ಬಾಲಿವುಡ್ ಕಿಂಗ್ ಖಾನ್ ಶಾರೂಕ್ ತಮ್ಮ ಪರಿಶ್ರಮದ ಮೂಲಕವೇ ನಟನಾ ಜಗತ್ತಿನಲ್ಲಿ ಹೆಸರು ಮಾಡಿದಂತವರು. ಇದೀಗ ತಮ್ಮ ಬ್ಯುಸಿ ಶೆಡ್ಯೂಲ್ನಿಂದ ಕೊಂಚ ಬಿಡುವು ಮಾಡಿಕೊಂಡಿರುವ ನಟ ಶಾರೂಕ್ ಟ್ವಿಟರ್ನಲ್ಲಿ ತಮ್ಮ ಅಭಿಮಾನಿಗಳು ಕೇಳಿದ ಪ್ರಶ್ನೆಗಳಿಗೆ ಉತ್ತರ ನೀಡಿದ್ದಾರೆ.
ಶಾರೂಕ್ ಖಾನ್ರ ಮನೆ ʼಮನ್ನತ್ʼನ್ನ ಮಾರುತ್ತೀರಾ..? ಅಥವಾ ನಿಮ್ಮ ಮನ್ನತ್ ಮನೆಯಲ್ಲಿ ನಮಗೂ ಒಂದು ಕೋಣೆ ಬಾಡಿಗೆ ಸಿಗಬೋದಾ ಅಂತೆಲ್ಲ ಟ್ವೀಟಿಗರು ಪ್ರಶ್ನೆ ಹಾಕಿದ್ದಾರೆ. ಮನ್ನತ್ ಎಂಬ ತಮ್ಮ ಮನೆಯ ಹೆಸರಿನ ಅರ್ಥವನ್ನ ಮೂಲವಾಗಿ ಇಟ್ಟುಕೊಂಡ ಎಸ್ಆರ್ಕೆ ಟ್ವೀಟಿಗರ ಪ್ರಶ್ನೆಗೆ ಉತ್ತರ ನೀಡಿದ್ದಾರೆ.
ಮನ್ನತ್ ಅಂದರೆ ಕೋರಿಕೆ. ಕೋರಿಕೆಯನ್ನ ಎಂದಿಗೂ ಮಾರಾಟ ಮಾಡೋಕೆ ಆಗಲ್ಲ. ಅದನ್ನ ಬೇಡಿ ಪಡೆಯುವಂತದ್ದು. ಈ ಮಾತನ್ನ ನೀವು ನೆನಪಿನಲ್ಲಿ ಇಟ್ಟುಕೊಂಡರೆ ನೀವೂ ಕೂಡ ಜೀವನದಲ್ಲಿ ಏನನ್ನಾದರೂ ಸಾಧಿಸುತ್ತೀರಾ ಅಂತಾ ಉತ್ತರ ನೀಡಿದ್ದಾರೆ. ಅಲ್ಲದೇ ಮನ್ನತ್ನಲ್ಲಿ ಬಾಡಿಗೆ ಪಡೆಯೋಕೆ ಎಷ್ಟು ಹಣ ಕೇಳ್ತಿರಾ ಎಂಬ ಪ್ರಶ್ನೆಗೆ ಉತ್ತರಿಸಿದ ಶಾರೂಕ್ 30 ವರ್ಷದ ಪರಿಶ್ರಮ ಅಂತಾ ಹೇಳಿದ್ದಾರೆ.
Loading ...