ದೇಶದಲ್ಲಿ ರೈತರ ಪ್ರತಿಭಟನೆ ವಿಚಾರ ಬೂದಿ ಮಚ್ಚಿದ ಕೆಂಡದಂತೆ ಇರುವ ನಡುವೆಯೇ ಸೆಲಿಬ್ರಿಟಿ ಯುಟ್ಯೂಬರ್ ಲಿಲ್ಲಿ ಸಿಂಗ್ ಗ್ರ್ಯಾಮಿ ಅವಾರ್ಡ್ಸ್ 2021 ಕಾರ್ಯಕ್ರಮಕ್ಕೆ ಭಾಗಿಯಾಗುವ ವೇಳೆಯಲ್ಲಿ ರೈತರ ಪರ ನಾನು ನಿಲ್ಲುತ್ತೇನೆ ಎಂದು ಬರೆದ ಮಾಸ್ಕ್ ಧರಿಸಿ ಸುದ್ದಿಯಾಗಿದ್ದಾರೆ.
ಗ್ರ್ಯಾಮಿಸ್ ರೆಡ್ ಕಾರ್ಪೆಟ್ನಲ್ಲಿ ಇದೇ ಮಾಸ್ಕ್ ಹಾಕಿಕೊಂಡು ಲಿಲ್ಲಿ ಫೋಟೋಗೆ ಪೋಸ್ ನೀಡಿದ್ದು ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿದೆ.
ಈ ಕಾರ್ಯಕ್ರಮಕ್ಕೆ ಲಿಲ್ಲಿ ಕಪ್ಪು ಬಣ್ಣದ ಬಣ್ಣದ ಸೂಟ್ ಧರಿಸಿದ್ದಾರೆ. ಕುತ್ತಿಗೆಗೆ ಬೆಳ್ಳಿ ಬಣ್ಣದ ಸರಗಳನ್ನ ಹಾಕಿದ್ದಾರೆ. ಇದರ ಜೊತೆಯಲ್ಲಿ ನಾನು ರೈತರ ಜೊತೆ ಇದ್ದೇನೆ ಎಂದು ಆಂಗ್ಲ ಬರಹ ಹೊಂದಿರುವ ಕಪ್ಪು ಬಣ್ಣದ ಮಾಸ್ಕ್ನ್ನು ಧರಿಸಿದ್ದಾರೆ.
ಅವಾರ್ಡ್ ಶೋಗಳಲ್ಲಿ ತೆಗೆಸಿಕೊಳ್ಳುವ ಫೋಟೋಗಳು ಸಿಕ್ಕಾಪಟ್ಟೆ ವೈರಲ್ ಆಗುತ್ತೆ ಅನ್ನೋ ವಿಚಾರ ನನಗೂ ತಿಳಿದಿದೆ. ಹಾಗಾಗಿ ಮಾಧ್ಯಮದವರೇ ಇಲ್ಲಿ ನೋಡಿ ಎಂದು ಶೀರ್ಷಿಕೆ ನೀಡುವ ಮೂಲಕ ಲಿಲ್ಲಿ ಫೋಟೋ ಶೇರ್ ಮಾಡಿದ್ದಾರೆ .
Loading ...