‘ಕರ್ನಾಟಕ ರಾಜ್ಯ ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘ’ದ ಚುನಾವಣೆಗೆ ಮುಹೂರ್ತ ಫಿಕ್ಸ್ ; ಏ.19, 30 ರಂದು ಮತದಾನ

ಬೆಂಗಳೂರು: ಕರ್ನಾಟಕ ರಾಜ್ಯ ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ 2026-2031ರ ಅವಧಿಯ ಪದಾಧಿಕಾರಿಗಳ ಆಯ್ಕೆಗಾಗಿ ಸಾರ್ವತ್ರಿಕ ಚುನಾವಣಾ ವೇಳಾಪಟ್ಟಿಯನ್ನು ಅಧಿಕೃತವಾಗಿ ಹೊರಡಿಸಲಾಗಿದೆ. ರಾಜ್ಯ ಚುನಾವಣಾಧಿಕಾರಿಯಾಗಿ ನೇಮಕಗೊಂಡಿರುವ ನಿವೃತ್ತ ಜಾನುವಾರು ಅಭಿವೃದ್ಧಿ ಅಧಿಕಾರಿಗಳಾದ ಮೆಹಬೂಬ್ ಪಾಷಾ ಮೂಲಿಮನಿ ಅವರು ಈ ಕುರಿತು ಅಧಿಸೂಚನೆ ಹೊರಡಿಸಿದ್ದಾರೆ.

ಕರ್ನಾಟಕ ರಾಜ್ಯ ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ ಮುಂದಿನ ಐದು ವರ್ಷಗಳ (2026-2031) ಅವಧಿಗೆ ಪದಾಧಿಕಾರಿಗಳನ್ನು ಆಯ್ಕೆ ಮಾಡಲು ಚುನಾವಣಾ ಅಧಿಸೂಚನೆ ಹೊರಬಿದ್ದಿದೆ. ರಾಜ್ಯ ಚುನಾವಣಾಧಿಕಾರಿ ಮೆಹಬೂಬ್ ಪಾಷಾ ಮೂಲಿಮನಿ ಅವರು ಈ ವೇಳಾಪಟ್ಟಿಯನ್ನು ಬಿಡುಗಡೆ ಮಾಡಿದ್ದು, ಎರಡು ಪ್ರಮುಖ ಹಂತಗಳಲ್ಲಿ ಚುನಾವಣೆ ನಡೆಯಲಿದೆ.

ಮೊದಲ ಹಂತವಾಗಿ ಏಪ್ರಿಲ್ 19ರಂದು ತಾಲೂಕು ಮತ್ತು ಯೋಜನಾ ಶಾಖೆಗಳ ಕಾರ್ಯಕಾರಿ ಸಮಿತಿಗೆ ಚುನಾವಣೆ ನಡೆಯಲಿದ್ದರೆ, ಎರಡನೇ ಹಂತದಲ್ಲಿ ಏಪ್ರಿಲ್ 30ರಂದು ಜಿಲ್ಲಾ ಮತ್ತು ರಾಜ್ಯ ಮಟ್ಟದ ಪದಾಧಿಕಾರಿಗಳ ಆಯ್ಕೆಗಾಗಿ ಮತದಾನ ನಡೆಯಲಿದೆ. ನಾಮಪತ್ರ ಸಲ್ಲಿಕೆ ಪ್ರಕ್ರಿಯೆಯು ಏಪ್ರಿಲ್ 11ರಿಂದಲೇ ಆರಂಭವಾಗಲಿದೆ.

ಚುನಾವಣಾ ಪ್ರಕ್ರಿಯೆಯು ಎರಡು ಹಂತಗಳಲ್ಲಿ ನಡೆಯಲಿದ್ದು, ಅದರ ಸಂಪೂರ್ಣ ವಿವರಗಳು ಈ ಕೆಳಗಿನಂತಿವೆ:

ಹಂತ1: ತಾಲೂಕು/ವಿಶೇಷ/ಯೋಜನಾ ಶಾಖೆ ಕಾರ್ಯಕಾರಿ ಸಮಿತಿ ಚುನಾವಣೆ(ಅನುಬಂಧ-1)

ಈ ಹಂತದಲ್ಲಿ ತಾಲೂಕು ಮಟ್ಟದ ಕಾರ್ಯಕಾರಿ ಸಮಿತಿ ಸದಸ್ಯರ ಆಯ್ಕೆ ನಡೆಯಲಿದೆ.

• ನಾಮಪತ್ರ ಸಲ್ಲಿಕೆ ಪ್ರಾರಂಭ: 11-04-2026 (ಬೆಳಿಗ್ಗೆ 11:00 ರಿಂದ ಸಂಜೆ 6:00)
• ನಾಮಪತ್ರ ಸಲ್ಲಿಕೆಗೆ ಕೊನೆಯ ದಿನ: 12-04-2026 (ಸಂಜೆ 6:00 ರವರೆಗೆ)
• ನಾಮಪತ್ರ ಪರಿಶೀಲನೆ: 13-04-2026 (ಬೆಳಿಗ್ಗೆ 11:30ಕ್ಕೆ)
• ನಾಮಪತ್ರ ಹಿಂಪಡೆಯಲು ಕೊನೆಯ ದಿನ: 14-04-2026 (ಸಂಜೆ 6:00 ರವರೆಗೆ)
• ಮತದಾನ: 19-04-2026 (ಬೆಳಿಗ್ಗೆ 8:30 ರಿಂದ ಸಂಜೆ 4:30 ರವರೆಗೆ)
• ಮತ ಎಣಿಕೆ ಮತ್ತು ಫಲಿತಾಂಶ: 19-04-2026 (ಸಂಜೆ 6:30 ರಿಂದ ಎಣಿಕೆ ಮುಗಿಯುವವರೆಗೆ)

ಹಂತ2: ತಾಲೂಕು, ಜಿಲ್ಲಾ ಮತ್ತು ರಾಜ್ಯಪದಾಧಿಕಾರಿಗಳ ಚುನಾವಣೆ(ಅನುಬಂಧ-2, 3 ಮತ್ತು4)

ತಾಲೂಕು, ಜಿಲ್ಲಾ ಮತ್ತು ರಾಜ್ಯ ಮಟ್ಟದ ಪದಾಧಿಕಾರಿಗಳ ಆಯ್ಕೆಗಾಗಿ ಈ ಕೆಳಗಿನ ವೇಳಾಪಟ್ಟಿ ನಿಗದಿಯಾಗಿದೆ:

• ಚುನಾವಣಾ ಅಧಿಸೂಚನೆ ಪ್ರಕಟಣೆ: 22-04-2026 (ಸಂಜೆ 6:00ಕ್ಕೆ)
• ನಾಮಪತ್ರ ಸಲ್ಲಿಕೆ: 23-04-2026 ರಿಂದ 24-04-2026 ರವರೆಗೆ (ಬೆಳಿಗ್ಗೆ 11:00 ರಿಂದ ಸಂಜೆ 6:00)
• ನಾಮಪತ್ರ ಪರಿಶೀಲನೆ: 25-04-2026 (ಬೆಳಿಗ್ಗೆ 11:30ಕ್ಕೆ)
• ನಾಮಪತ್ರ ಹಿಂಪಡೆಯಲು ಕೊನೆಯ ದಿನ: 26-04-2026 (ಸಂಜೆ 6:00 ರವರೆಗೆ)
• ಮತದಾನ: 30-04-2026 (ಬೆಳಿಗ್ಗೆ 9:00 ರಿಂದ ಮಧ್ಯಾಹ್ನ 12:00 ರವರೆಗೆ)
• ಮತ ಎಣಿಕೆ ಮತ್ತು ಫಲಿತಾಂಶ: 30-04-2026 (ಮಧ್ಯಾಹ್ನ 12:30 ರಿಂದ ಎಣಿಕೆ ಮುಗಿಯುವವರೆಗೆ)

ಪ್ರಮುಖ ಸೂಚನೆಗಳು

1. ಚುನಾವಣಾಧಿಕಾರಿಗಳು ನಿಗದಿಪಡಿಸಿದ ವೇಳಾಪಟ್ಟಿಯಂತೆ ಕಟ್ಟುನಿಟ್ಟಾಗಿ ಪ್ರಕ್ರಿಯೆ ನಡೆಸಬೇಕು.
2. ಅಭ್ಯರ್ಥಿಗಳ ಮತ ವಿವರ ಮತ್ತು ಆಯ್ಕೆಯಾದವರ ಮಾಹಿತಿಯನ್ನು [email protected] ವಿಳಾಸಕ್ಕೆ PDF/MS Word/Excel ಮಾದರಿಯಲ್ಲಿ ಕಳುಹಿಸಿ ಅನುಮೋದನೆ ಪಡೆದ ನಂತರವೇ ಅಧಿಕೃತ ಫಲಿತಾಂಶ ಪ್ರಕಟಿಸಬೇಕು.
3. ಪೂರ್ವಾನುಮೋದನೆ ಇಲ್ಲದೆ ಸ್ವಯಂ ಘೋಷಿತವಾಗಿ ಪ್ರಕಟಿಸುವ ಫಲಿತಾಂಶಗಳು ಮಾನ್ಯವಾಗುವುದಿಲ್ಲ.