflour slurry) ಸೇರಿಸಿ ಕುದಿಸಿ.
- ಕೊನೆಯದಾಗಿ ತಯಾರಿಸಿದ ಚಿಕನ್ ಗ್ರೇವಿಯನ್ನು ಅನ್ನ ಮತ್ತು ನೂಡಲ್ಸ್ ಮಿಶ್ರಣಕ್ಕೆ ಸೇರಿಸಿ, ಹೆಚ್ಚಿನ ಉರಿಯಲ್ಲಿ (High heat) ಚೆನ್ನಾಗಿ ಟಾಸ್ ಮಾಡಿ. ಬಿಸಿ ಬಿಸಿಯಾಗಿರುವಾಗಲೇ ಹಸಿರು ಈರುಳ್ಳಿ ಮತ್ತು ಸ್ವಲ್ಪ ಚಿಲ್ಲಿ ಆಯಿಲ್ನಿಂದ ಅಲಂಕರಿಸಿ ಸರ್ವ್ ಮಾಡಿ.
