ಕೊರೊನಾ ಸಂಕಷ್ಟದ ಸಂದರ್ಭದಲ್ಲಿ ನಾನಾ ರೀತಿಯಲ್ಲಿ ದೇಶದ ಜನತೆಗೆ ನೆರವಾಗುವ ಮೂಲಕ ಬಾಲಿವುಡ್ ನಟ ಸೋನು ಸೂದ್ ತಾವೊಬ್ಬ ರಿಯಲ್ ಹೀರೋ ಅನ್ನೋದನ್ನ ಸಾಬೀತು ಪಡಿಸಿದ್ದಾರೆ. ಕೆಲ ದಿನಗಳ ಹಿಂದಷ್ಟೇ ಸೋನು ಸೂದ್ ಇನ್ಸ್ಟಾಗ್ರಾಂನಲ್ಲಿ ಮೊಟ್ಟೆ, ಬ್ರೆಡ್ ಸೇರಿದಂತೆ ಕೆಲ ವಸ್ತುಗಳನ್ನ ಮಾರಾಟ ಮಾಡ್ತಿರೋ ಫನ್ನಿ ವಿಡಿಯೋವೊಂದನ್ನ ಶೇರ್ ಮಾಡಿದ್ದರು.
ಸೋಶಿಯಲ್ ಮೀಡಿಯಾದಲ್ಲಿ ಜನತೆಯ ಸಹಾಯಕ್ಕೆ ಧಾವಿಸುವ ಸೋನು ಸೂದ್ ಇದರ ಜೊತೆಯಲ್ಲಿ ಫನ್ನಿ ವಿಡಿಯೋಗಳನ್ನ ಮಾಡೋದಕ್ಕೂ ಫೇಮಸ್ ಆಗಿದ್ದಾರೆ. ಈ ಬಾರಿ ಅವರು ತಮ್ಮ ವಿಡಿಯೋಗೆ ʼಸೋನು ಕಿ ಸೂಪರ್ ಮಾರ್ಕೆಟ್ʼ ಎಂದು ಕರೆದಿದ್ದಾರೆ.
ಈ ಹಿಂದೆ ಮನೆಯಲ್ಲೇ ಬೆಳೆದ ನಿಂಬುವಿನಿಂದ ಪಾನಕ ತಯಾರಿಸಿದ್ದು ಮಾತ್ರವಲ್ಲದೇ ಅದರ ಮಹತ್ವವನ್ನೂ ಹೇಳಿದ್ದರು. ಕೆಲ ದಿನಗಳ ಹಿಂದಷ್ಟೇ ಅಭಿಮಾನಿಯೊಬ್ಬ ಸೋನು ಸೂದ್ ಬಳಿ ತಮ್ಮ ಗರ್ಲ್ಫ್ರೆಂಡ್ಗೊಂದು ಮೊಬೈಲ್ ಫೋನ್ ಕೊಡಿಸುವಂತೆ ಮನವಿ ಮಾಡಿದ್ದರು. ಅಣ್ಣಾ, ನನ್ನ ಗರ್ಲ್ಫ್ರೆಂಡ್ ನನ್ನ ಬಳಿ ಐ ಫೋನ್ ಕೇಳುತ್ತಿದ್ದಾಳೆ. ನಿಮ್ಮಿಂದ ಏನನ್ನಾದರೂ ಸಹಾಯ ನಿರೀಕ್ಷಿಸಬಹುದೇ ಎಂದು ಕೇಳಿದ್ದರು.
ಇದಕ್ಕೆ ಪ್ರತಿಕ್ರಿಯಿಸಿದ್ದ ಸೋನು ಸೂದ್ ಅವಳ ಬಗ್ಗೆ ನನಗೆ ಗೊತ್ತಿಲ್ಲ. ಆದರೆ ನೀನು ಐ ಫೋನ್ ಕೊಡಿಸಿದ್ರೆ ನಿನ್ನ ಬಳಿ ಏನೂ ಇರೋದಿಲ್ಲ ಎಂದು ಹೇಳಿದ್ದರು. ಸದ್ಯದಲ್ಲೇ ಸೋನು ಸೂದ್, ಅಕ್ಷಯ್ ಕುಮಾರ್ ಮುಖ್ಯಭೂಮಿಕೆಯಲ್ಲಿರುವ ʼಪೃಥ್ವಿರಾಜ್ʼ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
Loading ...