ಒಟಿಟಿ ವೇದಿಕೆಯಲ್ಲಿ ಧೂಳೆಬ್ಬಿಸಿರುವ ದಿ ಫ್ಯಾಮಿಲಿ ಮ್ಯಾನ್ ಸಿರೀಸ್ನ್ನು ನೀವು ಸಹ ನೋಡಿದ್ದೀರಿ ಅಲ್ಲವೇ..? ನಿಮ್ಮ ಉತ್ತರ ಹೌದು ಎಂದಾದಲ್ಲಿ ಮನೋಜ್ ಬಾಜಪೇಯಿ ನಟನೆ ಬಗ್ಗೆ ಹೆಚ್ಚಿನ ವಿವರಣೆಯನ್ನ ನಾವು ನೀಡುವ ಅಗತ್ಯವೇ ಇಲ್ಲ.
ದಿ ಫ್ಯಾಮಿಲಿ ಮ್ಯಾನ್ ಮೊದಲ ಸಿರೀಸ್ ಭರ್ಜರಿ ಯಶಸ್ಸನ್ನ ಗಳಿಸಿದ ಬಳಿಕ ನಿರ್ದೇಶಕ ರಾಜ್ ಹಾಗೂ ಡಿಕೆ ಸೇರಿ 2ನೇ ಸೀಸನ್ನ್ನು ಪ್ರೇಕ್ಷಕರ ಮುಂದೆ ತರುವ ಪ್ರಯತ್ನ ಮಾಡಿದ್ರು. ನಿರೀಕ್ಷೆಯಂತೆ 2ನೇ ಸೀರಿಸ್ ಮೊದಲ ಸೀರಿಸ್ಗಿಂತಲೂ ಅದ್ಧೂರಿ ಪ್ರಮಾಣದಲ್ಲಿ ಯಶಸ್ಸನ್ನ ಗಳಿಸಿತು.
ಈ ಸಿರೀಸ್ನಲ್ಲಿ ಸಮಂತಾ ಅಕ್ಕಿನೇನಿ, ಮನೋಜ್ ಬಾಜಪೇಯಿ, ಪ್ರಿಯಾಮಣಿ ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಸೀರಿಸ್ನ್ನ ಇಷ್ಟ ಪಟ್ಟ ಪ್ರೇಕ್ಷಕರು ಒಬ್ಬೊಬ್ಬರ ನಟನೆಯನ್ನ ಒಂದೊಂದು ರೀತಿಯಲ್ಲಿ ಬಣ್ಣಿಸ್ತಾ ಇದಾರೆ. ಈ ಎಲ್ಲದರ ನಡುವೆ ನಟ ಮನೋಜ್ ಬಾಜಪೇಯಿ ಕೂಡ ಸಂಪೂರ್ಣ ಸೀರಿಸ್ ನಲ್ಲಿ ತಮಗೆ ತುಂಬಾನೆ ಇಷ್ಟವೆನಿಸಿ ಸಹ ಕಲಾವಿದೆ ಹೆಸರನ್ನ ಟ್ವಿಟರ್ನಲ್ಲಿ ಬಯಲು ಮಾಡಿದ್ದಾರೆ.
ಟ್ವಿಟರ್ನಲ್ಲಿ ಫ್ಯಾಮಿಲಿ ಮ್ಯಾನ್ 2 ಸೀರಿಸ್ ಬಗ್ಗೆ ಹೇಳಿಕೊಂಡಿರುವ ಮನೋಜ್ ಬಾಜಪೇಯಿ ಸಂಪೂರ್ಣ ಸೀರಿಸ್ನಲ್ಲಿ ತಮಗೆ ಆಶ್ಲೇಷಾ ಠಾಕೂರ್ ತುಂಬಾನೇ ಇಷ್ಟವಾದ್ರು ಎಂದು ಹೇಳಿದ್ದಾರೆ. ಈ ಸರಣಿಯಲ್ಲಿ ಆಶ್ಲೇಷಾ, ಮನೋಜ್ರ ಪುತ್ರಿಯ ಪಾತ್ರವನ್ನ ನಿರ್ವಹಿಸಿದ್ರು.
ತಮ್ಮ ಟ್ವಿಟರ್ ಖಾತೆಯಲ್ಲಿ ಫ್ಯಾಮಿಲಿ ಮ್ಯಾನ್ ಸಿರೀಸ್ ಶೂಟಿಂಗ್ ಹಿಂದಿನ ಕೆಲ ದೃಶ್ಯಾವಳಿಗಳನ್ನ ಆಶ್ಲೇಷಾ ಹಂಚಿಕೊಂಡಿದ್ದರು. ಇದೀಗ ಈ ಟ್ವೀಟ್ಗೆ ರಿ ಟ್ವೀಟ್ ಮಾಡಿದ ಮನೋಜ್ ಬಾಜಪೇಯಿ ಆಶ್ಲೇಷಾರನ್ನ ಹಾಡಿ ಹೊಗಳಿದ್ದಾರೆ .
Loading ...