ಬಿಂಗೋ ಕಂಪನಿ ವಿರುದ್ಧ ಸುಶಾಂತ್ ಫ್ಯಾನ್ಸ್ ಗರಂ..! ಕಾರಣವೇನು ಗೊತ್ತಾ..?

ಚಂದ್ರನ ಅಂಗಳದಲ್ಲೊಂದು ಜಾಗ ಖರೀದಿ ಮಾಡಬೇಕು ಅಂತಿದ್ದ ನಟ ನಿಗೂಢವಾಗಿ ಸಾವನ್ನಪ್ಪಿದ್ದಾರೆ. ಸುಶಾಂತ್​ ಸಿಂಗ್​ ರಜಪೂತ್​ ಸಾವಿನ ಪ್ರಕರಣದಿಂದಾಗಿ ಅನೇಕ ನಟ – ನಟಿಯರಿಗೆ ಸಂಕಷ್ಟ ಬಂದ ಬೆನ್ನಲ್ಲೇ ಇದೀಗ ಬಿಂಗೋ ಕಂಪನಿ ಕೂಡ ನೆಟ್ಟಿಗರ ಕೆಂಗಣ್ಣಿಗೆ ಗುರಿಯಾಗಿದೆ.

ಬಿಂಗೋ ಕಂಪನಿಯ ಈ ಜಾಹಿರಾತಿನಲ್ಲಿ ಬಾಲಿವುಡ್​ ನಟ ರಣವೀರ್​ ಸಿಂಗ್​ ಕಾಣಿಸಿಕೊಂಡಿದ್ದಾರೆ. ಇದರಲ್ಲಿ ರಣವೀರ್​ ಸಿಂಗ್​​ ಪ್ಯಾರಾಡಾಕ್ಸಿಕಲ್​ ಫೋಟೋನ್ಸ್, ಆಲ್ಗೋರಿದಮ್ಸ್ ಹಾಗೂ ಎಲಿಯನ್ಸ್ ಬಗ್ಗೆ ಮಾತನಾಡಿದ್ದಾರೆ.

ಇದನ್ನ ನೋಡಿದ ಸುಶಾಂತ್​ ಅಭಿಮಾನಿಗಳು ರಣವೀರ್,​​ ಸುಶಾಂತ್​ರನ್ನ ಕಾಪಿ ಮಾಡಿದ್ದಾರೆ ಅಂತಾ ಹೇಳಿದ್ರೆ, ಇನ್ನೂ ಕೆಲವರಂತೂ ಸುಶಾಂತ್​ರ ಅಭಿಮಾನಿಗಳ ಸಂಖ್ಯೆ ನೋಡಿ ರಣವೀರ್​ಗೆ ಹೊಟ್ಟೆಕಿಚ್ಚಾಗಿದೆ ಅಂತಾ ಕಮೆಂಟ್​ ಮಾಡ್ತಿದ್ದಾರೆ. ಹಾಗೂ ಟ್ವಿಟರ್​​ನಲ್ಲಿ ಬಾಯ್ಕಾಟ್​ ಬಿಂಗೋ ಅಭಿಯಾನವನ್ನೂ ಶುರು ಮಾಡಿದ್ದಾರೆ. ಸುಶಾಂತ್​ ಅಭಿಮಾನಿಗಳ ವಿರೋಧ ತಡೆಯಲಾಗದ ಬಿಂಗೋ ಕಂಪನಿ ಯೂಟ್ಯೂಬ್​ನಲ್ಲಿ ಲೈಕ್​ ಡಿಸ್​ಲೈಕ್​ ಬಟನ್​​ನ್ನೇ ಬಂದ್​ ಮಾಡಿದೆ.