ಬೆಂಗಳೂರು: ಫುಟ್‌ಬಾಲ್ ಪ್ರೇಮಿಗಳು ಕಾತರದಿಂದ ಕಾಯುತ್ತಿದ್ದ ಜಗತ್ತಿನ ಅತಿ ದೊಡ್ಡ ಕ್ರೀಡಾಕೂಟ ಫಿಫಾ ವಿಶ್ವಕಪ್ 2026 (FIFA World Cup 2026) ಆರಂಭಕ್ಕೆ ದಿನಗಣನೆ ಶುರುವಾಗಿದೆ. ಇದೇ ಜೂನ್ 11, 2026 ರಿಂದ ಜುಲೈ 19, 2026 ರವರೆಗೆ ನಡೆಯಲಿರುವ ಈ ಮೆಗಾ ಟೂರ್ನಿ, ಆಟೋಮೊಬೈಲ್ ಮತ್ತು ಟೆಕ್ ಸುದ್ದಿಗಳ ನಡುವೆ ಸೋಷಿಯಲ್ ಮೀಡಿಯಾದಲ್ಲಿ ಸದ್ಯ ಭಾರಿ ಟ್ರೆಂಡ್ ಸೃಷ್ಟಿಸುತ್ತಿದೆ. ಇತಿಹಾಸದಲ್ಲೇ ಮೊದಲ ಬಾರಿಗೆ ಮೂರು ದೇಶಗಳಾದ ಕೆನಡಾ ಮೆಕ್ಸಿಕೊ ಮತ್ತು ಯುನೈಟೆಡ್ ಸ್ಟೇಟ್ಸ್ (USA) ಜಂಟಿಯಾಗಿ ಈ ಮಹಾ ಪಂದ್ಯಾವಳಿಯನ್ನು ಆಯೋಜಿಸುತ್ತಿವೆ
ಯುನೈಟೆಡ್ ಸ್ಟೇಟ್ಸ್‌ನಲ್ಲಿ 11, ಮೆಕ್ಸಿಕೊದಲ್ಲಿ 3 ಮತ್ತು ಕೆನಡಾದಲ್ಲಿ 2 ಸೇರಿದಂತೆ ಒಟ್ಟು 16 ಹೈಟೆಕ್ ನಗರಗಳು ಈ ಪಂದ್ಯಗಳಿಗೆ ಸಾಕ್ಷಿಯಾಗಲಿದ್ದು, ಹೈ-ವೋಲ್ಟೇಜ್ ಫೈನಲ್ ಪಂದ್ಯವು ಜುಲೈ 19 ರಂದು ನ್ಯೂಯಾರ್ಕ್-ನ್ಯೂಜೆರ್ಸಿ ಕ್ರೀಡಾಂಗಣದಲ್ಲಿ ಅದ್ಧೂರಿಯಾಗಿ ನಡೆಯಲಿದೆ.
ಈ ಬಾರಿಯ ಫಿಫಾ ವಿಶ್ವಕಪ್‌ನ ಅತಿ ದೊಡ್ಡ ಹೈಲೈಟ್ ಎಂದರೆ ಪಂದ್ಯಾವಳಿಯಲ್ಲಿ ಭಾಗವಹಿಸುವ ತಂಡಗಳ ಸಂಖ್ಯೆಯನ್ನು ಗಣನೀಯವಾಗಿ ಹೆಚ್ಚಿಸಲಾಗಿದೆ. ಇದುವರೆಗೆ ಕೇವಲ 32 ತಂಡಗಳು ಮಾತ್ರ ಭಾಗವಹಿಸುತ್ತಿದ್ದ ಈ ಟೂರ್ನಿಯಲ್ಲಿ, ಈ ಬಾರಿ ಬರೋಬ್ಬರಿ 48 ತಂಡಗಳು ಕಣಕ್ಕಿಳಿಯಲಿವೆ
ತಂಡಗಳ ಸಂಖ್ಯೆ ಹೆಚ್ಚಾಗಿರುವ ಕಾರಣ ಇಡೀ ಗೇಮ್ ಪ್ಲಾನ್ ಮತ್ತು ಸ್ವರೂಪವನ್ನೇ ಬದಲಾಯಿಸಲಾಗಿದೆ,48 ತಂಡಗಳನ್ನು ತಲಾ 4 ರಂತೆ ಒಟ್ಟು 12 ಗ್ರೂಪ್‌ಗಳಾಗಿ ವಿಂಗಡಿಸಲಾಗಿದೆ.ಪ್ರತಿ ಗ್ರೂಪ್‌ನಿಂದ ಟಾಪ್ 2 ತಂಡಗಳು ನೇರವಾಗಿ ಮುಂದಿನ ಹಂತಕ್ಕೆ ಹೋಗಲಿವೆ.
ಇದರೊಂದಿಗೆ 3ನೇ ಸ್ಥಾನ ಪಡೆದ 8 ಅತ್ಯುತ್ತಮ ತಂಡಗಳಿಗೂ ರೌಂಡ್ ಆಫ್ 32 ಪ್ರವೇಶಿಸಲು ಬಂಪರ್ ಅವಕಾಶ ಸಿಗಲಿದೆ.ಒಟ್ಟಾರೆಯಾಗಿ ಈ ಬಾರಿ ಫುಟ್‌ಬಾಲ್ ಅಭಿಮಾನಿಗಳಿಗೆ ಫುಲ್ ಮನರಂಜನೆ ಸಿಗಲಿದ್ದು, ದಾಖಲೆಯ 104 ಪಂದ್ಯಗಳು ನಡೆಯಲಿವೆ
ಬಹುಮಾನದ ಮೊತ್ತದಲ್ಲಿ ಹಿಸ್ಟಾರಿಕಲ್ ಜಂಪ್: ಒಟ್ಟು ₹6,300 ಕೋಟಿ
ಈ ವರ್ಷ ಫಿಫಾ ಸಂಸ್ಥೆಯು ತನ್ನ ಪ್ರೈಸ್ ಮನಿ (Prize Money) ಯನ್ನು ಹಿಂದೆಂದೂ ಕಾಣದ ಮಟ್ಟಿಗೆ ಹೆಚ್ಚಿಸಿದೆ. ಒಟ್ಟು US$655 ಮಿಲಿಯನ್ (ಸುಮಾರು 6,300 ಕೋಟಿ ರೂಪಾಯಿ) ಮೊತ್ತದ ಬೃಹತ್ ನಿಧಿಯನ್ನು 48 ತಂಡಗಳ ನಡುವೆ ಹಂಚಲಾಗುತ್ತದೆ. ಇದು ಹಿಂದಿನ ಆವೃತ್ತಿಗೆ ಹೋಲಿಸಿದರೆ ಸುಮಾರು 50% ನಷ್ಟು ಭಾರಿ ಏರಿಕೆಯಾಗಿದೆ
ಯಾವ ಸ್ಥಾನ ಪಡೆಯುವ ತಂಡಕ್ಕೆ ಎಷ್ಟು ಕೋಟಿ ಸಿಗುತ್ತೆ? :
ವಿಶ್ವ ಚಾಂಪಿಯನ್ (Winner): ಸುಮಾರು ₹481 ಕೋಟಿ
ರನ್ನರ್ ಅಪ್ (Runner-Up): ಸುಮಾರು ₹317 ಕೋಟಿ
3ನೇ ಸ್ಥಾನ: ಸುಮಾರು ₹279 ಕೋಟಿ
4ನೇ ಸ್ಥಾನ: ಸುಮಾರು ₹259 ಕೋಟಿ
5 ರಿಂದ 8 ನೇ ಶ್ರೇಯಾಂಕದ ತಂಡಗಳು: ಸುಮಾರು ₹182 ಕೋಟಿ
9 ರಿಂದ 16 ನೇ ಸ್ಥಾನದ ತಂಡಗಳು: ಸುಮಾರು ₹144 ಕೋಟಿ
17 ರಿಂದ 32 ನೇ ಸ್ಥಾನದ ತಂಡಗಳು: ಸುಮಾರು ₹105 ಕೋಟಿ
33 ರಿಂದ 48 ನೇ ಸ್ಥಾನದ ತಂಡಗಳು (ಆರಂಭಿಕ ಹಂತ): ಸುಮಾರು ₹86 ಕೋಟಿ
ಕೇವಲ ಭಾಗವಹಿಸುವ ತಂಡಗಳಿಗೇ ಕೋಟ್ಯಂತರ ರೂಪಾಯಿ ಲಭಿಸುತ್ತಿರುವುದು ಜಾಗತಿಕ ಕ್ರೀಡಾ ಮಾರುಕಟ್ಟೆಯಲ್ಲಿ ಫಿಫಾ ಹೊಂದಿರುವ ಕ್ರೇಜ್ ಮತ್ತು ಬ್ರ್ಯಾಂಡ್ ಮೌಲ್ಯವನ್ನು ಸಾಬೀತುಪಡಿಸಿದೆ. ಈ ಬಾರಿ ಕಪ್ ಗೆದ್ದು ಹೊಸ ಇತಿಹಾಸ ಬರೆಯುವ ಆ ಕುಬೇರ ತಂಡ ಯಾವುದು ಎಂಬ ಕುತೂಹಲ ಇಡೀ ವಿಶ್ವದಲ್ಲೇ ಮನೆಮಾಡಿದೆ
