ಸಂಗೀತಕ್ಕೆ ಯಾವುದೇ ಪರಿಧಿಯಿಲ್ಲ. ಅದಕ್ಕೆ ಇದೇ ಭಾಷೆ, ಇಂತದ್ದೇ ಜನರು ಬೇಕು ಅನ್ನೋದು ಇಲ್ಲ. ಸಾಮಾಜಿಕ ಜಾಲತಾಣದ ಮೂಲಕ ಇಡೀ ವಿಶ್ವವೇ ಸಂಪರ್ಕದಲ್ಲಿದೆ. ಈ ಮಾತಿಗೆ ಪುಷ್ಠಿ ಎಂಬಂತೆ ದೂರದ ದುಬೈನಲ್ಲಿ ಸೂಫಿ ಗಾಯನವೊಂದು ಹಲ್ಚಲ್ ಸೃಷ್ಟಿಸಿದ ವಿಡಿಯೋ ಎರಡನೇ ಬಾರಿಗೆ ವೈರಲ್ ಆಗಿದೆ.
ಬ್ರಿಟಿಷ್ ಮೂಲದ ಸಂಗೀತಗಾರ್ತಿ ಮತ್ತಾಕೆಯ ಸ್ನೇಹಿತೆ ದುಬೈ ಬೀದಿಯಲ್ಲಿ ‘ದಮಾ ದಮ್ ಮಸ್ತ್ ಕಲಂದಂರ್’ ಎಂಬ ಹಾಡನ್ನ ಹಾಡಿದ್ರು. ಈ ದೃಶ್ಯವನ್ನ 2017ರಲ್ಲೇ ಯಾರೋ ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಿದ್ದಂತೆ ತುಂಬಾ ಜನರ ಮೆಚ್ಚುಗೆಗೆ ಕಾರಣವಾಗಿತ್ತು. ಇದೀಗ ಮತ್ತೊಮ್ಮೆ ಈ ವಿಡಿಯೋ ವೈರಲ್ ಆಗಿದೆ.
ಭಾರತೀಯ ಸೇನೆಯ ಲೆ. ಜನರಲ್ ಕೆಜೆಎಸ್ ಧಿಲ್ಲೋನ್ ಭಾನುವಾರ ಈ ಮೂರು ವರ್ಷದ ಹಿಂದಿನ ವಿಡಿಯೋವನ್ನ ತಮ್ಮ ಟ್ವಿಟರ್ನಲ್ಲಿ ಶೇರ್ ಮಾಡಿದ್ದಾರೆ. ಅಲ್ಲದೇ ಧಮಾದಮ್ ಮಸ್ತ್ ಕಲಂದಂರ್ ಹಾಡು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಸದ್ದು ಮಾಡ್ತಿದೆ ಅಂತಾ ಕ್ಯಾಪ್ಶನ್ ಸಹ ಕೊಟ್ಟಿದ್ರು. ಧಿಲ್ಲೋನ್ರ ಟ್ವೀಟ್ ಬಳಿಕ ಈ ವಿಡಿಯೋಗೆ ಸೋಶಿಯಲ್ ಮೀಡಿಯಾದಲ್ಲಿ ಮತ್ತೊಮ್ಮೆ ಜೀವ ಬಂದಂತಾಗಿದೆ.
Loading ...